Salamo
Nyine atrun qaathei Dravita.
א [Aleph]
145 Akötresieti fe Joxung, eni a ajane troa qaja aloinyi nyipë,
Eni a ajane troa atrune la ëje i nyipë epin, epine palua.
ב [Beth]
2 O drai, eni a ajane troa atrunyi nyipë;
Eni a ajane troa atrune la ëje i nyipë epin, epine palua.
ג [Gimel]
3 Ka draië Iehova, nge nyidrëti la ka ijij troa kapa la nyine iatruny;
Ka thatrehmekun* la edraië i nyidrë.
ד [Daleth]
4 Tro la nöjei xötr a atrune la itre huliwa i nyipë;
Tro angatr a ithanatane la itre huliwa ka mene i nyipë.
ה [He]
5 Tro angatr a qaja la elolon memine la esisitriane la mus i nyipë
Nge eni a ajane troa lapa mekune la itre huliwa nyine haine i nyipë.
ו [Waw]
6 Tro angatr a qaja la itre huliwa* hna xouen i nyipë,
Nge eni a ajane troa qaja trongën la edraië i nyipë.
ז [Zayin]
7 Ame la angatr a mekune hmaca la aqane loi thiina* i nyipë, tha tro kö angatr a cil troa atrunyi nyipë,
Nge tro hë angatr a sue madrin pine la emeköti nyipë.
ח [Heth]
8 Akötresie ka itrotrohni lae Iehova, nge ka utipin,
Ka hmitre troa elëhni, nge ka tiqa hnei ihnimi nyipici.
ט [Teth]
9 Ka lolo Iehova kowe la nöjei ewekë asë,
Nge kola mama la utipine i nyidrë ngöne la nöjei huliwa i nyidrë.
י [Yod]
10 Iehova fe, kola atrunyi nyipë hnene la nöjei huliwa i nyipëti asë,
Nge tro la itre hlue i nyipë a atrunyi nyipë.
כ [Kaph]
11 Tro angatr a atrune la elolone la mus i nyipë
Me ithanatane la trengecatre i nyipë,
ל [Lamed]
12 Matre tro la itre atr a atr la itre huliwa ka mene i nyipë
Memine la esisitriane la mus i nyipë.
מ [Mem]
13 Ka epine palua la mus i nyipë,
Nge ngöne la nöjei xotr asë, troa cile hut la mus i nyipë.
ס [Samekh]
14 Iehova a sajuën la itre ka kei
Me amejëne la itre ka wenini.
ע [Ayin]
15 Itre luemeke i angatr asë a xei koi nyipë cememine la mejiun;
Nyipëti a thua i angatr ngöne la nyipi ijin.
פ [Pe]
16 Nyipëti a fe la iwanakoime i nyipë
Nge nyipëti a kapa la aja ne la nöjei ka mel asë.
צ [Tsade]
17 Ka meköti Iehova ngöne la itre huliwa i nyidrë
Nge ka nyipici nyidrë ngöne la itre hnei nyidrëti hna kuca.
ק [Qoph]
18 Tha nanyi kö Iehova qaathene la itre ka hë nyidrë,
Itre ka hë nyidrë memine la nyipici.
ר [Resh]
19 Nyidrëti a kapa la itre aja ne la itre ka xoue nyidrë;
Drenge hi nyidrëti la itre xëwe i angatr, nge nyidrëti a amele angatr.
ש [Shin]
20 Iehova a thupën la itre ka hnimi nyidrë,
Ngo tro nyidrëti a apatrene la nöjei atr ka ngazo.
ת [Taw]
21 Tro la qëng a qaja la nyine atrunyi Iehova;
Epi tro la nöjei ka mel* asë a atrune la ëje ka hmitrötr i nyidrë, epin, epine palua.