• Lɛ Hoŋ Na Toɔ̃ E Nyɛ Tɔnɔ Yaga Yi Ho Baabole Kannoo Poɔŋ
    Nyɛ Zeŋ Laafeɛ Tegitegilɛ!​—Lɛ A Baabole Zannoo Naŋ Na Toɔ̃ Soŋ Bo
    • Zannoo 11. Pɔge kaŋa naŋ kanna a Baabole saŋa na oŋ wa baare o deo toma.

      ZANNOO 11

      Lɛ Hoŋ Na Toɔ̃ E Nyɛ Tɔnɔ Yaga Yi Ho Baabole Kannoo Poɔŋ

      Ka hooŋ piili ka ho toŋ toma mine naŋ e kpoŋ, boŋ maŋ wa ho teɛroŋ? Ka hooŋ piili tonɔ a toma fẽẽfẽẽ a na vɛmeŋ ka a toma tommo e mɔlɔ kyɛ ka ho toɔ̃ baare a toma meŋ. Lɛ meŋ ka a Baabole kannoo waa. Kaapage ho na soorɛɛ ho meŋɛ ka, ‘A Baabole lombo buo la aŋ seŋ ka N piili kanna?’ A zannoo ŋa poɔŋ, ho na nyɛɛ lɛ hoŋ na toɔ̃ e ka a Baabole kannoo ane a Baabole zannoo noma korɔ bo.

      1. Bonso aŋ seŋ ka te maŋ kanna a Baabole bebiri zaa?

      Neɛ naŋ kanna a Baabole, bee “Jehoova bege” wagre zaa na, na taaɛ popeɛloŋ ane maaloo. (Kanne Yieme 1:​1-3.) Ho na toɔ̃ piiliŋ a maŋ de wagre fẽẽ lɛ kanne a Baabole bebiri zaa. Saŋa na hoŋ nyɛrɛ nimitɔɔre gaabo a Baabole kannoo poɔŋ na, ho na wa nyɛɛ lɛ a Baabole kannoo naŋ noma seŋ.

      2. Boŋ na toɔ̃ soŋ bo ka ho nyɛ tɔnɔ yi ho Baabole kannoo poɔŋ?

      Ka te naŋ na nyɛ tɔnɔ yi te Baabole kannoo poɔŋ, aseŋ ka te maŋ kanne fẽẽ kyɛ leɛteɛre yɛlɛ na te naŋ kanna na. Aseŋ ka te maŋ kanne kyɛ teɛre yɛlɛ na teŋ kanna na gaa tɔɔre. (Joosua 1:8.) Ka hooŋ wa kanna a Baabole, maŋ soore ho meŋɛ a soorebie ŋa: ‘Boŋ ka a yɛlɛ ŋa wulo ma kyaare Jehoova Naaŋmen? Sobuo maŋ na toɔ̃ de a yɛlɛ ŋa toŋ neŋ toma N zemmo poɔŋ? Sobuo maŋ na baŋ de a sɛgre ŋa soŋ noba mine meŋ?’

      3. Wala hoŋ na e nyɛ wagre a maŋ kanne a Baabole?

      A maŋ eɛ kpeɛŋaa ko bo ka ho nyɛ wagre kanne a Baabole bee? A maŋ eɛ kpeɛŋaa ko noba yaga zaa. Kyɛ a ba seŋ ka ho “bare vuo zaa ka o wɛ.” (Efesu 5:​16) Aseŋ ka ho bɔ wagre kaŋa biŋ, a maŋ de kanne a Baabole bebiri zaa. Noba mine maŋ iree beguu pipi a kanne a Baabole. Ka mine meŋ maŋ kannoo ba ŋmenaa pɛnnoo saŋa. Ka ba mine meŋ maŋ kanne a Baabole zimaanee saŋa sɛre kyɛ gaŋ. Bo saŋa la na soma ko ho meŋ?

      ZANNE YƐLƐ YAGA POƆ

      Zanne nyɛ lɛ hoŋ na baŋ e ka ho Baabole kannoo na maŋ noma korɔ bo yaga. Nyɛ lɛ hoŋ na baŋ sɛgre ho meŋa soŋ ka a vɛŋ ka ho nyɛ tɔnɔ yaga yi a Baabole zannoo ŋa poɔŋ.

