ZANNOO 19
Jehoova Sieree Deme La A Yelmeŋɛ Kristabiiri Bee?
Jehoova Sieree Deme sagedieŋ ka ba na la a yelmeŋɛ Kristabiiri. Bonso baŋ sage lɛ di? Zanne nyɛ gane na poɔŋ ba sagediibu naŋ kyaare, bon naŋso teŋ boɔlɔ te menne ka Jehoova Sieree Deme, ane lɛ na ba naŋ taa nɔmmo korɔ taa.
1. Bo eŋɛŋ ka Jehoova Sieree Deme sagediibu na kyaare?
Yezu yeleeŋ ka: “[Naaŋmen] yelbiri waa la yelmeŋɛ.” (Gyɔɔn 17:17) Jehoova Sieree Deme tɔglɛɛ Yezu a maŋ de yɛlɛ na zaa ba naŋ sagedi na kyaare Naaŋmen Yelbiri na eŋɛŋ. Aŋa mannoo poɔŋ, hooŋ leɛ nyɛ Jehoova Sieree Deme ba naŋ da boɔlɔ ka Baabole zannezanneba na yɛlɛ. A yi yuoni 1870 poɔŋ, a Baabole zannezanneba ŋa da piili zannɛɛ a Baabole neŋ nimizeɛ. Azuŋ ba sagediibu zaa da maŋ kyaarɛɛ yɛlɛ naŋ be a Baabole poɔŋ, aneazaa ka yɛlɛ na baŋ da sagedi na neŋ yɛlɛ na a kyɛkyere noba naŋ da sagedi na da ba yitaa. Ba da piili mannɛɛ a Baabole poɔ yelmenne na baŋ da zanna na korɔ noba.a
2. Bonso teŋ boɔlɔ te menne ka Jehoova Sieree Deme?
Jehoova maŋ boɔlɛɛ o puorebiiri ka o sieree deme bonso, ba maŋ wulee noba o yelmenne yoŋ. (Hiburu 11:4–12:1) Aŋa mannoo poɔŋ, takoreŋ saŋa na, Naaŋmen da yelko la o puorebiiri ka: “Yɛnee la N sieree deme.” (Kanne Aizeeya 43:10.) A Baabole yelka Yezu la a “Yelmeŋɛ Dansedire.” (Yel-iriwulaa 1:5) Azuŋ, yuoni 1931 poɔŋ, teŋ da kaa iri a yuori Jehoova Sieree Deme a ko te menne. Te poɔ pɛlɛɛŋ yaga a yuori ŋa naŋ dɔgle te zuŋ.
3. Sobuo ka Jehoova Sieree Deme maŋ tu kyɛ tɔglɔ Yezu nɔmmo na?
Yezu da nɔŋɛɛ o potuuribo na yaga zaa, ba da waa ŋa o booree deme. (Kanne Marko 3:35.) Lɛ neŋ o zu la ka Jehoova Sieree Deme naŋ be a donɛɛ lombori zaa e booree deme naŋ taa noɔreyeni. A lɛ zuŋ teŋ maŋ boɔlɔ taa ka yɔɔmine. (Filimɔn 1, 2) A Baabole ko teŋ noɔre ka te “taa nɔmmo ko [te] yɔɔmine naŋ be a donɛɛ lombori zaa.” (1 Piita 2:17) Jehoova Sieree Deme maŋ tu la soe yaga kyɛ wulo a nɔmmo ŋa, aŋa mannoo poɔŋ ka ba yɔɔmineŋ wa be a awonaa poɔŋ ba maŋ te soŋ baŋ.
ZANNE YƐLƐ YAGA POƆ
Ho na zannɛɛ yɛlɛ yaga a kyaare Jehoova Sieree Deme takoreŋ yɛlɛ ane sieree naŋ wuli ka tenee la a yelmeŋɛ Kristabiiri.
