A Baabole yeleeŋ ka nensaalaa nyɔvore bebie e la ‘ŋmaa a kyɛ paale neŋ toɔrɔ meŋ.’ (Joob 14:1) A zemmo ŋa tɔ ka Naaŋmen boɔrɔ ka te taa bee? Ka lɛ naane, bo tɔ zemmo ka Naaŋmen boɔrɔ ka te taa? Yel na Naaŋmen naŋ boɔrɔ na daŋ na nyɛɛ eebo bee? Vɛŋ ka te nyɛ lɛ a Baabole nɔɛ iribo naŋ diire sukyiri a seŋ.

1. Bo tɔ zemmo ka Jehoova boɔrɔ ka te taa?

Jehoova boɔrɔŋ ka te taa zeŋ laafeɛ naŋ soma yaga zaa. Saŋa na oŋ wa maale a dɛndɛŋ nensaaleba Adama neŋ Hawaa na, ba da kpeɛrɛɛ a paradiisi teŋgane na ba naŋ da boɔlɔ Eeden gaadin na. Be da veɛlɛŋ yaga. “Beŋ la ka Naaŋmen daaŋ pɛgiba. Ka Naaŋmen yelko ba: ‘Yɛ dɔge biiri a ugi, a paale teŋgane, a sigihoo.’” (Munpiilee 1:​28) Jehoova da boɔrɔŋ ka ba dɔge biiri, a maale a teŋɛzu zaa ka o leɛ paradiisi, a kyɛ lɛ kaara a dunni meŋ zu velaa zaa. Jehoova poboɔbo da la ka nensaaleba taa laafeeloŋ naŋ paale, a kyɛ zeŋ a teŋɛzu kyɛ tegitegilɛ.

Lɛ naane ka zemmo waa zenɛ ŋa,a kyɛ Naaŋmen poboɔbo na ba leɛre. (Aizeeya 46:10, 11) Naaŋmen boɔrɔŋ ka nensaaleba naŋ sagra o nɔɛ zeŋ a teŋɛzu kyɛ tegitegilɛ ka yelzaa ba dɔɔnɔ ba.​—Kanne Yel-iriwulaa 21:3, 4.

2. Wala teŋ na toɔ̃ e a taa zeŋ laafeɛ pampana ŋa?

Lɛ na Jehoova naŋ maale te na vɛŋɛɛŋ teŋ maŋ ‘boɔrɔ ka te baŋ o yɛlɛ,’ lɛ wuleeŋ ka te maŋ boɔrɔŋ ka te baŋoo, a kyɛ puoruu meŋ. (Kanne Matio 5:​3-6.) Jehoova boɔrɔŋ ka te ne o nyɔge zɔmennoŋ naŋ e kpeɛŋaa yaga, a kyɛ lɛ ‘kyɛnɛ o soe zaaŋ, a nɔmoo meŋ.’ O boɔrɔŋ ka te de ‘te sukyiri zaa’ a puoruu. (Duturoonomi 10:​12; Yieme 25:​14) Aneazaa ka te tuoree yelkpeɛne yaga zenɛ ŋa, kyɛ ka teneeŋ erɛ lɛ, te na taa la popeɛloŋ te zemmo poɔŋ. Ka teneeŋ puoro Jehoova, a maŋ vɛmeŋ teŋ taa zeŋ laafeɛ yaga, bonso te erɛɛ yɛlɛ na o naŋ maale te ka te erɛ na.

3. Jehoova boɔrɔŋ ka te taa zemmo naŋ soma yaga zaa

Ŋmɛ a VIDIO, a kyɛ gyieli a soorebiri ŋa yɛlɛ.

VIDIO: Bonso Ka Naaŋmen Maale A Teŋgane?​—Vidio Kyɛlee (1:41)

• Bonso ka Naaŋmen maale a teŋgane?

Kanne Ikilisiasitiz 3:11, a kyɛ gyieli a soorebiri ŋa yɛlɛ:

• Bo ka a yɛlɛ ŋa wulo bo a kyaare Jehoova?

