-
Tige Zaa Diibuŋ Pɛlɛ Naaŋmen Poɔ Bee?Nyɛ Zeŋ Laafeɛ Tegitegilɛ!—Lɛ A Baabole Zannoo Naŋ Na Toɔ̃ Soŋ Bo
-
-
Kanne Efesu 5:10, a kyɛ gyieli a soorebie naŋ tu na yɛlɛ:
Sɛre teŋ na de gbɛre a de te menne eŋ tigri kaŋa diibu poɔŋ na, bo yɛlɛ aŋ seŋ ka te soore te menne?
Noba mine maŋ iree bebi tegrɛ mine biŋ a de dire tige mine, a bobo la ka noba dire yaga zaa zie na hoŋ be na?
Ho teɛre ka Jehoova poɔ pɛlɛɛ a tige ŋa diibu bee?
Aŋa mannoo poɔŋ, noba yaga maŋ diree ba dɔgebo bebiri. Ho teɛroŋ poɔŋ a yɛlɛ ŋa pɛlɛɛ Jehoova poɔ bee? Ka hooŋ kaa a Baabole poɔŋ, ho koŋ nyɛ Jehoova puorebie zaa naŋ daaŋ di o dɔgebo bebiri tigri, kyɛ noba bayi yoŋ la daaŋ di ba dɔgebo bebiri tigri baŋ sɛgaa eŋ a Baabole poɔŋ. Ba kaŋa zaa meŋ da ba puoro Jehoova. Kanne Munpiilee 40:20-22 ane Matio 14:6-10. Ka yɛneeŋ wa kanne baare, yɛ gyieli a soorebie naŋ tu na yɛlɛ:
A noba bayi ŋa a Baabole naŋ yelka ba di la ba dɔgebo bebiri na, bo yɛlɛŋ da e ba dɔgebo bebiri tigri diibu na zieŋ?
Aŋa lɛ a Baabole sɛgre ŋa naŋ wuli na, bo teɛroŋ ka Jehoova taa kyaare dɔgebo bebiri tigri diibu?
Kyɛ, aminekaŋaŋ ho na leɛteɛre ka, ‘Ka maaŋ dire N dɔgebo bebiri bee ka maaŋ de N meŋɛ eŋ tige mine a Baabole naŋ yelka a ba soma eŋɛŋ, yelmeŋɛ la ka Jehoova poɔ koŋ pɛle ne ma?’ Kanne Yiibu 32:1-8. Ka yɛneeŋ wa kanne baare, yɛ ŋmɛ a VIDIO a kyɛ gyieli a soorebie naŋ tu na yɛlɛ.
Bonso aŋ e nimizeɛ ka te maŋ daŋ peɛre baŋ yɛlɛ Jehoova naŋ boɔrɔ sɛre kyɛ erɛ yelzaa?
Sobuo teŋ na toɔ̃ tu kyɛ e lɛ?
Wala teŋ na toɔ̃ e baŋ ka tigri kaŋa diibu ba pɛlɛ Naaŋmen poɔ?
A Baabole wuleeŋ ka te na baŋ di la a tigri ŋa bee? Ka hooŋ boɔrɔ ka ho nyɛ a noɔre iribo, mãã ho meŋɛ a zanne yɛlɛ yaga a kyaare lɛ a tigri diibu naŋ e piili.
A tigri de la gyeremɛ naŋ ba seŋ neŋ a korɔ nensaaleba, bee nensaaleba yelsɛgraa kaŋa, bee a paaloŋ boma mine? Jehoova yoŋ aŋ seŋ ka te de gyeremɛ zaa a korɔ. Ona yoŋ na baŋ iri yelfaare zaa naŋ be a donɛɛ poɔŋ bare, azuŋ, ona yoŋ aŋ seŋ ka te dɛle.
Yɛlɛ na baŋ maŋ erɛ a tigri diibu saŋa ane a tigri yeltuurii neŋ a Baabole kyaarɛɛ taa? Aseŋ ka te vɛŋ ka te yel-erre zaa e forifori.
