Naaŋmen Naaloŋ na la yɛlɛ naŋ e nimizeɛ yaga zaa a be a Baabole poɔŋ. Jehoova na tu la o Naaloŋ na eŋɛŋ kyɛ vɛŋ ka a teŋgane zaa leɛ Paradiisi. Bo la Naaŋmen Naaloŋ na? Wala teŋ e baŋ ka a Naaloŋ diree naaŋ pampana ŋa? Bo yɛlɛ ka a Naaloŋ toɔ̃ e? Bo yɛlɛ ka a Naaloŋ na e nendaare kaŋa? Te na nyɛɛ a soorebie ŋa nɔɛ iribo a zannoo ŋa ane a zannoo ayi naŋ tɔnne na poɔŋ.

1. Bo la Naaŋmen Naaloŋ na, nembuo la a Naa?

Naaŋmen Naaloŋ na e la gɔmenante Jehoova Naaŋmen naŋ sɛgre biŋ sazuŋ. Yezu Krista la a Naa. (Matio 4:17; Gyɔɔn 18:36) A Baabole yeleeŋ a kyaare Yezu ka: “O na di la naaloŋ . . . tegitegilɛ.” (Luka 1:32, 33) Yezu la Naaŋmen Naaloŋ na Naa, azuŋ o na di la naaloŋ a kaara neɛzaa naŋ be a teŋɛzuŋ.

2. Aŋ mine neŋ Yezuŋ na di a naaloŋ?

Yezu yoŋ naaneŋ na di a naaloŋ. Noba naŋ yi “bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa . . . na di la naaloŋ a [kaara a] teŋɛzu.” (Yel-iriwulaa 5:9, 10) Noba bawala ka ba neŋ Yezu na di a naaloŋ? A yi saŋa na Yezu naŋ wa a teŋɛzu kyɛ na, Kristabiiri turituri yaga wa leɛ la o potuuribo. Kyɛ, noba 144,000 yoŋ la na gaa sazu ka ba neŋ Yezu te di naaloŋ. (Kanne Yel-iriwulaa 14:1-4.) Yezu neŋ a noba 144,000 na di la naaloŋ a kaara Kristabiiri zaa naŋ be a teŋɛzuŋ.​—Yieme 37:29.

3. Sobuo ka Naaŋmen Naaloŋ na soma yaga a gaŋ nensaaleba naaloŋ?

Nensaaleba namine maŋ mɔɔrɛɛ ba mɔɔbo zaa ka ba erɛ yɛlɛ naŋ soma, kyɛ ba ba maŋ taa a kpeɛ̃o ka ba e yelzaa ba naŋ boɔrɔ ka ba e na. A baaraa zaa ba maŋ iri baŋ bare, a kyɛ leɛ iri neŋyobo a de a naaloŋ ko ba. Saŋa kaŋa a noba ŋa baŋ maŋ leɛ iri ŋa maŋ boɔrɛɛ ba yoŋ tɛgɛ boma, azuŋ ba ba maŋ boɔrɔ ka ba sonnɔ a noba. Kyɛ, Yezu naŋ e Naaŋmen Naaloŋ Naa na yɛŋ, neɛzaa koŋ deɛ a Naaloŋ yi o nuureŋ. Bonso Naaŋmen “biŋ la naaloŋ naŋ daaŋ koŋ sãã zaa.” (Daaniel 2:44) Yezu na di la naaloŋ a kaara neɛzaa naŋ be a teŋɛzuŋ, o na taa la nɔmmo ko neɛzaa meŋ. Yezu taa la nɔmmo, a e nimimaaroŋ soba, a nɔŋ dantorii meŋ. Azuŋ, Yezu na wulee noba ka ba meŋ wulo taa nɔmmo, nimimaaroŋ ane dantorii.​—Kanne Aizeeya 11:9.

4. Naaŋmen Naaloŋ na taaɛ kpeɛ̃o yaga zaa a na kaara neɛzaa naŋ be a teŋɛzuŋ

Nensaaleba namine zaa naŋ daŋ zeŋ a teŋɛ ŋa zuŋ, Yezu la taa kpeɛ̃o a gaŋ ba zaa. Kanne Matio 28:18, a kyɛ gyieli a soorebiri ŋa yɛlɛ:

• Bonso teŋ na baŋ yelka, Yezu taaɛ kpeɛ̃o yaga zaa a gaŋ nensaaleba namine?