4. Jehoova poboɔbo na ba leɛre

Kanne Yieme 37:11, 29 ane Aizeeya 55:11, a kyɛ gyieli a soorebiri naŋ tu ŋa yɛlɛ:

• Wala teŋ e baŋ ka Jehoova poboɔbo na oŋ taa ko te na ba leɛre?

5. Ka teneeŋ puoro Jehoova a maŋ vɛmeŋ teŋ taa zeŋ laafeɛ

VIDIO: N Wa Baŋɛɛ Bon Naŋso Maŋ Be A Teŋɛzuŋ (5:03)

• Bo tɔnɔ ka Terumi nyɛ saŋa na oŋ wa baŋ bon naŋso o naŋ be a teŋɛzuŋ na?

Kanne Ikilisiasitiz 12:13, a kyɛ gyieli a soorebiri ŋa yɛlɛ:

• Jehoova e la yelsonne yaga a ko te, azuŋ, bo yɛlɛ teŋ na baŋ e a wuli nimipa?

A ZANNOO YELNIMIZEERE

Jehoova boɔrɔŋ ka te taa zeŋ laafeɛ tegitegilɛ a teŋɛzuŋ kyɛ, ka yelzaa ba dɔɔnɔ te. Ka teneeŋ de te sukyiri zaa a puoroo, a na soŋ teŋ ka te taa zeŋ laafeɛ pampana ŋa gba.

Bo Hoŋ Zanne

• A piilee na, bo poboɔbo ka Naaŋmen da taa ko Adama neŋ Hawaa?

• Wala teŋ e baŋ ka Naaŋmen poboɔbo na oŋ taa ko nensaaleba na ba leɛre?

• Wala hoŋ na toɔ̃ e a taa popeɛloŋ ho zemmo poɔŋ?

YƐLƐ MINE NAŊ LƐ BEBE

Kanne nyɛ sieree naŋ wuli ka a Eeden gaadin na da e la zie naŋ da bebe meŋɛmeŋɛ.

“A Eeden Gaadin Na Da E La Zie Naŋ Da Bebe Meŋɛmeŋɛ Bee?” (A Watchtower, January 1, 2011)

Kanne nyɛ bon naŋso teŋ sagedi ka a tendaa ŋa na bebeŋ tegitegilɛ.

“Ba Na Sãã La A Tendaa Bee?” (Intanɛt zu gane)

Kanne nyɛ lɛ a Baabole naŋ yel kyaare lɛ hoŋ na toɔ̃ e a nyɛ zeŋ laafeɛ.

“Bonso Teŋ Be A Teŋɛzuŋ?” (Intanɛt zu gane)

Dɔɔ kaŋa da teɛre ka o taa la bonzaa, kaa a vidio ŋa a nyɛ bon na oŋ da kɔŋ o zemmo poɔŋ.

Pampana Ŋa N Taaɛ Popeɛloŋ Yaga N Zemmo Poɔŋ (3:55)

2. Aŋ mine neŋ Yezuŋ na di a naaloŋ?

Yezu yoŋ naaneŋ na di a naaloŋ. Noba naŋ yi “bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa . . . na di la naaloŋ a [kaara a] teŋɛzu.” (Yel-iriwulaa 5:9, 10) Noba bawala ka ba neŋ Yezu na di a naaloŋ? A yi saŋa na Yezu naŋ wa a teŋɛzu kyɛ na, Kristabiiri turituri yaga wa leɛ la o potuuribo. Kyɛ, noba 144,000 yoŋ la na gaa sazu ka ba neŋ Yezu te di naaloŋ. (Kanne Yel-iriwulaa 14:1-4.) Yezu neŋ a noba 144,000 na di la naaloŋ a kaara Kristabiiri zaa naŋ be a teŋɛzuŋ.​—Yieme 37:29.

Naaŋmen Naaloŋ na piili diree naaŋ. A koŋ kɔɔre, a Naaloŋ na leɛrɛɛ yɛlɛ a teŋɛzuŋ. Yelsonne na a Naaloŋ naŋ na waaneŋ na yɛlɛ teŋ waana ka te zanne a zannoo ŋa poɔŋ.

