5. Yɛlɛ Jehoova naŋ boɔrɔ yire o zɔmenne zieŋ

Te maŋ kaarɛɛ soriŋ ka te zɔmenne e yɛlɛ mine ko te.

• Boŋ yɛlɛ mine hoŋ na boɔrɔ ka ho zɔmenne e ko bo?

Kanne 1 Gyɔɔn 5:​3, a kyɛ gyieli a soorebiri ŋa yɛlɛ:

• Boŋ ka Jehoova boɔrɔ ka o zɔmenne erɛ koroo?

Ka te naŋ na toɔ̃ kyɛllɛ wono Jehoova yɛlɛ, a na fɛreŋ ka te leɛre te eebo ane te gyogri. Kanne Aizeeya 48:​17, 18, a kyɛ gyieli a soorebiri ŋa yɛlɛ:

• Bonso ka Jehoova maŋ yelko o zɔmenne ka ba leɛre ba eebo?

Sɛre hoŋ na baŋ de suobu na, aseŋ ka ho zanne Jehoova yɛlɛ soŋ, a kyɛ taa sagediibu meŋ naŋ e kpeɛŋaa o eŋɛŋ. (Kanne Hiburu 11:6.) Saŋa na hoŋ zanna Jehoova yɛlɛ na, ho sagediibu na maaleŋ e la kpeɛŋaa, ka nɔmmo na meŋ hoŋ taa koo na meŋ maaleŋ e kpeɛŋaa. Lɛ na vɛmeŋ ka ho boɔrɔ ka ho manna o yɛlɛ a korɔ noba, a kyɛ de o bege meŋ tonɔ neŋ toma ho zemmo poɔŋ. (2 Timoti 4:2; 1 Gyɔɔn 5:3) Ka neɛŋ sereŋ “erɛ yɛlɛ naŋ seŋ lɛ Jehoova naŋ boɔrɔ, a sereŋ boɔrɔ ka o pɛle o poɔ,” lɛ yɛŋ o soba na baŋ de la o nyɔvore ko Jehoova a de suobu.​—Kolosi 1:9, 10.a

Te de ka ho le la koɔ̃ poɔŋ, ka a koɔ̃ de bo gɛrɛ, kyɛ ka neɛ kaŋa kpɛ a koɔ̃ poɔ a iri bo yi be, ka lɛ vɛŋ hoŋ ba kpi. Ho daŋ na innee yɛlɛ na o soba naŋ e ko bo na bee? Kyɛbee, ho na e la lɛ zaa hoŋ na toɔ̃ a wuli o soba ka ho nimiri paalɛɛ yɛlɛ na o naŋ e ko bo na?

Jehoova la ko te nyɔvore. Kanne 1 Gyɔɔn 4:8-10, a kyɛ gyieli a soorebie naŋ tu na yɛlɛ:

• Bonso ka Yezu yɔɔdeɛbo sareka na e kyɔɔtaa naŋ e o yoŋ?

• Ka hooŋ leɛteɛre yɛlɛ na Jehoova neŋ Yezu naŋ e ko bo na, wala aŋ maŋ tɔ ho sukyiri seŋ?

Wala hoŋ na baŋ e a wuli nimipa a ko yɛlɛ na Jehoova ane Yezu naŋ e ko bo na? Kanne 2 Korinti 5:15 ane 1 Gyɔɔn 4:11; 5:3. Ka yɛ naŋ wa kanne a sɛgre kaŋa zaa baare, yɛ gyieli a soorebiri ŋa yɛlɛ:

• Ka hooŋ kaa a sɛgre ŋa te naŋ kanne ŋa poɔŋ, wala teŋ na baŋ e a wuli nimipa?