Nensaaleba naaloŋ yɛŋ, neɛ kaŋa maŋ diree a naaloŋ zenɛ ŋa, kyɛ a ba maŋ kɔɔre kyɛ baŋ iri o soba bare a naaloŋ poɔŋ, ba kaŋa zaa meŋ daŋ ba di naaloŋ a kaara a teŋɛzu zaa. Ka Naaŋmen Naaloŋ na meŋ? Kanne Daaniel 7:14, a kyɛ gyieli a soorebie naŋ tu na yɛlɛ:

• A Baabole yelka, ba daŋ “koŋ sãã” Naaŋmen Naaloŋ na zaa. Bonso ka a yɛlɛ ŋa soma yaga zaa?

• Bonso aŋ na soma yaga zaa ka Naaŋmen Naaloŋ na dire naaŋ a kaara a teŋɛzu zaa?

5. Naaŋmen Naaloŋ na na iree nensaaleba namine zaa bare

Bonso aŋ seŋ ka Naaŋmen Naaloŋ iri nensaaleba naaloŋ zaa bare? Ŋmɛ a VIDIO, a kyɛ gyieli a soorebiri ŋa yɛlɛ.

VIDIO: Bo La Naaŋmen Naaloŋ?​—Vidio Kyɛlee (1:41)

• Bo yɛlɛ ka nensaaleba naaloŋ diibu waaneŋ?

Kanne Ikilisiasitiz 8:9, a kyɛ gyieli a soorebie ŋa yɛlɛ:

• Ho teɛre ka a somaŋ ka Naaŋmen Naaloŋ na iri nensaaleba naaloŋ zaa bare bee? Bonso hoŋ yel lɛ?

6. Naaŋmen Naaloŋ na taa la namine naŋ taa yɛlɛ muni wommo ko te

Saŋa na te Naa Yezu naŋ da wa a teŋɛzu kyɛ na, o da e la nensaalaa aŋa tenee. Azuŋ, o na “toɔ̃ moore ko [teŋ] a te bambaaloŋ poɔ.” (Hiburu 4:15) A dɔbɔ ane pɔgeba 144,000 na Jehoova naŋ kaa iri ka ba neŋ Yezu di naaloŋ na meŋ e la noba “naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore.”​—Yel-iriwulaa 5:9.

• Yezu ane noba naŋ na poɔ o eŋɛŋ ka ba di a naaloŋ na zaa daŋ e la nensaaleba. Ho teɛre ka a yɛlɛ ŋa diiree sukyiri bee? Bonso hoŋ yel lɛ?

7. Naaŋmen Naaloŋ na taa la bege naŋ soma yaga zaa

Gɔmenantere naŋ maŋ boɔrɔ ka ba soŋ ba noba a kyɛ go ba na zuŋ, ba maŋ biŋee bege a ko ba. Naaŋmen Naaloŋ na meŋ taaɛ bege. Aseŋ ka a Naaloŋ biiri zaa tuuro a bege ŋa. Kanne 1 Korinti 6:9-11, a kyɛ gyieli a soorebie naŋ tu na yɛlɛ:

• Ka neɛzaaŋ de Naaŋmen Naaloŋ bege na tonɔ neŋ toma, ho teɛre ka wala ka a donɛɛ ŋa na waa?a

• Jehoova kaarɛɛ soriŋ ka neɛzaa naŋ be a Naaloŋ puliŋ tuuro a Naaloŋ bege. Ho teɛre ka lɛ seŋ nɛɛŋ bee? Bonso hoŋ yel lɛ?

• Bo siereeŋ bebe a wuli ka noba naŋ da ba tuuro a bege ŋa na toɔ̃ leɛrɛɛ ba eebo?​—Kaa o wɛlbo 11.

A ZANNOO YELNIMIZEERE

Naaŋmen Naaloŋ na e la gɔmenante naŋ bebe meŋɛmeŋɛ. A Naaloŋ na be la sazuŋ, a kyɛ kaara neɛzaa naŋ be a teŋɛzuŋ.

Bo Hoŋ Zanne

• Aŋ mine la Naaŋmen Naaloŋ na namine?

• Sobuo ka Naaŋmen Naaloŋ na soma yaga zaa a gaŋ nensaaleba naaloŋ?

• Bo yɛlɛ mine la ka Jehoova kaara soriŋ ka noba naŋ boɔrɔ ka ba be a Naaloŋ puliŋ na erɛ?

YƐLƐ MINE NAŊ LƐ BEBE

Kanne a nyɛ yɛlɛ na Yezu naŋ yel a kyaare zie na Naaŋmen Naaloŋ na naŋ na be.