Yɛlɛ zaa yelmeŋɛ Kristabiiri naŋ sagedi kyaarɛɛ a Baabole eŋɛŋ, ba maŋ wulee noba yɛlɛ na baŋ sagedi na meŋ
4. Yɛlɛ na zaa teŋ sagedi na kyaarɛɛ a Baabole eŋɛŋ
Jehoova da daŋyeleeŋ ka wagre naŋ gɛrɛ poɔŋ na, te na maaleŋ woŋee a Baabole poɔ yɛlɛ muni soŋ. Kanne Daaniel 12:4, a kyɛ gyieli a soorebiri naŋ tu na yɛlɛ:
Bo yɛlɛŋ na maaleŋ “pore” Naaŋmen noba poɔŋ saŋa na baŋ moɔ̃ nimiri zanna a Baabole na?
Kaa a vidio ŋa a nyɛ lɛ Charles Russell neŋ o taa Baabole zannezanneba naŋ da maŋ tu kyɛ zanna Naaŋmen Yelbiri na. Ŋmɛ a VIDIO, a kyɛ gyieli a soorebiri naŋ tu na yɛlɛ.
A vidio poɔŋ, sobuo ka Charles Russell neŋ o taaba na da maŋ tu kyɛ zanne a Baabole?
Ho da baŋɛɛŋ?
Saŋa kaŋa te maŋ leɛrɛɛ yɛlɛ na mine teŋ sagedi na. Ananso la wala? Ka zieŋ wa nyaana ŋmenaa maŋ yuoroŋ fẽẽfẽẽ lɛɛŋ ka a zie zaa wa kyãã teŋ nyɛrɛ bonzaa soŋ, lɛ meŋ la ka Naaŋmen maŋ sonnɔ te fẽẽfẽẽ teŋ wono o Yelbiri na muni soŋ. (Kanne Yeng Yelibie 4:18.) Azuŋ, aneazaa ka a Baabole ba leɛre, kyɛ ka Naaŋmeneŋ wa soŋ ka te woŋ a Baabole poɔ yɛlɛ muni soŋ, te meŋ maŋ leɛrɛɛ yɛlɛ na mine teŋ sagedi na.
5. Te tonɛɛ yuori na teŋ di na toma
Bonso teŋ kaa iri a yuori Jehoova Sieree Deme? Ŋmɛ a VIDIO, a kyɛ gyieli a soorebiri naŋ tu na yɛlɛ.
Bonso aŋ seŋ neŋ ka ba boɔlɔ te Jehoova Sieree Deme?
Bonso ka Jehoova kaa iri noba mine baŋ e o sieree deme? Noba wulee zirii yaga a kyaare Naaŋmen, kyɛ o sieree deme ŋa na soŋɛɛ noba ka ba baŋ ka ona la a yelmeŋɛ Naaŋmen. Yɛ vɛŋ ka te nyɛ zirii ayi mine ba naŋ ŋma kyaare Naaŋmen.
Puoruu mine maŋ wulee ba puorebiiri ka Naaŋmen boɔrɔŋ ka ba maŋ tu fotori bee bonmaalee mine eŋɛŋ a kyɛ puoruu. Kyɛ yɛ kanne Liivai 26:1, a kyɛ gyieli a soorebie naŋ tu na yɛlɛ:
Bo teɛroŋ ka Jehoova taa kyaare baga puoruu? Wala ka a Baabole yel?
Ŋmenpuore wedereba mine maŋ wuloŋ ka Yezu la Naaŋmen. Kyɛ yɛ kanne Gyɔɔn 20:17, a kyɛ gyieli a soorebie naŋ tu na yɛlɛ:
Yezu la Naaŋmen bee? Wala ka a Baabole yel?
Jehoova deɛ toma eŋ o Sieree Deme na nuureŋ ka ba wulo noba yelmenne naŋ bebe a kyaaroo ane o Bidɔɔ na. Bo teɛroŋ hoŋ taa kyaare lɛ na Jehoova naŋ e na?
