Bonso Ka Nensaaleba Koŋ Baŋ Laŋ Zeŋ Emmaaroŋ Poɔŋ?​—⁠Wala Ka A Baabole Yeli Kyaare A Yɛlɛ Ŋa?

A teŋɛzu wedeɛreba ane yelsɛgree naŋ be a donɛɛ lombori zaa ba toɔ̃ vɛŋ ka emmaaroŋ be nensaaleba laŋ zemmo poɔŋ. A Donɛɛ Zaa Zɔɔre Ayi Soba na puoriŋ, te wagre ŋa poɔŋ la ka zɔɔre naŋ waana neŋ kpaŋkpaŋkpeɛ̃o yɛlɛ be a teŋɛzuŋ yaga zaa. Noba naŋ ta turiturituri ayi be la ziiri zɔɔre naŋ be. Lɛ wuleeŋ ka, ka hooŋ poŋ noba naŋ be a teŋɛzuŋ eŋ ziiri anaare, noba naŋ be ziyenaa be la ziiri zɔɔre naŋ be.

Bonso ka nensaaleba koŋ baŋ waneŋ emmaaroŋ? Wala ka a Baabole yeli kyaare a yɛlɛ ŋa?

Yɛlɛ ata mine zuŋ nensaaleba naŋ koŋ baŋ waneŋ emmaaroŋ

1. 1. Gyogri na noba naŋ taa la vɛŋ ka emmaaroŋ koŋ baŋ be ba neŋ ba taaba kpakyagaŋ. A Baabole daŋyeleeŋ ka te saŋa ŋaŋ, “nensaaleba na eɛ ba menne nɔŋneba, a e libi nɔŋneba, a wulo ba menne, a erɛ taŋkama, . . . ba koŋ dire yelmennoŋ, . . . ho ne ba koŋ baŋ laŋnoɔre, . . . ba koŋ nyɔgrɔ ba menne, ba na e la nimikuonii deme, . . . a e zukpeɛne deme, a paale neŋ pɔloo.”​—2 Timoti 3:2-4.

2. 2. Nensaalaa kyɛbee nensaaleba zaa koŋ baŋ sɛgre yelkpeɛne ba naŋ tuoro ka Jehoovaa Naaŋmeneŋ ba soŋ ba. A Baabole yeleeŋ ka, “A ba kye nensaalaa naŋ kyɛnɛ ka o wulo o gbɛ-deree sori.”​—Jeremaiya 10:23.

3. 3. Neŋfaa kaŋa baŋ boɔlɔ Setaana a Dɛɛvul la dire naaŋ a kaara a tendaa zaa zu. Setaana a Dɛɛvul ‘bɛnlɛɛ a tendaa noba zaa.’ (Yel-iriwulaa 12:9) Ka a donɛɛ ŋa naŋ be “a neŋfaa na kpeɛ̃o puliŋ,” lɛ yɛŋ zɔɔre neŋ kpaŋkpaŋkpeɛ̃o toma daŋ koŋ baare zaa.​—1 Gyɔɔn 5:19.

Nembuoŋ na baŋ waneŋ emmaaroŋ?

A Baabole vɛŋɛɛŋ teŋ baŋ ka nensaaleba koŋ toɔ̃ waneŋ emmaaroŋ, kyɛ Naaŋmen na toɔ̃ vɛŋeŋ ka te taa emmaaroŋ.

• “‘Bozuŋ maaŋ meŋɛ baŋɛɛ teɛrɛ N naŋ teɛrɛ a kyaare yɛ,’ Jehoova la yeli, ‘N teɛrɛɛ emmaaroŋ teɛrɛ kyaare yɛ, saammo teɛrɛ naane, ka N ko yɛ nendaare kaŋa naŋ soma ane teɛretɔ.’”​—Jeremaiya 29:11.

Sobuo ka Naaŋmen na tu a vɛŋ ka a yɛlɛ ŋa nyɛ eebo? “A Naaŋmen naŋ terɛ emmaaroŋ na na ŋmorɛɛ Setaana yɛ gbɛɛ puliŋ.” (Urom 16:20) Naaŋmen na de la sazu gɔmenante kaŋa a Baabole naŋ boɔlɔ ka “Naaŋmen Naaloŋ na,” a vɛŋ ka emmaaroŋ be a teŋɛzu zaa. (Luka 4:43) Yezu Krista la Naaŋmen Naaloŋ na Naa. Saŋa na oŋ na wa dire naaŋ a kaara a teŋɛzu zaa na, ba na wulee nensaaleba zaa lɛ baŋ na toɔ̃ laŋ zeŋ emmaaroŋ poɔŋ.​—Aizeeya 9:6, 7.

• Ka hooŋ boɔrɔ ka ho zanne yɛlɛ yaga poɔ, kanne a yelzu ŋa, “What Will God’s Kingdom Accomplish?” (Bo Yɛlɛ Ka Naaŋmen Naaloŋ Na E Ko Te?)