Bo Tɔnɔ Hoŋ Na Nyɛ Ka Hooŋ Gɛrɛ Jehoova Sieree Deme Lammore Na?

Jehoova Sieree Deme daaŋ toŋboɔle boŋ ka ho wa ba lammozie zaa? Ka hooŋ daaŋ ba gaa ba lammozie na zaa, kaapɔge ho dɛndɛŋ gaabo na dabeɛ̃ fẽẽ na kpɛ boŋ. Aminekaŋaŋ ho na soorɛɛ ho meŋɛ ka: ‘Bo baŋ maŋ erɛ ba lammozie naŋ? Bonso ka a lammo yɛlɛ e nimizeɛ yaga zaa lɛ? Bonso aŋ seŋ ka N gaa be?’ A zannoo ŋa poɔŋ, ho na wa nyɛŋ ka, ka hooŋ gɛrɛ a Jehoova Sieree Deme lammore na, a na soŋ boŋ ka ho toɔ̃ tage peɛle Naaŋmen a kyɛ lɛ soŋ bo ho zemmo poɔŋ meŋ.

1. Bonso aŋ e nimizeɛ yaga zaa ko Jehoova Sieree Deme ka ba maŋ laŋna taa?

Baabole sɛgsɛgrɛ kaŋa wulee bon naŋso aŋ e nimizeɛ ka te maŋ laŋna taa. O da sɛgɛɛŋ ka: “A lammokpɛŋ poɔŋ maŋ na de puubu ko Jehoova.” (Yieme 26:​12) Zenɛ ŋa meŋ, lɛ zuŋ ka Jehoova Sieree Deme poɔ maŋ pɛle yaga ka ba laŋna taa. A donɛɛ lombori zaa, Jehoova Sieree Deme maŋ laŋɛɛ taa gbɛre buyi daagbuli zaa poɔŋ a de pugibu ko Naaŋmen, a yiele kyɛ puore meŋ. Yuoni gbuli zaa meŋ poɔŋ, Jehoova Sieree Deme maŋ la laŋɛɛ lammobɛrɛ poɔŋ a de puoruu ko Naaŋmen.

2. Bo hoŋ na zanne te lammozie naŋ?

Yɛlɛ na zaa teŋ maŋ zanna te lammozie na maŋ yi la a Baabole poɔŋ, te maŋ kannɛɛ a Baabole a wuli a nimiri aŋ pɛle soŋ zaa. (Kanne Niihemaiya 8:8.) Ka hooŋ wa te lammozie na, ho na zannɛɛ Jehoova yɛlɛ ane o gyog-sonne na yɛlɛ yaga zaa. Ka hooŋ wa baŋ ka Naaŋmen nɔnɔ boŋ yaga, a na vɛmeŋ ka ho tage peɛloo yaga zaa. Ho na wa nyɛɛ lɛ Naaŋmen naŋ na toɔ̃ soŋ bo ka ho taa zeŋ laafeɛ ane popeɛloŋ meŋɛmeŋɛ.​—Aizeeya 48:​17, 18.

3. Ka ho neŋ te yɔɔmine naŋ wa laŋna taa a lammozieŋ a dire dama, sobuo aŋ na toɔ̃ soŋ bo?

Jehoova maŋ wulo teŋ lɛ “te naŋ na maŋ e a wulo taa nɔmmo ane tonveɛle. Te ta zagra ka te laŋna taa.” (Hiburu 10:24, 25) Ka hooŋ wa te lammozie na, ho na nyɛɛ noba naŋ sereŋ nɔnɔ taa yaga zaa, a nɔŋ ka ba zanna Naaŋmen yɛlɛ aŋa hooŋ. Ho na woŋɛɛ Baabole poɔ yelyaga ane dama diibu a yi te yɔɔmine zieŋ naŋ na eŋ bo faŋa yaga zaa. (Kanne Urom 1:​11, 12.) Ho na wa nyɛɛ lɛ te yɔɔmine naŋ e kultaa deme ane bana naŋ ba e kultaa deme naŋ erɛ ka lɛ vɛŋ baŋ taa popeɛloŋ aneazaa ka ba tuore yelkpeɛne ba zemmo poɔŋ. A yɛlɛ ŋa zaa zuŋ ka Jehoova boɔrɔ ka te maŋ laŋna taa wagre zaa!

