3. Bo ka Jehoova boɔrɔ ka o zɔmenne maŋ erɛ koroo?

Jehoova nɔnɔ la nembooree zaa, “kyɛ O neŋ suntuuro maŋ laŋɛɛ zɔmennoŋ naŋ e kpeɛŋaa.” (Yeng Yelibie 3:​32) Jehoova boɔrɔŋ ka o zɔmenne mɔɔrɔ ba mɔɔbo zaa ka ba erɛ yɛlɛ naŋ tori a kyɛ tage ba menne yi yelfaare eŋɛŋ. Noba mine maŋ teɛreŋ ka ba koŋ toɔ̃ pɛle Jehoova poɔ zaa. Kyɛ, Jehoova waa la nimimaaroŋ soba. O maŋ sage deɛ la neɛzaa naŋ nɔmoo a kyɛ mɔɔrɔ o mɔɔbo zaa ka o pɛlɛ O poɔ na.​—Yieme 147:​11; Toma 10:​34, 35.

Neɛzaa boɔrɛɛ zɔmenne naŋ e yelmeŋɛ deme. Jehoova meŋ boɔrɔŋ ka o zɔmenne e yelmeŋɛ deme. Kyɛ zenɛ ŋa, noba yaga naŋ be a donɛɛ poɔŋ ba e yelmeŋɛ deme, azuŋ a ba maŋ e mɔlɔ ka te meŋ e yelmeŋɛ deme. Ka teneeŋ e yelmeŋɛ deme, bo tɔnɔ teŋ na nyɛ?

1. Bonso aŋ e nimizeɛ yaga zaa ka te e yelmeŋɛ deme?

Ka teneeŋ e yelmeŋɛ deme, lɛ wuleeŋ ka te taa la gyeremɛ ko Jehoova, a kyɛ nɔmoo meŋ. Hooŋ leɛteɛre a yɛlɛ ŋa soŋ: Jehoova baŋɛɛ te teɛrɛ ane te yel-erre zaa. (Hiburu 4:13) Azuŋ ka teneeŋ mɔɔrɔ te mɔɔbo zaa ka te e yelmeŋɛ deme, o maŋ baŋeŋ. Naaŋmen Yelbiri na yeleeŋ ka: “Jehoova kyiiree neɛ naŋ erɛ daware yɛlɛ, kyɛ O neŋ sontuuribo maŋ laŋɛɛ zɔmennoŋ.”​—Yeng Yelibie 3:32.

2. Bo yɛlɛ mine la teŋ na baŋ e te bebiri zaa zemmo poɔŋ a wuli ka te eɛ yelmeŋɛ deme?

Jehoova boɔrɔŋ ka te kaŋa zaa “maŋ yele yelmeŋɛ korɔ o tɔ.” (Zekaraiya 8:16, 17) Wala ka lɛ wuli? Lɛ wuleeŋ ka, ka te neŋ te booree deme, te tontoŋtaaba ane te Kristabitaabaŋ wa dire dama, a ba seŋ ka te ŋma zirii ko ba, bee a de duoro naŋ ba e yelmeŋɛ a ko ba. Lɛ meŋ la aŋ ba seŋ ka te ŋmaara zirii korɔ gɔmenante nembɛrɛ, bee a de duoro naŋ ba e yelmeŋɛ ko ba. Noba naŋ e yelmeŋɛ deme ba zuuro noba boma, ba ba faara noba meŋ. (Kanne Yeng Yelibie 24:28 ane Efesu 4:28.) Ba maŋ yɔɔ la ba zuyɔɔ zaa. (Urom 13:5-7) Ka teneeŋ erɛ a yɛlɛ ŋa zaa, lɛ na wuliŋ ka te ‘boɔrɔŋ ka te e yelmeŋɛ deme yelzaa poɔŋ.’​—Hiburu 13:18.

3. Ka teneeŋ e yelmeŋɛ deme bo tɔnɔ teŋ na nyɛ?

Ka nobaŋ baŋ te ka te eɛ yelmeŋɛ deme, ba na dɛle teŋ. Ane meŋ ka a lantaapuoruu nobaŋ e yelmeŋɛ deme, a maŋ vɛmeŋ ka noɔreyeni be a lantaapuoruu poɔŋ, ka neɛzaa meŋ taa gomeŋɛ. Te maŋ taaɛ zoma naŋ e forifori meŋ. Ka teneeŋ e yelmeŋɛ deme, a maŋ vɛmeŋ “ka Naaŋmen a te Faara wuluu taa kyɛl-wommu,” a kyɛ soŋ noba baŋ boɔrɔ ka ba wa puoro Jehoova meŋ.​—Tiitu 2:10.

ZANNE YƐLƐ YAGA POƆ

4. Ka teneeŋ e yelmeŋɛ deme, Jehoova poɔ maŋ pɛleŋ

Kanne Yieme 44:21 ane Maalakai 3:16, a kyɛ gyieli a soorebie naŋ tu na yɛlɛ:

• Ho teɛre ka yɛŋ bebeŋ ka te teɛre ka te na baŋ de la a yelmeŋɛ sɔgle kpɛlɛŋkpɛlɛŋ ka neɛzaa koŋ baŋaa bee?