“Ho Sukyiriŋ Ka Naaŋmen Naaloŋ Na Be Bee?” (Intanɛt zu gane)

Jehoova Sieree Deme maŋ diree yelmennoŋ a korɔ Naaŋmen Naaloŋ na a gaŋ baŋ na dire yelmennoŋ a korɔ nensaaleba naaloŋ. Bonso baŋ maŋ e lɛ? Kaa a vidio ŋa a nyɛ a noɔre iribo.

Ba E La Yelmeŋɛ Deme A Ko Naaŋmen Naaloŋ Na (1:43)

Kanne a intanɛt zu gane ŋa a nyɛ lɛ na a Baabole naŋ yel a kyaare a noba 144,000 na Jehoova naŋ kaa iri ka ba te poɔ Yezu eŋɛŋ ka ba di naaloŋ na.

“Aŋ Mineŋ Na Gaa Sazu?” (Intanɛt zu gane)

Ba da nyɔgɛɛ pɔge kaŋa te eŋ nempɔgedieŋ. Kanne a nyɛ boŋ naŋ somoo oŋ wa nyɛ ka Naaŋmen yoŋ la na baŋ waaneŋ dantorii a teŋɛzuŋ.

“N Wa Baŋɛɛ Neɛ Naŋ Na Toɔ̃ Waaneŋ Dantorii A Teŋɛzuŋ” (Awake!, November 2011)

Yezu da yeleeŋ ka a ba seŋ ka o potuuribo de ba menne poɔ ‘a tendaa noba yɛlɛ poɔŋ.’ (Gyɔɔn 15:19) Lɛ wuleeŋ ka a ba seŋ ka te de te menne laŋna a donɛɛ ŋa politics yɛlɛ poɔŋ, bee ba naaloŋ diibu yɛlɛ poɔŋ. Ka zɔɔreŋ meŋ wa le, a ba seŋ ka te are neɛzaa puoreŋ. Yelmeŋɛ la, a ba maŋ e mɔlɔ ka te e a yɛlɛ ŋa. Saŋa kaŋa gba, lɛ eebo na toɔ̃ vɛmeŋ ka noba erɛ te laara. Kyɛ, wala teŋ na toɔ̃ e a naŋ dire yelmennoŋ korɔ Jehoova Naaŋmen, a kyɛ ta e a donɛɛ kyɛlee meŋ?

1. Bo teɛroŋ ka yelmeŋɛ Kristabiiri taa kyaare nensaaleba gɔmenantere?

Kristabiiri maŋ taaɛ gyeremɛ a ko gɔmenante naŋ kaara paaloŋ na poɔŋ baŋ be na. Yezu da yeleeŋ ka, “yɛ de boma naŋ e Naa Siiza soobo a ko a Naa Siiza.” Yelmeŋɛ Kristabiiri maŋ de la a yɛlɛ ŋa tonɔ neŋ toma. Azuŋ, te maŋ tuuree paaloŋ na teŋ be na bege zaa. Aŋa mannoo poɔŋ, te maŋ yɔɔrɛɛ te zuyɔɔ aŋa lɛ a paaloŋ naŋ biŋ bege ka noba yɔɔrɔ ba zuyɔɔ na. (Marko 12:17) A Baabole vɛŋɛɛŋ teŋ baŋ ka, Jehoova la tere sori ka nensaaleba gɔmenantere ŋa zaa bebe. (Urom 13:1) Azuŋ, a yɛlɛ ŋa vɛŋɛɛŋ teŋ baŋ ka, nensaaleba gɔmenantere kpeɛ̃o na be la Naaŋmen kpeɛ̃o na puliŋ. Naaŋmen yoŋ teŋ dɛle, te lɛ baŋɛɛŋ meŋ ka o na tu la o sazu Naaloŋ eŋɛŋ kyɛ iri nensaaleba yelwonii zaa bare.