Saŋa na hoŋ piili zanna a Baabole na, lɛ soŋ boŋ hoŋ toɔ̃ tage peɛle Naaŋmen bee? Ho boɔrɔŋ ka ho neŋ Naaŋmen niiloŋ na maaleŋ e kpeɛŋaa yaga zaa bee? Ka lɛ la, baŋ ka Jehoova meŋ na nɔŋ boŋ a kyɛ kaara ho zu velaa zaa, ka onaŋ wa nyɛ ka ho taa la nɔmmo naŋ e zuluŋ a koo. Wala hoŋ na baŋ e a wuli ka ho nɔŋ la Jehoova?

1. Wala teŋ na baŋ e a wuli ka te nɔnɔ la Jehoova?

Ka teneeŋ sagra Jehoova nɔɛ, lɛ wuleeŋ ka te nɔmooŋ. (Kanne 1 Gyɔɔn 5:3.) Jehoova ba ferɛ noba ka ba sagra o nɔɛ. Kyɛ, o ko la te kaŋa zaa sori ka te kaa iri yɛlɛ teŋ boɔrɔ, ka te na sagrɛɛ o nɔɛ, bee ka te koŋ sagra o nɔɛ. Bonso ka Jehoova e lɛ? A ananso la ka, Jehoova boɔrɔŋ ka te “sagra noɔre a [te] sukyie poɔ.” (Urom 6:17) Lɛ wuleeŋ ka Jehoova boɔrɔŋ ka ho sagra o nɔɛ ho naŋ nɔmoo zuŋ, kyɛ a ba e ka a naŋ e ferebo zuŋ la. A gane ŋa kyɛlee 3 ane 4 ŋa na soŋ boŋ ka ho de ho yel-erre wuli ka ho nɔŋ la Jehoova. Ho na lɛ zanne nyɛɛ lɛ hoŋ na toɔ̃ erɛ yɛlɛ naŋ pɛlɛ o poɔ, a kyɛ tage ho meŋɛ yi yɛlɛ naŋ ba pɛlɛ o poɔ eŋɛŋ.

2. Bonso aŋ maŋ e kpeɛŋaa ka te de te yel-erre wuli ka te nɔŋ la Jehoova?

A Baabole yeleeŋ ka: “Sontuuro maŋ taaɛ toɔrɔ gyamaa.” (Yieme 34:19) Lɛ wuleeŋ ka, te naŋ e noba naŋ ba pɛgiyi na zuŋ, a maŋ eɛ kpeɛŋaa ko te ka te erɛ yɛlɛ naŋ soma. Saŋa kaŋa meŋ te libi yɛlɛ ba maŋ taa nimiri, te maŋ tuoree daŋkyagre ane yelkpeɛne mine meŋ. Ka teneeŋ wa tuoro yelkpeɛne, a ba maŋ e mɔlɔ ko te ka te erɛ yɛlɛ naŋ pɛlɛ Jehoova poɔ. Bonso a maŋ e la mɔlɔ ka te erɛ yɛlɛ naŋ ba soma. Kyɛ, ka hooŋ yi yelmennoŋ poɔŋ a erɛ yɛlɛ Jehoova naŋ boɔrɔ, lɛ na wuliŋ ka ho nɔŋɛɛ Jehoova a gaŋ bonzaa. Ho maŋ lɛ wuliŋ ka ho diree yelmennoŋ a koroo. Jehoova meŋ na diree yelmennoŋ a korɔ bo. O daŋ koŋ zagre bo bare zaa.​—Kanne Yieme 4:3.

4. Vɛŋ ka Jehoova sukyiri taa popɛle

Kanne Yeng Yelibie 27:11, a kyɛ gyieli a soorebie ŋa yɛlɛ:

• Ka te naŋ e yɛŋbanneba a sagra Jehoova nɔɛ, wala oŋ maŋ teɛre? Bonso hoŋ yel lɛ?

5. Ho na baŋ diree yelmennoŋ korɔ Jehoova

VIDIO: Nare Ho Meŋɛ A Manne A Duorisoŋ Ko Neɛzaa Naŋ Iri Zɔɔre Neŋ A Yelmeŋɛ (5:09)

• A maŋ e la kpeɛŋaa ko bo saŋa kaŋa ka ho manne Jehoova yɛlɛ ko neɛ kaŋa bee?