ZANNE YƐLƐ YAGA POƆ

4. Jehoova Sieree Deme lammozie

A dɛndɛŋ yuoŋ kɔɔ na saŋa, Kristabiiri da maŋ laŋɛɛ taa gbɛɛ yaga a de puoruu korɔ Jehoova. (Urom 16:​3-5) Kanne Kolosi 3:​16, a kyɛ gyieli a soorebiri ŋa yɛlɛ:

• Sobuo ka a dɛndɛŋ Kristabiiri da maŋ tu kyɛ de puoruu korɔ Jehoova?

VIDIO: Boŋ Ka Te Maŋ Erɛ Te Zannoo Zie Naŋ? (2:12)

• Bo yitaa la be lɛ na hoŋ nyɛ Jehoova Sieree Deme naŋ maŋ erɛ ba Lammozieŋ ane yɛlɛ na ho naŋ nyɛ yi Kolosi 3:​16 na?

• Ho naŋ kaa a vidio bee a foto na, ho nyɛɛ yelkaŋa meŋ naŋ pɛle ho poɔ yaga zaa bee?

Kanne 2 Korinti 9:​7, a kyɛ gyieli a soorebiri naŋ tu na yɛlɛ:

• Bonso ka Jehoova Sieree Deme ba maŋ deɛrɛ libie ba lammozie naŋ?

Ho neŋ ho Baabole wulwulo na toɔ̃ de la weɛ a zanne yɛlɛ na baŋ na zanne te lammozie naŋ a daagbuli naŋ waana na poɔŋ.

• Ho teɛre ka a lammo lombo buo la a na noma korɔ bo yaga bee a soŋ bo yaga?

Ho da baŋɛɛŋ?

Ka hooŋ gaa jw.org/dga, ho na te nyɛɛ ziiri na ane saŋa na teŋ maŋ erɛ te lammore na a donɛɛ lombori zaa.

1. A. Te lammore na zieŋ, ba maŋ terɛɛ yelyaga, a e ewuli mine ko te teŋ nyɛ, a kyɛ iri vidiori meŋ wuli te. Ba maŋ de la puoro ane yieloŋ piili a kyɛ lɛ de baare neŋ a lammo meŋ

2. B. Ka a zannoo zie kaŋaŋ wa ta, ba maŋ yuo la sori ko a kyɛllekyɛlleba ka ba iri yɛlɛ nɔɛ a zannoo poɔŋ

3. D. Neɛzaa na toɔ̃ waɛ a lammozie​—booree deme, noba naŋ ba kpɛ kultaa poɔ, neŋnyaane, ane bibiiri

4. E. Te lammore na eɛ zaala. Jehoova Sieree Deme ba deɛrɛ libie bee a eŋnɛ kɔlɛsin ba lammore na zieŋ

5. Aseŋ ka ho mɔɔ kyɛ de gbɛre a toɔ̃ gaa a lammo

Nyɛ lɛ Yezu yideme naŋ da e. Yuoni zaa, ba da maŋ de la beraata a kyɛŋ gbɛɛ a yi Naazɛrɛ a gaa Gyɛruzɛlɛm ŋmenpuoredie na a te puore Naaŋmen. Kanne Luka 2:​39-​42, a kyɛ gyieli a soorebie ŋa yɛlɛ:

• Ho teɛre ka a da seŋ ka ba maŋ mɔɔ ba mɔɔbo zaa kyɛ toɔ̃ kyɛŋ a sori ŋa a gaa Gyɛruzɛlɛm bee?

• Bonso aŋ fɛre ka ho meŋ mɔɔ ho mɔɔbo zaa kyɛ toɔ̃ gaa a lammozie?

• Ka hooŋ e lɛ ho na nyɛɛ tɔnɔ bee? Ananso la wala hoŋ yel lɛ?

• Bonso aŋ fɛre ka te maŋ gɛrɛ a lammozie wagre zaa?