      Collage: Bidɔɔ bile kaŋa naŋ zanna bondirii mine diibu wagre kaŋa poɔ. 1. A bie deɛnɛ neŋ la a bondirii. 2. Kyɛ wagre kaŋa puoreŋ, a bie dire la a bondirii. 3. A bie naŋ wa baa na, o nɔŋ la a bondirii diibu yaga.

      Aŋa lɛ teŋ na toɔ̃ zanne lɛ teŋ na toɔ̃ di bondirii mine teŋ daaŋ ba di zaa ka a wa noma korɔ te na, lɛ meŋ la, ka te naŋ moɔ̃ nimiri kanna a Baabole, o kannoo na wa noma ko teŋ

      4. Zanne lɛ hoŋ na baŋ e ka a Baabole kannoo noma korɔ bo

      Kaapage a piilee saŋa, a Baabole kannoo koŋ e mɔlɔ ko bo. Kyɛ aŋa lɛ neɛ naŋ na baŋ di bondirii mine oŋ daaŋ ba di ka a noma koroo na. Lɛ hoŋ meŋ na wa “boɔrɔ” a Baabole kannoo saŋa na hoŋ piili kannoo na. Kanne 1 Piita 2:​2, a kyɛ gyieli a soorebiri ŋa yɛlɛ:

      • Ho teɛre ka, ka hooŋ kanna a Baabole bebiri zaa, o kannoo na wa noma korɔ boŋ, ka ho maŋ boɔrɔ ka ho kannoo wagre zaa bee?

      Ŋmɛ a VIDIO a nyɛ lɛ a Baabole kannoo naŋ wa noma korɔ noba mine saŋa na baŋ wa piili o kannoo na. A kyɛ gyieli a soorebie ŋa yɛlɛ.

      VIDIO: Lɛ Baapaalba Mine Naŋ E A Wa Nɔŋ Ka Ba Kanna Naaŋmen Yelbiri Na (5:33)

      • A vidio poɔŋ, bo yelkpeɛne ka a baapaalba zɔɔtoɔ̃?

      • Boŋ da soŋ ba, baŋ toɔ̃ kanna a Baabole bebiri zaa?

      • Wala baŋ e vɛŋ ka ba Baabole kannoo na noma korɔ ba yaga zaa?

      Nyɛ yɛlɛ mine naŋ na toɔ̃ soŋ bo ka ho toɔ̃ piili:

      • Kaa iri Baabole poɔ yɛlɛ naŋ tori kyɛ ka o kannoo meŋ e mɔlɔ. Ka a New World Translation Baabole naŋ wa be ho kɔkɔre poɔŋ, kannoo nyɛ. Kyɛbee ka ho kannoo kɔkɔ yuo kaŋa ho naŋ wono yaga poɔŋ.

      • Daŋ kanne a Baabole lomboe ziiri naŋ noma korɔ bo yaga na. Ka hooŋ boɔrɔ sommo, nyɛ a Baabole kannoo yelsɛgraa ŋa “Piili Kanna A Baabole.”

      • Ka hooŋ wa kanne ta zie zaa, maŋ sɛge a zie biŋ. De a “Magi Zie Na Hoŋ Kanne Ta” zie naŋ be a gane ŋa poɔ na tonɔ toma.

      • De a JW Library® app tonɔ neŋ toma. Ka hooŋ taa a JW Library® app ho fone, tablɛt, bee komputa zuŋ, ho na toɔ̃ kannɛɛ a Baabole, a kyɛlle woŋ Baabole kannoo odiori meŋ zie zaa ho naŋ be.

      • De a appendixes naŋ be a New World Translation poɔ tonɔ neŋ toma. Beŋ ho na nyɛɛ maps, charts, ane glossary naŋ na vɛŋ ka ho Baabole kannoo na noma korɔ bo.

      5. Maŋ nare ho meŋɛ ko ho Baabole zannoo na

      Kanne Yieme 119:​34, a kyɛ gyieli a soorebiri ŋa yɛlɛ:

      • Bonso aŋ seŋ ka ho daŋ puore sɛre kyɛ piili kanna bee a zanna a Baabole?