• A vidio poɔŋ, boŋ da soŋ te Yɔɔdɔɔ Grayson oŋ zɔɔtoɔ̃ o dabeɛ̃ na?

Ka teneeŋ nɔŋ bon na Jehoova naŋ nɔŋ, a kyɛ kyiiri bon na Jehoova naŋ kyiiri, a na e la mɔlɔ ko te ka te dire yelmennoŋ a koroo. Kanne Yieme 97:10, a kyɛ gyieli a soorebie naŋ tu na yɛlɛ:

• A yi yɛlɛ na hoŋ zanne yi a Baabole poɔŋ na, bo yɛlɛ hoŋ teɛre ka Jehoova nɔnɔŋ? Bo yɛlɛ mine la hoŋ teɛre ka Jehoova kyiireeŋ?

• Boŋ na baŋ soŋ bo ka ho nɔŋ yɛlɛ naŋ soma a kyɛ kyiire yɛlɛ naŋ ba soma?

6. Ka teneeŋ sagra Jehoova nɔɛ, te na nyɛɛ tɔnɔ yaga

Ka teneeŋ sagra Jehoova nɔɛ, te menne aŋ na soŋ. Kanne Aizeeya 48:17, 18, a kyɛ gyieli a soorebie naŋ tu na yɛlɛ:

• Ho teɛre ka Jehoova baŋɛɛ yɛlɛ naŋ soma ko te bee? Bonso hoŋ yel lɛ?

• A yi saŋa na hoŋ piili zanna a Baabole ane a yelmeŋɛ Naaŋmen Jehoova yɛlɛ na, bo tɔnɔ hoŋ nyɛ?

A ZANNOO YELNIMIZEERE

Ka hooŋ sagra Jehoova nɔɛ, lɛ wuleeŋ ka ho nɔŋ la Jehoova. Ka te naŋ wa dire yelmennoŋ korɔ Jehoova saŋa na teŋ tuoro yelkpeɛne na, lɛ meŋ na wuliŋ ka te nɔŋ la Jehoova.

Bo Hoŋ Zanne

• Bo hoŋ zanne yi Gyoob ewuli na poɔŋ?

• Wala hoŋ na baŋ e a wuli ka ho nɔŋ la Jehoova?

• Boŋ na baŋ soŋ bo ka ho naŋ dire yelmennoŋ korɔ Jehoova?

YƐLƐ MINE NAŊ LƐ BEBE

Kaa a vidio ŋa a nyɛ lɛ hoŋ na baŋ e a dire yelmennoŋ korɔ Jehoova ane a lantaapuoruu.

“Neɛzaa Naŋ Dire Yelmennoŋ, Ho Meŋ Maŋ Diree Yelmennoŋ Korɔ O Soba” (16:49)

Setaana yelee yelkaŋa a kyaare nensaaleba zaa. Kanne a gane ŋa a zanne yɛlɛ yaga a kyaare a yɛlɛ ŋa.

“Gyoob Da Naŋ Nyɔgɛɛ O Yelmennoŋ Kpeɛŋaa” (A Baabole​—Bo Yɛlɛŋ Be O Poɔŋ? kyɛlee 6)

Kaa a vidio ŋa a nyɛ lɛ bibiiri naŋ na baŋ e a wuli ka ba nɔŋ la Jehoova.

Vɛŋ Ka Jehoova Poɔ Pɛle (8:16)

Ka baapaalba zɔmenneŋ wa ferɛba ka ba e yɛlɛ naŋ ba soma, boŋ na toɔ̃ soŋ ba ka ba naŋ dire yelmennoŋ korɔ Naaŋmen?

Are Kpeɛŋaa Saŋa Na Ho Taaba Naŋ Ferɛbo Ka Ho E Yelfaa Kaŋa! (3:59)