A ZANNOO YELNIMIZEERE

Ka hooŋ gɛrɛ a lammore a na soŋ boŋ ka ho zanne yɛlɛ yaga a kyaare Jehoova. A na vɛmeŋ ka ho neŋ Jehoova zɔmennoŋ na meŋ maaleŋ e kpeɛŋaa, a na yuo la sori ko bo ka ho poɔ ho taaba eŋɛŋ ka yɛ zaa laŋ de puoruu korɔ Jehoova.

Bo Hoŋ Zanne

• Bonso ka Jehoova maŋ eŋnɛ te faŋa ka te maŋ laŋna taa?

• Ka hooŋ gaa Jehoova Sieree Deme lammozie na, boŋ hoŋ na zanne?

• Ho teɛre ka bo tɔnɔ hoŋ na toɔ̃ lɛ nyɛ ka hooŋ gɛrɛ a lammore?

YƐLƐ MINE NAŊ LƐ BEBE

Kyɛ ka hooŋ zoro dabeɛ̃ ka ho gaa a lammozie meŋ? Nyɛ lɛ dɔɔ kaŋa naŋ da zoro dabeɛ̃ ka o gaa a lammozie naŋ wa leɛ nɔnɔ a lammozie gaabo.

Te Daŋ Koŋ Inni A Lɛ Na Ba Naŋ Da Puore Te Na Zaa (4:16)

Nyɛ lɛ a lammore naŋ da noma yaga zaa ko dɔɔ kaŋa ane lɛ oŋ da e a toɔ̃ gɛrɛ a lammozie wagre zaa.

A Lammore Da Noma Ko Maŋ Yaga Zaa! (4:33)

Zanne nyɛ teɛroŋ na noba mine naŋ taa kyaare a lammozie gaabo.

“Bonso Aŋ Seŋ Ka Ho Gɛrɛ Te Lammore Na?” (Intanɛt zu gane)

Kanne nyɛ lɛ dɔɔ kaŋa naŋ da nɔŋ kpaŋkpaŋkpeɛ̃o toma zemmo naŋ da leɛre saŋa na oŋ da gaa Jehoova Sieree Deme lammore na kaŋa.

“N Da Maŋ De La N Marefa Gɛrɛ Zie Zaa” (A Watchtower, July 1, 2014)

5. Ayi yuoni 1914 a waana zenɛ, a donɛɛ leɛrɛɛŋ yaga zaa

Ŋmɛ a VIDIO.

VIDIO: Ayi Yuoni 1914 A Waana Zenɛ, A Donɛɛ Leɛrɛɛŋ Yaga Zaa (1:10)

Yezu da yelee yɛlɛ naŋ na erɛ a donɛɛ poɔŋ saŋa na oŋ na wa e Naa a piili dire naaŋ sazuŋ na. Kanne Luka 21:9-11, a kyɛ gyieli a soorebiri naŋ tu na yɛlɛ:

• A yɛlɛ ŋa a bobo la hoŋ de ho nimie nyɛ bee a woŋ a yɛlɛ?

Bitontona Pɔɔl da wulee gyogri noba naŋ na taa nensaaleba naaloŋ diibu baaraa saŋa. Kanne 2 Timoti 3:1-5, a kyɛ gyieli a soorebiri naŋ tu na yɛlɛ:

• Ho nyɛɛ noba naŋ taa a gyogri ŋa zenɛ ŋa bee?

6. E yelkaŋa a wuli ka ho sereŋ sagedieŋ ka Naaŋmen Naaloŋ na diree naaŋ

Kanne Matio 24:3, 14, a kyɛ gyieli a soorebie ŋa yɛlɛ:

• Bo toŋ nimizeɛ la wuli ka Naaŋmen Naaloŋ na diree naaŋ pampana ŋa?

• Wala hoŋ meŋ na toɔ̃ e a de ho meŋɛ poɔ a toma tommo poɔŋ?

Naaŋmen Naaloŋ na diree naaŋ pampana, a koŋ kɔɔre a Naaloŋ na diree naaŋ a kaara a teŋɛzu zaa. Kanne Hiburu 10:24, 25, a kyɛ gyieli a soorebiri ŋa yɛlɛ:

• Saŋa na teŋ “nyɛ ka a Daana waabo bebiri” taraŋ na, bo yɛlɛ aŋ seŋ ka te e?