      Wala hoŋ na toɔ̃ e a nyɛ tɔnɔ yaga yi a Baabole zannoo poɔŋ? Ka hooŋ wa nara ho meŋɛ korɔ a zannoo ŋa, maŋ e a yɛlɛ ŋa:

      1. A. Maŋ daŋ kanne a zannoo piilee yɛlɛ naŋ bebe na sɛre.

      2. B. Maŋ kanne a sɛgre naŋ bebe na meŋ a nyɛ lɛ a neŋ a kannoo zie naŋ kyaare taa.

      3. D. Maŋ mage yelbie na naŋ ire a soorebie nɔɛ na; a na soŋ boŋ ka ho ne ho wulwulo na e a zannoo ka o kyɛŋ soŋ zaa.

      Collage: Pɔge kaŋa naŋ nara o meŋɛ ka o e o Baabole zannoo. A. O kanne la a dɛndɛŋ gampɛlee na. B. O kanne la a sɛgre naŋ be a gane poɔ na. D. O mage la yelnimizeere naŋ be o zannoo na poɔŋ.

      Ho da baŋɛɛŋ?

      Jehoova Sieree Deme deɛ Baabole yobo yaga zaa toŋ neŋ toma. Kyɛ, a New World Translation of the Holy Scriptures teŋ boɔrɔ yaga, bonso o poɔ yɛlɛ toreeŋ, a kyɛ maŋ de Naaŋmen yuori na tonɔ toma.​—Kaa a Intanɛt zu gane ŋa “Jehoova Sieree Deme Taaɛ Ba Yoŋ Baabole Bee?”

      NOBA MINE MAŊ YELEŊ KA: “A Baabole zannoo eɛ tuo yaga. N maŋ baleŋ yaga, N ba taa wagre na kannoo.”

      • Wala hoŋ teɛre kyaare a yɛlɛ ŋa?

      A ZANNOO YELNIMIZEERE

      Ka hooŋ boɔrɔ ka ho nyɛ tɔnɔ yaga yi ho Baabole kannoo na poɔŋ, bɔ wagre a maŋ kannoo, a puore sɔre Naaŋmen ka o soŋ bo ka ho woŋ a Baabole poɔ yɛlɛ muni soŋ, kyɛ sɛgre ho meŋɛ ko a Baabole zannoo.

      Bo Hoŋ Zanne

      • Boŋ na baŋ soŋ bo ka ho nyɛ tɔnɔ yaga yi a Baabole poɔŋ?

      • Bo saŋa hoŋ na baŋ iri biŋ a maŋ de kanna kyɛ zanna a Baabole meŋ?

      • Bonso aŋ soma ka ho maŋ daŋ nare ho meŋɛ sɛre kyɛ ka ho wulwulo na wa ka yɛ zanne?

      Yɛlɛ N Naŋ Na E

      YƐLƐ MINE NAŊ LƐ BEBE

      Leɛ kaa yɛlɛ mine naŋ na baŋ soŋ bo ka ho nyɛ tɔnɔ yaga yi ho Baabole kannoo na poɔŋ.

      “Lɛ Hoŋ Na Baŋ E Nyɛ Tɔnɔ Yaga Yi Ho Baabole Kannoo Na Poɔŋ” (A Watchtower No. 1 2017)

      Zanne baŋ soe ata mine hoŋ na baŋ kanne a Baabole.

      “Sobuo Ka A Baabole Na Baŋ Soŋ Ma?​—Kyɛlee 1: Peɛre A Baabole Poɔ Yɛlɛ Soŋ” (Intanɛt zu gane)

      Nyɛ lɛ hoŋ na baŋ e ka Baabole kannoo noma korɔ bo.

      “Sobuo Ka A Baabole Na Baŋ Soŋ Ma?​—Kyɛlee 2: Lɛ Hoŋ Na Toɔ̃ E A Vɛŋ Ka A Baabole Kannoo Noma Korɔ Bo” (Intanɛt zu gane)

      Zanne baŋ soe na noba mine naŋ kanne a Baabole kɔɔre naŋ maŋ tu kyɛ kannoo.

      Maŋ Zanna Boma Nimizeɛŋ (2:06)