-
-
Yɛlɛ Na Hoŋ Maŋ De Pɛlɛ Ho Niŋe Na Pɛlɛɛ Jehoova Poɔ Bee?Nyɛ Zeŋ Laafeɛ Tegitegilɛ!—Lɛ A Baabole Zannoo Naŋ Na Toɔ̃ Soŋ Bo
-
-
ZANNOO 53
Yɛlɛ Na Hoŋ Maŋ De Pɛlɛ Ho Niŋe Na Pɛlɛɛ Jehoova Poɔ Bee?
Jehoova eɛ “popeɛloŋ Naaŋmen.” (1 Timoti 1:11) O boɔrɔŋ ka te taa popeɛloŋ a kyɛ wono zemmo noɔ̃ yaga. Yelmeŋɛ la, te maŋ taaɛ toma yaga ka te toŋ, kyɛ ka teneeŋ maŋ bɔ wagre a pɛnne a kyɛ pɛle te niŋe, a maŋ vɛmeŋ ka Jehoova poɔ pɛle. A zannoo ŋa poɔŋ, te na zanne nyɛɛ lɛ teŋ na toɔ̃ de wagre na teŋ maŋ iri biŋ ka te pɛnne na e yɛlɛ naŋ na vɛŋ ka te taa popeɛloŋ, a kyɛ lɛ vɛŋ ka Jehoova meŋ poɔ pɛle.
1. Ka teneeŋ boɔrɔ ka te kaa iri yɛlɛ mine a de pɛle te niŋe, bo yɛlɛ aŋ seŋ ka te teɛre?
Ka hooŋ wa boɔrɔ ka ho pɛnne, bo yɛlɛ hoŋ maŋ e? Noba mine maŋ boɔrɔŋ ka ba zeŋ dieŋ saŋa na gɔmɔ zaa naŋ ba kyebe a na toɔ̃ pɛnne soŋ. Ka ba mine meŋ maŋ boɔrɔ ka ba de ana wagre na kanne gane kaŋa, kyɛbee a kyɛllɛ wono yiele, kyɛbee a kaara filim. Ba mine meŋ maŋ gaaɛ intanɛt zu a te kaara boma. Noba mine yɛŋ, ba neŋ ba zɔmenne maŋ gaa la zie kaŋa naŋ veɛlɛ yaga zaa, bee ka ba neŋ ba zɔmenne gaa te duu koɔ̃, bee a ŋmɛ game. Ka teneeŋ wa de yelzaa a pɛlɛ te niŋe, aseŋ ka te mɔɔ a kyɛ vɛŋ ka yɛlɛ na teŋ de pɛlɛ te niŋe na “pɛlɛ a Daana poɔ.” (Efesu 5:10) A eɛ nimizeɛ ka te de a yɛlɛ ŋa tonɔ neŋ toma, bonso, yɛlɛ na noba naŋ de pɛlɛ ba niŋe na kpoŋ zie zaa e la yɛlɛ naŋ ba pɛlɛ Jehoova poɔ fẽẽ zaa. A nimipɛle yɛlɛ ŋa mine maŋ taa la kpaŋkpaŋkpeɛ̃o toma, peɛ̃mo toma ane sɔyɛlɛ a poɔŋ. (Kanne Yieme 11:5.) Bo yɛlɛŋ na baŋ soŋ te ka te de gbɛ-sonne a kyaare nimipɛle yɛlɛ?
Ka teneeŋ kaa iri noba naŋ nɔŋ Jehoova ka ba e te zɔmenne, ba na soŋ teŋ ka te kaa iri nimipɛle yɛlɛ naŋ soma. Aŋa lɛ te naŋ zanne yi a Zannoo 48 poɔŋ na, “neɛ naŋ kyɛnɛ neŋ yɛŋbanneba na e la yɛŋbanna.” Kyɛ, ka te neŋ noba naŋ ba nɔŋ Naaŋmen ane o bege naŋ wa laŋ erɛ yɛlɛ wagre zaa, te “na nyoɔ̃meŋ.”—Yeng Yelibie 13:20.