6. Te taaɛ nɔmmo ko taa
A Baabole deɛ Kristabiiri manne neŋ nensaalaa eŋɛ nandaare. Kanne 1 Korinti 12:25, 26, a kyɛ gyieli a soorebie naŋ tu na yɛlɛ:
Ka yelmeŋɛ Kristabiiriŋ wa nyɛ ba Kristabitaaba naŋ dire dɔgɛɛ, wala aŋ seŋ ka ba e?
Wala hoŋ teɛre kyaare nɔmmo na Jehoova Sieree Deme naŋ taa ko taa na?
Ka Jehoova Sieree Deme naŋ be a donɛɛ lombori kaŋaŋ wa dire dɔgɛɛ, ba taaba naŋ be a donɛɛ lombori zaa maŋ lonniŋ wieoŋ lɛ a de sommo te ko ba. Ka hooŋ boɔrɔ ka ho nyɛ sori na kaŋa ba naŋ tu kyɛ e lɛ, ŋmɛ a VIDIO. A kyɛ gyieli a soorebiri naŋ tu na yɛlɛ.
Sobuo ka lɛ na Jehoova Sieree Deme naŋ maŋ te soŋ ba yɔɔmine naŋ dire dɔgɛɛ na e sieree naŋ wuli ka ba nɔnɔ la taa?
Yelmeŋɛ Kristabiiri maŋ wulee nɔmmo korɔ ba taaba naŋ be awonaa poɔŋ
NOBA MINE MAŊ YELEŊ KA: “Jehoova Sieree Deme e la puore paalaa kaŋa naŋ maŋ bɛnlɛ noba.”
Bo saŋa ka Jehoova piili boɔlɔ o puorebiiri ka o sieree deme?
A ZANNOO YELNIMIZEERE
Jehoova Sieree Deme la a yelmeŋɛ Kristabiiri. Te neŋ te yɔɔmine naŋ be a donɛɛ lombori zaa e la booree bonyeni, yɛlɛ na zaa teŋ sagedi na kyaarɛɛ a Baabole eŋɛŋ. Te maŋ sonnɛɛ noba ka ba baŋ yelmenne naŋ bebe a kyaare Jehoova.
Bo Hoŋ Zanne
Bonso teŋ kaa iri a yuori Jehoova Sieree Deme ko te menne?
Sobuo teŋ maŋ tu kyɛ wulo nɔmmo korɔ taa?
Ho teɛre ka Jehoova Sieree Deme la a yelmeŋɛ Kristabiiri bee?
YƐLƐ MINE NAŊ LƐ BEBE
Zanne yɛlɛ yaga a kyaare te takoreŋ saŋa yɛlɛ.
Lɛ Jehoova Sieree Deme Naŋ De Sagediibu Tonɔ Neŋ Toma, Kyɛlee 1: Lɛ Baŋ E Yi Ligroŋ Poɔŋ (1:00:53)
Kaa a vidio a nyɛ lɛ Jehoova Sieree Deme naŋ iri zirii wuluu mine olo.
Nyɛ soorebie mine ho naŋ taa kyaare Jehoova Sieree Deme nɔɛ iribo.
“Yɛlɛ Noba Naŋ Maŋ Soorɔ Yaga A Kyaare Jehoova Sieree Deme” (Intanɛt zu gane)
Stephen da ba nɔnɔ noba naŋ ba yi o bale na poɔŋ, o gba da maŋ zɔɔrɔ ne baŋ. Kanne nyɛ bon na oŋ nyɛ yi Jehoova Sieree Deme zieŋ, ka lɛ vɛŋ oŋ leɛre o eebo.
“N Gyogo Da Maaleŋ Saanaŋ Yaga Zaa” (A Watchtower, July 1, 2015)
a A yi yuoni 1879 a wa tɔ zenɛ ŋa ka Jehoova Sieree Deme piili maala A Watchtower ka ba de soŋ noba ka ba baŋ yelmenne naŋ be a Baabole poɔŋ.