Salamo
Qaathei Dravita.
א [Aleph]
25 Iehova fe, eni a qëmeke koi nyipë.
ב [Beth]
2 Akötresinge fe, eni a mejiune koi nyipë;
Epi thupë ni qa ngöne la hmahma.
The nue kö la itre ithupëjiang troa madrine la akötreng.
ג [Gimel]
3 Eje hi, tha tro kö a hmahma hnene la itre ka mejiune koi nyipë,
Ngo tro ha hmahma la itre ka icilekeu menu.
ד [Daleth]
4 Iehova fe, amamai ni jë la itre jë i nyipë;
Ini ni jë la itre gojeny i nyipë.
ה [He]
5 Eatrongë ni jë ngöne la nyipici i nyipë, nge ini ni jë,
Ke nyipëti la Akötresing, atre amele ni.*
ו [Waw]
O drai, eni a lapa treqe nyipë.
ז [Zayin]
6 Iehova fe, mekune kö la utipine i nyipë me ihnimi nyipici i nyipë,
Tune lo aqane kuca i nyipëti qaan ekö.
ח [Heth]
7 The mekune kö la itre ngazong me itre triang, lo eni a nekö trahmany.
Iehova fe, meku ni ju thenge la ihnimi nyipici i nyipë,
Memine la thiina ka lolo* i nyipë.
ט [Teth]
8 Ka lolo me meköt Iehova.
Celë hi matre nyidrëti a inine la itre atr ka ngazo la gojeny nyine trongën.
י [Yod]
9 Tro nyidrëti a eatrongëne la itre ka ipië ngöne la meköt,*
Nge tro nyidrëti a inine la jë i nyidrë kowe la itre ka ipië.
כ [Kaph]
10 Ame la itre jë i Iehova, ke ihnim* me nyipici
Kowe la itre ka metrötrëne la isisinyikeu i nyidrë me itre hna amekötin.
ל [Lamed]
11 Iehova fe, pine la ëje i nyipë,
Nue pi la ngazong, ngacama atraqatre pi hë ej.
מ [Mem]
12 Drei la atre xoue Iehova?
Tro nyidrëti a ini angeic la gojenyi nyine troa iën.
נ [Nun]
13 Tro angeic a atre la ewekë ka loi,
Nge tro la itre matra i angeic a thapa la nöj.
ס [Samekh]
14 Tro hë la itre ka xoue Iehova a nyi sinee i nyidrë,
Nge tro nyidrëti a amamai angatr la isisinyikeu i nyidrë.
ע [Ayin]
15 Luemekeng pala hi a gala draië koi Iehova,
Ke tro kö nyidrëti a seng la lue cang qa ngöne la ifile.
פ [Pe]
16 Pane ujë jë koi ni, nge kepe ni ju,
Ke eni casi hi, nge pëkö atre xatua ni.
צ [Tsade]
17 Nyimutre la itre akötre ne la hning;
Thepe ni pi qa ngöne la itre xoung.
ר [Resh]
18 Goeën la akötreng me hleuhleung,
Nge nue pi la nöjei ngazong.
19 Goeën la itre ithupëjiang, nyimutre catr angatr
Nge catrehnine catr la aqane methinë ni hnei angatr.
ש [Shin]
20 Thupëne ju la meleng nge amele ni jë.
Ananyi ni pi qa ngöne la hmahma, ke eni a zae thei nyipë.
ת [Taw]
21 Epi thupë ni hnene la thiina ka pë ethan me ka meköt,
Ke eni a mejiune koi nyipë.
22 Akötresieti fe, epi amele* Isaraela jë qa ngöne la nöjei pengöne akötre i angeic.