1. Wala ka Naaŋmen Naaloŋ na na e a vɛŋ ka emmaaroŋ ane dantorii be a teŋɛzuŋ?

Yezu la Naaŋmen Naaloŋ na Naa, azuŋ, o na sãã la neŋfaare zaa ane gɔmenantere zaa Hammagedon zɔɔre na saŋa. (Yel-iriwulaa 16:14, 16) Ana saŋa na a Baabole sɛgre ŋa na nyɛɛ eebo: “A koŋ kɔɔre kyɛ ka neŋfaa koŋ la bebe.” (Yieme 37:10) Yezu na tu la a Naaloŋ eŋɛŋ a kyɛ vɛŋ ka emmaaroŋ ane dantorii be a teŋɛzu zaa.​—Kanne Aizeeya 11:4.

2. Ka Naaŋmen boɔboŋ wa nyɛrɛ eebo a teŋɛzuŋ, wala ka zemmo na waa?

Ka Naaŋmen Naaloŋ naŋ wa dire naaŋ a kaara a teŋɛzu, “sontuuribo na di la a paaloŋ kyɛŋ, a kpeɛrɛ be wagre zaa.” (Yieme 37:29) Hooŋ teɛre a yɛlɛ ŋa nyɛ, teɛre ka ho be la donɛɛ kaŋa poɔŋ ka neɛzaa erɛ yɛlɛ naŋ soma, ka neɛzaa nɔŋ Jehoova a kyɛ lɛ taa nɔmmo ko taa meŋ! Neɛzaa koŋ beɛrɛ, neɛzaa na zeŋ la a teŋɛzu kyɛ tegitegilɛ.

3. Ka Naaŋmen Naaloŋ naŋ wa sãã neŋfaare zaa baare, bo ka a Naaloŋ na lɛ e?

Ka Yezuŋ wa sãã a neŋfaare zaa baare, o na di la Naaloŋ yuomo 1,000. A yuoŋ turi saŋa na, Yezu neŋ a noba 144,000 na soŋɛɛ nensaaleba naŋ be a teŋɛzuŋ ka ba wa e noba naŋ na pɛgi ba menne yi faaloŋ zaa poɔŋ. Ka a yuoŋ turiŋ wa baare, a teŋɛzu zaa na leɛ la paradiisi naŋ veɛlɛ yaga zaa. Neɛzaa na taaɛ popeɛloŋ, bonso ba zaa na tuuree Jehoova bege na. A lɛ puoreŋ, Yezu na leɛ de la a naaloŋ ko o Saa Jehoova. Ana saŋa na, Jehoova “yuori [na] pɛgiyiŋ” yaga zaa. (Matio 6:9, 10) Neɛzaa na wa nyɛŋ ka, Jehoova e la Naa naŋ soma yaga, a maŋ teɛrɛ o puorebiiri meŋ yɛlɛ. Jehoova pãã na sãã la Setaana, o malekefaare na, ane neɛzaa naŋ zagre ka ba sigri ba menne ko O naaloŋ na. (Yel-iriwulaa 20:7-10) Maaloo na zaa Naaŋmen Naaloŋ naŋ na waaneŋ na na bebeŋ tegitegilɛ.

ZANNE YƐLƐ YAGA POƆ

4. Naaŋmen Naaloŋ na sãã la nensaaleba gɔmenantere ŋa zaa

A Baabole yeleeŋ ka: “Neɛ maŋ di la neŋbɛree o tɔ eŋɛŋ a emoo dɔgɛɛ.” (Ikilisiasitiz 8:9) Jehoova na tu la o Naaloŋ na eŋɛŋ a kyɛ iri a daŋkyagre ŋa zaa bare.

Kanne Daaniel 2:44 ane 2 Tɛsalonika 1:6-8, a kyɛ gyieli a soorebie naŋ tu na yɛlɛ:

• Wala ka Jehoova ane o Bidɔɔ Yezu na e nensaaleba gɔmenantere ŋa ane noba na zaa naŋ are ba puoreŋ na?

• Te zannɛɛ Jehoova ane Yezu yɛlɛ yaga. Azuŋ, wala hoŋ e baŋ ka ba na tu la dantorii sori kyɛ e a yɛlɛ ŋa?