2. Wala teŋ na toɔ̃ e a wuli ka te ba e a donɛɛ kyɛlee?

Yezu da ba de o meŋɛ eŋ a donɛɛ ŋa politics bee naaloŋ diibu yɛlɛ poɔŋ. Azuŋ, o potuuribo meŋ ba derɛ ba menne eŋnɛ a donɛɛ ŋa politics bee ba naaloŋ diibu yɛlɛ poɔŋ. Saŋa na Yezu naŋ da toŋ toŋseɛlee kaŋa na, a noba da boɔrɔŋ ka ba nyɔgoo a vɛŋ ka o e naa a teŋɛ ŋa zuŋ. Kyɛ Yezu da ba sage baŋ e lɛ. (Gyɔɔn 6:15) Ananso la wala? Yezu meŋɛ da yeleeŋ a puoreŋ ka, “N Naaloŋ ba yi a tendaa ŋa poɔ.” (Gyɔɔn 18:36) Wala ka Yezu potuuribo na baŋ e a de wuli ka ba ba e a donɛɛ kyɛlee? Yɛlɛ na mine teŋ na toɔ̃ e a de wuli ka te ba e a donɛɛ kyɛlee la ŋa, a ba seŋ ka te de te menne eŋ zɔɔre yɛlɛ poɔŋ. (Kanne Maika 4:3.) Te taaɛ gyeremɛ a ko boma naŋ are ko a paaloŋ kpeɛ̃o diibu na, aŋa a paaloŋ flag, kyɛ te ba puoraa. (1 Gyɔɔn 5:21) Te ba ara paati zaa bee neɛzaa naŋ are ka ba voote koo puoreŋ, lɛ meŋ la teŋ koŋ yel yɛlɛ naŋ ba seŋ neŋ a kyaare a paati bee neɛ naŋ are ka ba voote koo na. Ka teneeŋ erɛ a yɛlɛ ŋa zaa, lɛ na wuliŋ ka Naaŋmen Naaloŋ na yoŋ puoreŋ teŋ are.

ZANNE YƐLƐ YAGA POƆ

3. Yelmeŋɛ Kristabiiri ba e a donɛɛ kyɛlee

Te na baŋ zannɛɛ yelkaŋa yi Yezu neŋ o potuuribo na zieŋ. Kanne Urom 13:1, 5-7 ane 1 Piita 2:13, 14. Ka yɛneeŋ wa kanne baare, yɛ ŋmɛ a VIDIO a kyɛ gyieli a soorebie naŋ tu na yɛlɛ.

VIDIO: Yelmeŋɛ Kristabiiri Ba E A Donɛɛ Kyɛlee​—Kyɛlee 1 (4:28)

• Bonso aŋ seŋ ka te taa gyeremɛ ko a gɔmenantere?

• Bo yɛlɛ mine la teŋ na baŋ e a wuli ka te sigree te menne a ko a gɔmenantere ŋa?

Ka zɔɔreŋ wa be paaloŋ ayi mine kpakyagaŋ, a paalonne mine maŋ yeleŋ ka ba ba are a paalonne kaŋa zaa puoreŋ, kyɛ ba maŋ de la sommo a te ko a paalonne naŋ zɔɔrɔ neŋ taa na. Ka ba naŋ yelka te ta de te menne poɔ a donɛɛ noba yɛlɛ poɔ, wala ka lɛ wuli? Kanne Gyɔɔn 17:16. Ka yɛneeŋ wa kanne baare, yɛ ŋmɛ a VIDIO a kyɛ gyieli a soorebiri naŋ tu na yɛlɛ.

VIDIO: Yelmeŋɛ Kristabiiri Ba E A Donɛɛ Kyɛlee​—Kyɛlee 2 (3:11)

• Ka ba naŋ yelka te ta de te menne poɔ a donɛɛ noba yɛlɛ poɔŋ, wala ka lɛ wuli?

Ka a gɔmenanteŋ yelka ho e yelkaŋa naŋ na sãã Naaŋmen bege meŋ, wala hoŋ na e? Kanne Toma 5:28, 29. Ka yɛneeŋ wa kanne baare, yɛ ŋmɛ a VIDIO a kyɛ gyieli a soorebie naŋ tu na yɛlɛ.

VIDIO: Yelmeŋɛ Kristabiiri Ba E A Donɛɛ Kyɛlee​—Kyɛlee 3 (1:18)

• Te de ka naa kaŋa bee gɔmenante kaŋa biŋee bege kaŋa naŋ wuli ka, aseŋ ka te e yelkaŋa naŋ na sãã Naaŋmen bege na, wala hoŋ na e?

• Yɛlɛ mine bebeŋ ka Kristabieŋ tuoraa, a ba seŋ ka o tu a gɔmenante bege na oŋ biŋ na. A yɛlɛ ŋa mine la bo?

4. A yi te teɛroŋ ane te yel-erre poɔŋ, a ba seŋ ka te e a donɛɛ kyɛlee

Kanne 1 Gyɔɔn 5:21. Ka yɛneeŋ wa kanne baare, yɛ ŋmɛ a VIDIO a kyɛ gyieli a soorebie naŋ tu na yɛlɛ.

