Salamo
Thatraqane la atre jumi traem. Salamo i Dravita.
21 Iehova fe, joxu a madrine la trengecatre i nyipë;
Drei jë kö la madrine i angeic kowe la itre huliwa ne iamele i nyipë!
2 Hnei nyipëti hna kapa la aja ne la hni i angeic,
Nge tha hnei nyipëti kö hna cipan la sipo ne la ukeineqë i angeic. (Sela)
3 Ke nyipëti a traqa koi angeic memine la itre manathithi ka nyimutre;
Nyipëti a atë hune la he i angeic la korona hna kuca hnei nyipi gool.*
4 Hnei angeic hna sipone la mel koi nyipë,
Nge mel aqeany* la hnei nyipëti hna hamën, lo mele ka epin, epine palua.
5 Nyipëti a atrunyi angeic hnene la itre huliwa ne iamele i nyipë.
Nyipëti a hamë angeic la elolon me emingömingön.
6 Nyipëti a ië angeic matre kepe manathith uti hë epine palua;
Nyipëti a amadrinë angeic hnene la madrin ka eje thei nyipë.*
7 Ke kola mejiune la joxu koi Iehova;
Pine la ihnimi nyipici ne la Ka Draië Catr, tha tro pi kö angeic a kei.*
8 Tro kö la ime i nyipëti a öhne la itre ithupëjia me nyipë;
Tro la ime maca i nyipëti a öhne la itre ka methinë nyipë.
9 Ame ngöne la ijin hnei nyipëti hna sa troa waipengöi angatr, tro hë angatr a tune la hu eë.
Tro Iehova a apatrenyi angatr ngöne la elëhni i nyidrë, nge tro la ketre eë a dreuthetriji angatr.
10 Tro nyipëti a apatrene la itre matra* i angatr qa la fen,
Me qaathene la itre nekö i atr.
11 Ke hnei angatr hna thele troa icilekeu me nyipë;
Tha tro kö a eatr la itre nyinyithiina i angatr.
13 Iehova fe, mejë jë, nge amamane jë la trengecatre i nyipë.
Aja huni troa atrune la trengecatre i nyipë hnene la itre nyima.*