Salamo

Nyimane jë koi Iehova la nyima ka hnyipixe;

Atrunyi nyidrëti jë ngöne la icasikeu ne la itre ka mele nyipici.

 2 Loi e tro Isaraela a madrin kowe la Atre Xupi angeic;

Loi e tro la itre nekö i Ziona a madrin kowe la Joxu i angatr.

 3 Loi e tro angatr a atrune la ëje i nyidrë me fiafia

Me nyima* atrunyi nyidrë memine la itrapë me arp.

 5 Ngöne la lolo ne la itre ka mele nyipici, epi tro angatr a madrin atraqatr;

Epi tro angatr a sue madrin hune la itre ili i angatr.

 6 Loi e tro la itre nyima ka atrunyi Akötresie a ej hune la itre ukeineqë i angatr,*

Memine la taua ka idrei la lue götran ngöne la itre ime i angatr,

 7 Matre troa të kowe la nöjei nöj

Me nyithupen kowe la itre atrene la nöj,

 8 Matre troa ceinën la itre joxu i angatr

Me othe hnei fao la itre atr ka tru,

 9 Nge matre troa eatrën la iameköti hna fejan koi angatr.