VIDIO: Ananso Ka Kristabiiri Seŋ Ka Ba Tare Nyaa​—A Toɔ̃ Wɛle Yi A Donɛɛ Naaloŋ Yɛlɛ Poɔ (2:49)

• Bonso ka te Yɔɔdɔɔ Ayenge da zagre ka o are a paati puoreŋ, bee a de o meŋɛ eŋ a paaloŋ tige mine naŋ derɛ gyeremɛ korɔ a paaloŋ aŋa a flag puoruu eŋɛŋ?

• Ho teɛroŋ poɔŋ, o de la gbɛre naŋ soma bee?

Bo yɛlɛ mine la teŋ na baŋ tuore ka lɛ vɛŋ ka a e kpeɛŋaa ko te ka te tage te menne yi a donɛɛ noba yɛlɛ poɔŋ? Ŋmɛ a VIDIO, a kyɛ gyieli a soorebie naŋ tu na yɛlɛ.

VIDIO: Yɛlɛ Teŋ Zanne Yi A Watchtower Poɔŋ​—Tage Ho Meŋɛ Yi A Donɛɛ Ŋa Naŋ Paale Neŋ Wɛltaa Ŋa Yeltaree Poɔŋ (5:16)

• Ka paalonne ayi bee paalonne naŋ pare lɛŋ wa erɛ kɔbɔ-dɛnnoo yɛlɛ, wala teŋ na toɔ̃ e a wuli ka te ba e a donɛɛ kyɛlee?

• Ka a gɔmenanteŋ e yɛlɛ mine naŋ vɛŋ ka toɔrɔ yaga zaa wa ho zuŋ, wala hoŋ na toɔ̃ e a ta wa derɛ ho meŋɛ eŋnɛ a donɛɛ naaloŋ diibu yɛlɛ poɔŋ?

• Sobuo ka yɛlɛ na teŋ maŋ wono yire TV, radio, intanɛt zuŋ, ane te zɔmenne zieŋ na toɔ̃ vɛŋ ka a e kpeɛŋaa ko te ka te tage te menne yi a donɛɛ noba yɛlɛ poɔŋ?

A ZANNOO YELNIMIZEERE

Kristabiiri maŋ mɔɔrɛɛ ba mɔɔbo zaa ka ba ta de ba menne eŋnɛ a donɛɛ naaloŋ diibu yɛlɛ poɔŋ. Azuŋ, a yi ba teɛroŋ, ba yelyaga, ane ba yel-erre poɔŋ, ba maŋ wuliŋ ka ba ba e a donɛɛ kyɛlee.

Bo Hoŋ Zanne

• Bo yɛlɛ aŋ seŋ ka te erɛ korɔ paaloŋ na teŋ be na gɔmenante?

• Bonso teŋ ba maŋ de te menne eŋnɛ a donɛɛ ŋa politics bee naaloŋ diibu yɛlɛ poɔŋ?

• Bo yɛlɛ mine la na baŋ vɛŋ ka a e kpeɛŋaa ko te ka te tage te menne yi a donɛɛ noba yɛlɛ poɔŋ?

YƐLƐ MINE NAŊ LƐ BEBE

Bo yɛlɛ mine la aŋ seŋ ka te de iri sareka a wuli ka te ba e a donɛɛ kyɛlee? Kaa a vidio ŋa a nyɛ a noɔre iribo.

Jehoova Daaŋ Koŋ Vɛŋ Ka Te Di Vii Zaa (3:14)

Wala ka booree deme na toɔ̃ e a nare ba menne pampana ka lɛ vɛŋ ka ba toɔ̃ wuli ka ba ba e a donɛɛ kyɛlee saŋa na baŋ wa tuoro pigrinyɛ na?

Yelzaa Poɔŋ, Te Ta E A Donɛɛ Kyɛlee (4:25)

Noba mine maŋ teɛreŋ ka, ka neɛŋ zɔɔ ko o paaloŋ, lɛ la yɛlɛ naŋ waana neŋ gyeremɛ a gaŋ yelzaa. Kaa a vidio ŋa a nyɛ bon naŋso a yɛlɛ ŋa naŋ ba e yelmeŋɛ.

“Naaŋmen Zie Yelzaa Na Baŋ Nyɛ La Eebo” (5:19)

Ka hooŋ boɔrɔ toma, boŋ na baŋ soŋ bo ka ho kaa iri toma naŋ na toɔ̃ soŋ bo ka ho tage ho meŋɛ yi a donɛɛ noba yɛlɛ poɔŋ? Kanne a yɛlɛ ŋa a nyɛ a noɔre iribo.

“Neɛzaa Na Tuo La O Meŋɛ Tuobu” (A Watchtower, March 15, 2006)