De Yɛlɛ Mine Biŋ Ho Nimitɔɔreŋ A Yezu Kũũ Leɛteɛroo Saŋa

Yuoni zaa, Jehoova Sieree Deme eŋɛ maŋ nyagraŋ ka ba Leɛteɛre Yezu kũũ na. Daaraawala sɛre kyɛ ka a Yezu Kũũ Leɛteɛroo na ta, kyɛbee a Leɛteɛroo puoreŋ, te maŋ nyɛɛ apoɔsori ka te de puubu ko Jehoova a kyɛ lɛ puoroo bareka o naŋ ko te a yɔɔdeɛbo kyɔɔtaa. (Ef 1:3, 7) Aŋa mannoo poɔŋ, te maŋ mɔɔ la te mɔɔbo zaa a toŋboɔle noba yaga ka ba wa a Leɛteɛroo lammo. Te mine meŋ na baŋ sɛgrɛɛ te yɛlɛ a toɔ̃ toŋ a paaneɛ sonneba toma March kyɛbee April kyuuri na poɔŋ. Ho na baŋ de la aware 30 kyɛbee 50 toŋ a paaneɛ sonneba toma. Ho na boɔrɔŋ ka ho yɛlle ho naaŋ moɔloo toma na a Yezu Kũũ Leɛteɛroo saŋa bee? Boŋ na toɔ̃ soŋ bo ka ho toɔ̃ e lɛ?

Ka teneeŋ wa nare te menne sɛre kyɛ erɛ yelkaŋa, a maŋ vɛmeŋ teŋ toɔ̃ e a yɛlɛ soŋ zaa. (Ye 21:5) A koŋ kɔɔre kyɛ ka a Yezu Kũũ Leɛteɛroo na ta, azuŋ, pampana aŋ seŋ ka te piili nara te menne. Gyieli nyɛ soe na mine hoŋ boɔrɔ ka ho tu kyɛ yɛlle ho naaŋ moɔloo toma na a Yezu Kũũ Leɛteɛroo saŋa, gyieli yɛlɛ na mine aŋ seŋ ka ho e a toɔ̃ ta yɛlɛ na hoŋ de biŋ ho nimitɔɔreŋ na. Puore sɔre Jehoova ka o maale mɔɔre na hoŋ mɔɔrɔ na.​—1Gyn 5:14, 15.

Ho baŋɛɛ soe na mine hoŋ na baŋ tu kyɛ yɛlle ho naaŋ moɔloo toma a Yezu Kũũ Leɛteɛroo saŋa?