Lɛ Ba Naŋ Sɛgre Yɛlɛ A Kristabiiri Lantaapuoruu Poɔŋ

Jehoova ba e Naaŋmen naŋ maŋ dɔɔnɔ yɛlɛ laŋna taa. (1 Korinti 14:33) Azuŋ, te baŋɛɛŋ ka o na sɛgrɛɛ o puorebiiri puoruu yɛlɛ soŋ zaa. Sobuo baŋ sɛgre yɛlɛ a Kristabiiri lantaapuoruu poɔŋ? Wala teŋ na baŋ e soŋ ka yɛlɛ maŋ kyɛnɛ soŋ zaa a lantaapuoruu poɔŋ?

1. Nembuo la a lantaapuoruu zu soba?

“Krista . . . la a lantaapuoruu zu soba.” (Efesu 5:​23) Yezu be la sazuŋ, kyɛ o na la deɛrɛ weɛ Jehoova puorebiiri naŋ be a donɛɛ lombori zaa puoruu toma poɔŋ. Yezu iree dɔbɔ ba wala mine naŋ kyili Kristaaloŋ poɔ ka ba e a “gbaŋgba-bivelaa ane yɛmbaŋna.” Bana teŋ boɔlɔ zenɛ ŋa ka a Lantaa Zukaareba. (Kanne Matio 24:45-47.) A dɛndɛŋ Kristabiiri saŋa na, a bitontonneba ane a nembɛrɛ naŋ da be Gyɛruzɛlɛm na la da maŋ de sowuli korɔ a lantaapuoruu na zaa naŋ da bebe na. Zenɛ ŋa meŋ, a Lantaa Zukaareba la maŋ de sowuli korɔ Jehoova Sieree Deme lantaapuoruu na zaa naŋ be a donɛɛ lombori zaa na. (Toma 15:2) Kyɛ bana naane te wedeɛreba. Ba deɛ ba menne dɛle Jehoova ane o Yelbiri na ka o korɔ ba sowuli, a kyɛ sigri ba menne korɔ Yezu wedeɛ na meŋ.

2. Nembobo la a lantaapuoruu nembɛrɛ, ka bo toma baŋ tonɔ?

A lantaapuoruu nembɛrɛ eɛ dɔba naŋ kyili Kristaaloŋ poɔŋ, a puore Jehoova yuomo yaga. Ba maŋ de la a Baabole wulo Jehoova puorebiiri, a sonnɔ ba a kyɛ eŋnɛ ba faŋa meŋ. Ba toma na ba naŋ tonɔ na, ba ba yɔɔrɔ ba. Kyɛ, ba maŋ tonɛɛ a toma “ne popeɛloŋ aŋa lɛ Naaŋmen naŋ boɔrɔ, ka a ta e feroo bee tɔnɔ nyaabo zuiŋ.” (1 Piita 5:1, 2) A lantaapuoruu nembɛrɛ taa la sonneba, ka ba naŋ meŋ moɔ̃ nimiri mɔɔrɔ yaga a toma poɔŋ, ba na baŋ iri baŋ ka ba e a lantaapuoruu nembɛrɛ mine.

A Lantaa Zukaareba maŋ iree a lantaapuoruu nembɛrɛ mine baŋ e gbandige zukaareba. Ba toma la ka ba maŋ te eŋ a lantaapuoruu noba faŋa, a kyɛ ko ba sowuli meŋ. Banaŋ maŋ iri a lantaapuoruu nembɛrɛ ane ba sonneba na. Kyɛ sɛre baŋ na iri neɛ kaŋa ka o e lantaapuoruu neŋkpoŋ bee ba sonneba kaŋa na, ba maŋ daŋ kaa la a Baabole poɔ a nyɛ ka o soba seŋ nɛɛŋ bee.​—1 Timoti 3:1-10, 12; Tiitu 1:5-9.

3. Jehoova Sieree Deme kaŋa zaa toŋ noɔre la boŋ?

Neɛzaa naŋ be a lantaapuoruu poɔŋ maŋ mɔɔrɔŋ ka ba “pugi Jehoova yuori.” A yɛlɛ mine te naŋ maŋ e la ka, ka teneeŋ wa gaa te lammore zie te maŋ yielee yiele, a nyɛ apoɔsori a iri soorebie nɔɛ meŋ, ane yɛlɛ yaga mine meŋ poɔ. Te zaa meŋ maŋ tonɛɛ a naaŋ moɔloo toma lɛ zaa te faŋa naŋ na toɔ̃.​—Kanne Yieme 148:12, 13.

ZANNE YƐLƐ YAGA POƆ

4. Yezu e la wedeɛrɛ naŋ maŋ korɔ noba pɛnnoo

Yezu naŋ nɔŋ te zuŋ, o tonɔ boɔlɔ teŋ ka te wa o zie. Kanne Matio 11:28-30, a kyɛ gyieli a soorebiri naŋ tu na yɛlɛ:

• Bo teɛroŋ ka Yezu boɔrɔ ka te taa kyaare o wedeɛ na?

VIDIO: Lɛ A Lantaapuoruu Nembɛrɛ Naŋ Soŋ Ba Yɔɔmine Nepal Paaloŋ Teŋzigri Saŋa (4:56)

A Baabole wuleeŋ peɛlaaŋ lɛ naŋ seŋ ka a lantaapuoruu nembɛrɛ tonɔ ba toma.

Kanne Aizeeya 32:2 ane 1 Piita 5:​1-3, a kyɛ gyieli a soorebie naŋ tu na yɛlɛ:

• Wala hoŋ teɛre kyaare lɛ na a lantaapuoruu nembɛrɛ naŋ maŋ mɔɔrɔ ka ba tɔglɔ Yezu a de pɛnnoo korɔ ba yɔɔmine na?

