• Bo Ka A Baabole Yel Kyaare Malekere?
    Nyɛ Zeŋ Laafeɛ Tegitegilɛ!​—Lɛ A Baabole Zannoo Naŋ Na Toɔ̃ Soŋ Bo
    • Boma mine naŋ kyaare sɔyɛlɛ la, ane gane kaŋa baŋ maŋ tu o eŋɛŋ kyɛ peɛre yɛlɛ yi a malekefaare zie la, ane crystal ball, gama naŋ kyaare vampires, tarot cards, voodoo kontonne, isɛnse, nubanne, ane lɛɛbie la.

      5. Tage ho meŋɛ yi sɔyɛlɛ eŋɛŋ

      Setaana ane o malekefaare na e la Jehoova dɔndɔnne. Ba eɛ te meŋ dɔndɔnne. Kanne Luka 9:38-42, a kyɛ gyieli a soorebiri naŋ tu na yɛlɛ:

      • Bo ka a malekefaare ŋa maŋ e noba?

      Te ba boɔrɔ ka te e yelzaa naŋ na vɛŋ ka te gaa a malekefaare ŋa zie. Kanne Duturoonomi 18:10-12, a kyɛ gyieli soorebie naŋ tu na yɛlɛ:

      • Sobobo ka a malekefaare maŋ boɔrɔ ka a tu kyɛ ka te neŋ ba laŋ e yɛlɛ bee a di dama? A yi zie na ho naŋ be na, sobobo ka noba maŋ tu kyɛ ka ba neŋ a malekefaare ŋa dire dama?

      • Ho teɛre ka Jehoova naŋ yelka te ta erɛ sɔyɛlɛ na, lɛ somaŋ bee? Bonso hoŋ yel lɛ?

      Ŋmɛ a VIDIO, a kyɛ gyieli a soorebie naŋ tu na yɛlɛ.

      VIDIO: “Yɛ Ta Sage Ka Setaana Nyɛ Zie” (5:02)

      • Ho teɛre ka a nubaŋa na Palesa naŋ da de eŋ o bie nuŋ na da ba soma bee? Bonso hoŋ yel lɛ?

      • Bo ka Palesa da seŋ ka o e a toɔ̃ tage o meŋɛ yi a malekefaare ŋa eŋɛŋ?

      Yelmeŋɛ Kristabiiri maŋ tagɛɛ ba menne yi yelzaa naŋ taa a malekefaare ŋa yɛlɛ. Kanne Toma 19:19 ane 1 Korinti 10:21, a kyɛ gyieli a soorebiri naŋ tu na yɛlɛ:

      • Ka hooŋ taa bonkaŋa naŋ kyaare sɔyɛlɛ, bonso aŋ e nimizeɛ ka ho sãã ana bon na?

      Pɔge kaŋa la de boma naŋ kyaare sɔyɛlɛ lɔɔrɔ eŋnɛ vũũ poɔŋ ka a di.
  • Ka Neɛŋ Wa Kpi, Boŋ Maŋ Pɔgoo?
    Nyɛ Zeŋ Laafeɛ Tegitegilɛ!​—Lɛ A Baabole Zannoo Naŋ Na Toɔ̃ Soŋ Bo

    • 2. Ka teneeŋ baŋ boŋ naŋ maŋ pɔge neɛ saŋa na oŋ kpi na, sobuo aŋ na toɔ̃ soŋ te?

      Noba yaga zoree kũũ. Ka neɛ kaŋaŋ wa kpi ba maŋ zoree o soba! Kyɛ, yɛlɛ na a Baabole naŋ yel a kyaare kũũ na na toɔ̃ dii la ho sukyiri. Yezu yeleeŋ ka: “Yɛ na baŋ la a yelmeŋɛ, ka a yelmeŋɛ e ka yɛ so yɛmenne.” (Gyɔɔn 8:32) Puoruu yaga maŋ wuloŋ ka ka neɛŋ wa kpi o seɛ naŋ koŋ baŋ kpi maŋ yi la o soba eŋɛŋ a te be zie kaŋaŋ, kyɛ lɛ naane ka a Baabole wuli. A Baabole wuleeŋ ka ka neɛŋ wa kpi, o ba maŋ te be zie kaŋaŋ a dire dɔgɛɛ. Ane meŋ, kũũni ba baŋ yelzaa naŋ erɛ, ba koŋ toɔ̃ e noba naŋ voorɔ yelfaa zaa. Azuŋ, a ba seŋ ka te puoro kũũni bee, a erɛ yɛlɛ mine naŋ wuli ka te boɔrɔŋ ka te pɛlɛ te noba naŋ kpi na poɔ. A ba seŋ ka te maŋ puoro korɔ noba naŋ kpi meŋ.

      Noba mine maŋ yeleŋ ka ba neŋ kũũni na baŋ di la dama. Kyɛ, a yɛlɛ ŋa ba e yelmeŋɛ. Bonso a Baabole yeleeŋ ka kũũni “ba baŋ yelzaa.” Noba naŋ teɛre ka ba neŋ kũũni la dire dama na neŋ malekefaare la maŋ dire dama. A malekefaare ŋa maŋ tu la nyaammo sori a erɛ ba yɛlɛ aŋa te nɔŋneba naŋ kpi na. Azuŋ, ka teneeŋ baŋ yɛlɛ naŋ maŋ pɔge neɛ saŋa na oŋ kpi, a na soŋ teŋ ka te tage te menne yi a malekefaare ŋa eŋɛŋ. Jehoova kpãã teŋ nimizeɛ̃ ka te ta vɛŋ ka te neŋ kũũni dire dama. Jehoova yelee lɛ bonso o ba boɔrɔ ka a malekefaare ŋa e te yelfaa zaa.​—Kanne Duturoonomi 18:10-12.