2. Bonso aŋ e nimizeɛ yaga zaa ka te kaara wagre na teŋ maŋ de pɛlɛ te niŋe na zieŋ soŋ?
Ka tenee gbaŋ kaa iri nimipɛle yɛlɛ naŋ soma, kyɛ aseŋ ka te kaara soŋ a ta vɛŋ ka a nimipɛle yɛlɛ ŋa deɛ te wagre zaa. Ka lɛ naane, te koŋ lɛ taa wagre ka te e yelnimizeere mine. A Baabole yeleeŋ ka, “yɛ ta bare vuo zaa ka o wɛ.”—Kanne Efesu 5:15, 16.
ZANNE YƐLƐ YAGA POƆ
Ho na zanne nyɛɛ lɛ hoŋ na toɔ̃ kaa iri nimipɛle yɛlɛ naŋ soma.
3. Tage ho meŋɛ a yi nimipɛle yɛlɛ naŋ ba soma eŋɛŋ
Bonso aŋ seŋ ka te maŋ teɛre yɛlɛ gaa tɔɔre sɛre kyɛ iri yɛlɛ teŋ na de pɛle te niŋe? Ŋmɛ a VIDIO, a kyɛ gyieli a soorebie naŋ tu na yɛlɛ.
Lɛ na noba naŋ da maŋ deɛnɛ takoreŋ saŋa Urom paaloŋ na neŋ nimipɛle yɛlɛ naŋ bebe zenɛ na yi la taa. Sobuoŋ?
A vidio poɔŋ, bo yɛlɛ ka Danny da zanne a kyaare nimipɛle yɛlɛ?
Kanne Urom 12:9, a kyɛ gyieli a soorebiri ŋa yɛlɛ:
Sobuo ka a Baabole sɛgre ŋa na toɔ̃ soŋ bo ka ho kaa iri nimipɛle yɛlɛ naŋ soma?
Bo yɛlɛ mine la ka Jehoova kyiire? Kanne Yeng Yelibie 6:16, 17 ane Galesiya 5:19-21. Ka yɛneeŋ wa kanne a Baabole sɛgre kaŋa zaa baare, yɛ gyieli a soorebiri ŋa yɛlɛ:
A Baabole sɛgre ŋa boɔlɛɛ gyog-faare mine, zenɛ ŋa a bobo la hoŋ nyɛ aŋ be yɛlɛ na noba naŋ de pɛlɛ ba niŋe na poɔŋ?
Bo yɛlɛŋ na toɔ̃ soŋ bo ka ho kaa iri nimipɛle yɛlɛ naŋ soma?
Soore ho meŋɛ ka:
A nimipɛle yɛlɛ ŋa taaɛ yɛlɛ Jehoova naŋ kyiiri bee?
A nimipɛle yɛlɛ ŋa na de la N wagre zaa ka lɛ vɛŋ maŋ koŋ baŋ lɛ e yelnimizeere mine bee?
A nimipɛle yɛlɛ vɛŋɛɛŋ ka N neŋ noba naŋ ba nɔŋ Jehoova laŋ erɛ yɛlɛ bee?
Ka hooŋ baŋ yelkaŋa naŋ na toɔ̃ vɛŋ ka ho kpɛ toɔrɔ poɔŋ, a na somaŋ yaga zaa ka ho ta peɛlɛ a yɛlɛ fẽẽ zaa. Lɛ neŋ o zu la, ka teneeŋ nyɛ ka nimipɛle yɛlɛ mine bebeŋ a na toɔ̃ sãã te neŋ Jehoova niiloŋ, aseŋ ka te tage te menne yi a poɔŋ kpɛlɛŋkpɛlɛŋ
4. De ho wagre tonɔ neŋ toma soŋ
Ŋmɛ a VIDIO, a kyɛ gyieli a soorebie naŋ tu na yɛlɛ.