• Bo yɛlɛ ka a lantaapuoruu nembɛrɛ maŋ lɛ erɛ a wuli ka ba tɔglɛɛ Yezu?

5. A lantaapuoruu nembɛrɛ maŋ eɛ ewuli sonne korɔ a lantaapuoruu noba

VIDIO: A Lantaapuoruu Nembɛrɛ Maŋ Derɛɛ Te Weɛ A Lantaapuoruu Poɔŋ! (7:39)

Yezu eɛ ewuli soŋ a ko a lantaapuoruu nembɛrɛ ka ba tɔgloo. Kanne Matio 23:8-12, a kyɛ gyieli a soorebiri naŋ tu na yɛlɛ:

• Ka hooŋ de lɛ na a Baabole naŋ wuli ka a lantaapuoruu nembɛrɛ maŋ erɛ ba yɛlɛ na manne neŋ lɛ na a donɛɛ ŋmenpuore wedeɛreba naŋ maŋ erɛ ba yɛlɛ na, wala hoŋ nyɛ?

1. A. A lantaapuoruu nembɛrɛ maŋ mɔɔrɔŋ ka ba neŋ Jehoova niiloŋ na e kpeɛŋaa, a kyɛ maŋ lɛ soŋ ba yideme meŋ ka ba neŋ Jehoova niiloŋ e kpeɛŋaa

2. B. A lantaapuoruu nembɛrɛ maŋ taaɛ a lantaapuoruu noba zaa yɛlɛŋ

3. D. A lantaapuoruu nembɛrɛ maŋ gaa la a naaŋ moɔloo

4. E. A lantaapuoruu nembɛrɛ eɛ wulwulibo. Ba maŋ soŋeŋ a peere kyɛ miili a lammozie, a kyɛ maŋ lɛ sonnɔ a lantaapuoruu soe yaga meŋ poɔŋ

6. Te na baŋ someŋ ka a lantaapuoruu nembɛrɛ toma e mɔlɔ ko ba

A Baabole wulee ananso a naŋ e nimizeɛ ka te soŋ ka a lantaapuoruu nembɛrɛ toma na e mɔlɔ ko ba. Kanne Hiburu 13:​17, a kyɛ gyieli a soorebie naŋ tu na yɛlɛ:

• Bonso ka a Baabole yelka te sagra a kyɛ lɛ sigri te menne ko a lantaapuoruu nembɛrɛ? Bo hoŋ teɛre kyaare a yɛlɛ ŋa?

Kanne Luka 16:10, a kyɛ gyieli a soorebiri naŋ tu na yɛlɛ:

• Bonso aŋ seŋ ka te sagra a lantaapuoruu nembɛrɛ nɔɛ yelbilii poɔŋ gba?

A ZANNOO YELNIMIZEERE

Yezu la a lantaapuoruu zu soba. Te maŋ yi la te poɔ zaa a sagra a lantaapuoruu nembɛrɛ nɔɛ a vɛŋ ka ba toma na e mɔlɔ ko ba, bonso ba maŋ soŋ teŋ teŋ taa pɛnnoo, a kyɛ erɛ ewuli sonne meŋ korɔ te.

Bo Hoŋ Zanne

• Nembuo la a lantaapuoruu zu soba?

• Sobuo ka a lantaapuoruu nembɛrɛ maŋ sonnɔ a lantaapuoruu?

• Jehoova Sieree Deme kaŋa zaa toŋ noɔre la bo?

YƐLƐ MINE NAŊ LƐ BEBE

Nyɛ sieree naŋ wuli ka a Lantaa Zukaareba ane a lantaapuoruu nembɛrɛ taa la ba Kristabitaaba yɛlɛŋ yaga zaa.

Ba Maŋ Eŋnɛɛ Te Yɔɔmine Naŋ Tuoro Dɔgroŋ Faŋa (4:22)

Kaa a vidio ŋa a nyɛ toma na a gbandige zukaareba naŋ maŋ tonɔ.

Gbandige Zukaara Kaŋa Naŋ Be Koraa Kaŋa Poɔŋ Zemmo Yɛlɛ (4:51)

Kanne a nyɛ tonkpeɛne na pɔgeba naŋ tonɔ a de sonnɔ a lantaapuoruu.

“Jehoova Sieree Deme Taaɛ Pɔgeba Naŋ E Naaŋ Moɔleba Bee?” (A Watchtower, September 1, 2012)

Kanne a nyɛ tonkpeɛne a lantaapuoruu nembɛrɛ naŋ maŋ tonɔ ka ba toɔ̃ eŋ ba Kristabitaaba faŋa.

“A Lantaapuoruu Nembɛrɛ Eɛ Te ‘Tontoŋtaaba Ka Te Nyɛ Popeɛloŋ’”(A Watchtower, January 15, 2013)

3. A fɛrɛɛ la ka ba sɛgre Jehoova puorebiiri

Saŋa na Krista puoruu naŋ da piili na, Yezu da kaa iree dɔbɔ mine naŋ da e Lantaa Zukaareba baŋ wulo o potuuribo sori. Zenɛ ŋa meŋ, a Lantaa Zukaareba la derɛ sowuli korɔ Jehoova puorebiiri zaa naŋ be a donɛɛ lombori zaa. Ŋmɛ a VIDIO.

VIDIO: Jehoova Sɛgrɛɛ O Puorebiiri Velaa Zaa (6:18)

Kanne 1 Korinti 14:33, 40, a kyɛ gyieli a soorebiri ŋa yɛlɛ:

• Bo yɛlɛ hoŋ nyɛ a Baabole sɛgre ŋa poɔŋ aŋ vɛŋ hoŋ baŋ ka Jehoova boɔrɔŋ ka ba sɛgre o Sieree Deme na soŋ zaa?