Salamo
Qaathei Dravita.
27 Iehova la laing me iameleng.*
Tro ni a xoue drei?
Iehova a ekögölithe la meleng.
Hnei drei matre tro ni a hmengöhmengön?
2 Ame lo kola cile koi ni hnene la itre atr ka ngazo, matre öni la ijöneng,
Ke itre ka icilekeu me eni me itre ithupëjiang la hna walin me akein.
3 Maine tro la ketre trongene isi a lapa xötreithi ni,
Tha tro kö la hning a xou.
Maine traqa ju hë la ketre isi koi ni,
Tro pala kö ni a mejiun.
4 Casi hi la sipong koi Iehova, nge tro pala kö ni a thele lai
Ene la troa lapa ngöne la uma i Iehova
E nöjei drai ne mele ni,
Matre goeëne la emingömingö i Iehova
Me haine la uma ne hmi i nyidrë.
5 Ke ngöne la ijine ngazo, tro nyidrëti a juetrë ni ngöne la gaa xeut;
Tro nyidrëti a juetrë ni ngöne la gaa sihngödr hnine la itate i nyidrë;
Tro nyidrëti a ati ni hune la git.
6 Ame enehila, draië kö la heng hune la itre ithupëjia ka kanothi ni;
Eni a ajane troa tro fë huuj hnine la itate i nyidrë cememine la madrin;
Eni a pi nyima* me atrunyi Iehova.
7 Pane drei ni ju Iehova fe, la eni a sue;
Pane kepe ni jë nge sa jë koi ni.
8 Hnene la hning hna amekunëne la hnei nyipëti hna amekötine ka hape:
“Thele jë la qëmekeng.”
Iehova fe, tro kö ni a thele la qëmeke i nyipë.
9 The juetrëne kö koi ni la qëmeke i nyipë.*
The nuetrije kö la hlue i nyipë ngöne la nyipëti a elëhni.
Nyipëti la atre amele ni;
Akötresinge fe, atre amele* ni, the nuaxöji ni kö me nuetriji ni.
10 Maine tro kaka me nenë a nuetriji ni,
Tro kö Iehova a xöle kapa ni.
11 Iehova fe, ini ni jë la jë i nyipë,
Nge eatrongë ni jë ngöne la gojenyi ka meköt, pine la itre ithupëjiang.
12 The nue ni kö kowe la itre ithupëjiang,
Ke kola cile koi ni la itre ka anyipicine thoi,
Nge angatre fe a thele troa akötrë ni.
14 Mejiune jë koi Iehova;
Catre pi nge hni ne trahmanyi jë.
Eje hi, mejiune jë koi Iehova.