Yelmeŋɛ la, te yɔɔdɔɔ na da ba kaara yɛlɛ naŋ ba soma, kyɛ bo yɛlɛŋ da deɛ o wagre zaa?
Kanne Filipae 1:10, a kyɛ gyieli a soorebiri ŋa yɛlɛ:
Sobuo ka a Baabole sɛgre ŋa na toɔ̃ soŋ te ka te baŋ lɛ aŋ seŋ ka te de te wagre tonɔ neŋ toma soŋ?
5. Kaa iri nimipɛle yɛlɛ naŋ soma
Yelmeŋɛ la, nimipɛle yɛlɛ mine bebeŋ a ba pɛlɛ Jehoova poɔ, kyɛ nimipɛle yɛlɛ yaga bebeŋ a soma teŋ na baŋ de pɛlɛ te niŋe. Kanne Ikilisiasitiz 8:15 ane Filipae 4:8, a kyɛ gyieli a soorebiri ŋa yɛlɛ:
Nimipɛle yɛlɛ na mine naŋ soma hoŋ maŋ de pɛlɛ ho niŋe na la a bobo?
Ho na baŋ de la nimipɛle yɛlɛ naŋ soma a pɛle ho niŋe
NOBA MINE MAŊ YELEŊ KA: “Ka maaŋ de nimipɛle yɛlɛ naŋ taa kpaŋkpaŋkpeɛ̃o yɛlɛ, peɛ̃mo toma, ane sɔyɛlɛ pɛlɛ N niŋe, yelfaa zaa kyebe, bonso maaŋ naaneŋ erɛ a yɛlɛ.”
Wala hoŋ na yel?
A ZANNOO YELNIMIZEERE
Jehoova boɔrɔŋ ka te maŋ kaa iri nimipɛle yɛlɛ naŋ soma a de pɛlɛ te niŋe.
Bo Hoŋ Zanne
Bo yɛlɛ aŋ ba seŋ ka Kristabiiri de pɛlɛ ba niŋe?
Bonso aŋ seŋ ka te kaara soŋ a ta vɛŋ ka nimipɛle yɛlɛ deɛ te wagre zaa?
Bonso hoŋ boɔrɔ ka ho maŋ kaa iri nimipɛle yɛlɛ naŋ pɛlɛ Jehoova poɔ?
YƐLƐ MINE NAŊ LƐ BEBE
Nembuoŋ seŋ ka o wuli te yɛlɛ naŋ seŋ ka te de pɛlɛ te niŋe? Kanne a yɛlɛ ŋa a nyɛ a noɔre iribo.
Bo yɛlɛŋ na baŋ soŋ bo ka ho de gbɛ-sonne a kyaare wagre na hoŋ de biŋ ka ho maŋ pɛnne na? Kanne a yɛlɛ ŋa a nyɛ a noɔre iribo.
“Tɔnɔ Kaŋa Be La Yɛlɛ Na Hoŋ Maŋ De Pɛlɛ Ho Niŋe Na Poɔŋ Bee?” (A Watchtower, October 15, 2011)
Kanne a yɛlɛ ŋa, “N Da Leɛ Taaɛ Teɛroŋ Soŋ A Kyaare Noba,” a nyɛ bon naŋso ka dɔɔ kaŋa da leɛre yɛlɛ na oŋ da maŋ de pɛlɛ o niŋe na.
“A Baabole Soŋ Baŋ Baŋ Leɛre Ba Zemmo Yɛlɛ” (A Watchtower, February 1, 2010)
Kaa a vidio ŋa a nyɛ lɛ bi-ma kaŋa naŋ da de gbɛ-sonne a kyaare nimipɛle yɛlɛ mine naŋ taa sɔyɛlɛ.
-