• Ka teneeŋ wa yel a yelmeŋɛ haali saŋa na aŋ e kpeɛŋaa ka te e lɛ, wala aŋ maŋ vɛŋ ka Jehoova teɛre?

5. E yelmeŋɛ soba wagre zaa

VIDIO: Boŋ Maŋ Wane Popeɛloŋ?​—Zoma Naŋ Soma (2:32)

Kanne Hiburu 13:18, ka yɛneeŋ wa kanne baare, yɛ di dama a kyaare lɛ teŋ na baŋ e yelmeŋɛ deme . . .

• te booree poɔŋ.

• te tomazieŋ, bee sakuu.

• yɛlɛ mine meŋ poɔŋ.

6. Ka teneeŋ e yelmeŋɛ deme a na soŋ teŋ yaga

Yelmeŋɛ la, saŋa kaŋa ka teneeŋ e yelmeŋɛ deme, a maŋ vɛmeŋ ka yɛlɛ e kpeɛŋaa ko te. Kyɛ, ka teneeŋ e yelmeŋɛ deme, te daaŋ koŋ di vii zaa. Kanne Yieme 34:12-16, a kyɛ gyieli a soorebiri naŋ tu na yɛlɛ:

• Ka teneeŋ e yelmeŋɛ deme, bo tɔnɔ teŋ na nyɛ?

1. A. Dɔɔ neŋ pɔge naŋ e yelmeŋɛ deme maŋ vɛmeŋ ka ba kultaa na e kpeɛŋaa

2. B. Tontonneba naŋ e yelmeŋɛ deme maŋ vɛmeŋ ka ba toma nembɛrɛ dɛle ba

3. D. Ka noba naŋ be a paaloŋ poɔŋ wa e yelmeŋɛ deme, ba maŋ taaɛ yosoŋ a gɔmenante nembɛrɛ nimitɔɔreŋ

A ZANNOO YELNIMIZEERE

Jehoova boɔrɔŋ ka o zɔmenne e yelmeŋɛ deme ba yel yelii ane ba yel-erre zaa poɔŋ.

Bo Hoŋ Zanne

• Bo yɛlɛ teŋ na baŋ e a wuli ka te eɛ yelmeŋɛ deme?

• Ho teɛre ka yɛŋ bebeŋ ka te teɛre ka te na baŋ de la a yelmeŋɛ sɔgle kpɛlɛŋkpɛlɛŋ ka neɛzaa ta baŋaa bee?

• Bonso hoŋ boɔrɔ ka ho e yelmeŋɛ soba wagre zaa?

YƐLƐ MINE NAŊ LƐ BEBE

Kaa a vidio ŋa, a nyɛ lɛ bidɔgreba naŋ na toɔ̃ e a wuli ba bibiiri ka ba e yelmeŋɛ deme?

Taa Yelmeŋɛ (1:44)

Ka teneeŋ eŋ noɔre a mɔɔ kyɛ paale a noɔre, bo tɔnɔ teŋ na nyɛ? Kaa a vidio ŋa a nyɛ a noɔre iribo.

Ka Hooŋ Paale Ho Nɔɛ, Ho Na Nyɛɛ Maaloo (9:09)

Ka a gɔmenanteŋ ba de a zuyɔɔ na teŋ maŋ yɔɔrɔ na tonɔ neŋ toma soŋ kyɛ aseŋ ka te naŋ maŋ yɔɔ te zuyɔɔ bee? Kanne a yɛlɛ ŋa a nyɛ a noɔre iribo.

“Aseŋ Ka Ho Maŋ Yɔɔ Ho Zuyɔɔ Zaa Bee?” (A Watchtower, September 1, 2011)

Dɔɔ kaŋa da faarɛɛ noba, a kyɛ ŋmeɛrɛ gbaŋ meŋ, kanne nyɛ bon naŋ da somoo oŋ leɛre o zemmo yɛlɛ.

“N Wa Nyɛɛŋ Ka Jehoova Eɛ Nembazoro Soba A Kyɛ Dire Suuri Meŋ” (A Watchtower, May 1, 2015)

2. Bo teɛroŋ ka Jehoova taa kyaare zɔmenne na teŋ kaa iri na?

Aŋ mine ka Jehoova maŋ kaa iri baŋ e o zɔmenne? A Baabole yelka: ‘O neŋ noba yel-erre naŋ tori maŋ nyɔgɛɛ zɔmennoŋ naŋ e kpeɛŋaa.’ (Yeng Yelibie 3:32) Ka teneeŋ kaa iri zɔmenne naŋ ba nɔnɔ Jehoova, bo teɛroŋ ka Jehoova na taa kyaare te? Jehoova poɔ koŋ pɛle fẽẽ zaa! (Kanne Gyimisi 4:4.) Kyɛ, ka teneeŋ kaa iri noba naŋ nɔŋ Jehoova ka ba e te zɔmenne, a kyɛ zagre zɔmeŋ faare bare, Jehoova poɔ na pɛleŋ yaga zaa. Jehoova na kaa iri teŋ ka te e o zɔmenne. Te na tage peɛlɛɛ Jehoova ane noba naŋ nɔmoo na yaga zaa.​—Yieme 15:1-4.