Salamo

 2 Eje xötreithi nyidrë la itre iaw me itre gaa miti catr;

Ame la trepene la therone i nyidrë, ke meköt me thiina ka meköt.

 3 Eë a tro qëmekei nyidrë

Me dreuthetrij la itre ithupëjia me nyidrë ka lapa xötreith.

 4 Kola thinan la nöj hnene la itre sameke i nyidrë;

Kola öhn hnene la fen me hmengöhmengön.

 5 Kola hmu la itre wetr qëmekei Iehova tune la sir,

Qëmekene la Joxu ne la fene hnengödrai.

 6 Kola atrune la meköt i nyidrë hnene la itre hnengödrai,

Nge kola öhne la lolo i nyidrë hnene la nöjei nöj.

 7 Loi e troa hmahma hnene la itre ka nyihluene la itre hnasaatr,

Me itre ka selëne la itre haze i angatr ka pë pengön.

 8 Drenge hë Ziona, nge ej a madrin;

Kola elitrauj hnei madrin hnene la itre traon* ne Iudra

Pine la itre hna amekötin hnei nyipë Iehova.

 9 Ke ame nyipëti Iehova fe, Ka Draië Catre kö nyipë hune la fene hnengödrai asë;

Sisitria catre kö nyipëti hune la itre haze asë.

Ke nyidrëti a thupëne la mele ne la itre ka mele nyipici koi nyidrë;

Nyidrëti a thepe angatr qa ngöne la ime* ne la itre atr ka ngazo.

11 Hna traqa la lai thatraqane la atr ka meköt

Memine la madrin kowe la itre hni ka meköt.

12 Epuni fe itre ka meköt, madrine jë koi Iehova,

Nge atrune jë la ëje i nyidrëti ka hmitrötr.*