5. Yezu e la Naa naŋ soma yaga

Yezu la Naaŋmen Naaloŋ na Naa, azuŋ, o na mɔɔ la o mɔɔbo zaa a de sommo a ko noba naŋ be a teŋɛzuŋ. Ŋmɛ a VIDIO a nyɛ sieree naŋ wuli ka Yezu taaɛ a boɔbo ane a kpeɛ̃o ka o soŋ noba.

VIDIO: Yezu Vɛŋɛɛŋ Teŋ Baŋ Yɛlɛ A Naaloŋ Naŋ Na E Ko Nensaaleba (1:13)

Yɛlɛ na Yezu naŋ da e saŋa na oŋ be a teŋɛzuŋ na vɛŋɛɛŋ teŋ baŋ yɛlɛ na Naaŋmen Naaloŋ naŋ na e ko te. A maaloo naŋ be a daga poɔŋ buo soba la hoŋ kaara soriŋ yaga zaa ka ho nyɛ? Ka yɛ naŋ wa gyieli a maaloo kaŋa zaa yɛlɛ, yɛ maŋ kanne a Baabole kannoo zie naŋ bebe na.

6. Naaŋmen Naaloŋ na wanɛɛ zeŋ laafeɛ naŋ soma yaga zaa nendaare kaŋa

VIDIO: Naaŋmen Naaloŋ Na Wanɛɛ Zeŋ Laafeɛ Wa Ko Nensaaleba (4:38)

Kanne Yieme 145:16, a kyɛ gyieli a soorebiri ŋa yɛlɛ:

• A Baabole yeleeŋ ka, Jehoova na “yuo la o nu a paale bon-vori zaa boɔbo.” Wala hoŋ teɛre kyaare a yɛlɛ ŋa?

A ZANNOO YELNIMIZEERE

Naaŋmen na tu la o Naaloŋ na eŋɛŋ a kyɛ vɛŋ ka o boɔbo nyɛ eebo. A Naaloŋ na vɛmeŋ ka a teŋɛzu zaa leɛ paradiisi, neŋsonne na zeŋ la a teŋɛzu kyɛ a puoro Jehoova tegitegilɛ.

Bo Hoŋ Zanne

• Sobuo ka Jehoova na tu o Naaloŋ na eŋɛŋ kyɛ pɛgi o yuori na?

• Bonso teŋ na baŋ sagedi peɛlaaŋ ka Naaŋmen Naaloŋ na vɛmeŋ ka nɔ-ennee na zaa naŋ be a Baabole poɔŋ na nyɛ eebo?

• Naaŋmen Naaloŋ na wanɛɛ maaloo yaga, a maaloo buo soba la hoŋ kaara soriŋ ka ho nyɛ?

YƐLƐ MINE NAŊ LƐ BEBE

Hammagedon tɛgɛ la boŋ? Kanne a gane ŋa a nyɛ a noɔre iribo.

“Boŋ La Hammagedon Zɔɔre Na?” (Intanɛt zu gane)

Kanne a nyɛ yɛlɛ naŋ na erɛ a “dɔgroŋ kpoŋ” na Yezu naŋ manne o yɛlɛ na saŋa.—Matio 24:21.

“Boŋ La A Dɔgroŋ Kpoŋ?” (Intanɛt zu gane)

Ka Naaŋmen Naaloŋ naŋ wa kaara a teŋɛzu te na nyɛɛ maaloo yaga zaa. Kaa a vidio ŋa a nyɛ lɛ booree deme naŋ na toɔ̃ zeŋ teɛre a maaloo ŋa yɛlɛ gaa tɔɔre.

Nyɛ Ho Meŋɛ Paradiisi Poɔŋ (1:50)

Dɔɔ kaŋa da ba taa gyeremɛ ko noba naŋ erɛ politics yɛlɛ fẽẽ zaa. Kanne o zemmo yɛlɛ yelzu naŋ la “Soorebie Yaga Yɛlɛ Da Dɔɔnɔ Maŋ,” a nyɛ yɛlɛ naŋ da somoo oŋ wa nyɛ boŋ na oŋ da boɔrɔ na.

“A Baabole Soŋ Baŋ Baŋ Leɛre Ba Zemmo Yɛlɛ” (A Watchtower, January 1, 2012)