Salamo

115 Tha koi huni kö Iehova fe, waea, tha koi huni kö,*

Ngo atrune jë pe la ëje i nyipë

Pine la thiina ka loi* i nyipë, memine la aqane mele nyipici i nyipë.

 3 Akötresi hun e koho hnengödrai;

Ame asë hi la hnei nyidrëti hna ajan, nyidrëti a kuca.

 4 Hna kuca hnei sileva me gool la itre idrola i angatr,

Nge hna xupe hnei atr.

 5 Hetre ineqë i angatr, ngo tha ewekë pe;

Hetre luemeke i angatr, ngo tha öhne pe;

 6 Hetre hnangenyë i angatr, ngo tha drenge pe;

Hetre hnafij, ngo tha drenge pe la punepun;

 7 Hetre iwanakoime i angatr, ngo thatreine pe ketr;

Hetre iwaca, ngo thatreine pe tro,

Goi pë fe mejene la nyinawa i angatr.

 8 Tro ha tui angatr hnene la itre ka xupi angatr,

Ketre tune fe kowe la itre ka mejiun koi angatr.

 9 Isaraela fe, mejiune ju koi Iehova

Nyidrëti la ixatua me petre i angatr.

10 Lapa i Arona fe, mejiune ju koi Iehova

Nyidrëti la ixatua me petre i angatr.

11 Angetre xoue Iehova fe, mejiune ju koi Iehova

Nyidrëti la ixatua me petre i angatr.

12 Iehova a meku së, nge tro nyidrëti a amanathithin;

Tro nyidrëti a amanathithine la lapa i Isaraela;

Tro nyidrëti a amanathithine la lapa i Arona.

13 Tro nyidrëti a amanathithine la angetre xoue Iehova,

Itre ka co me ka tru.

14 Tro hë Iehova a akökötrene la lapa i epun,

Epun memine la itre nekö* i epun.

15 Manathithi hë epun hnei Iehova,

Lo Atre Xupe la hnengödrai me ihnadro.

16 Ewekë i Iehova la hnengödrai,

Ngo ame la ihnadro, hnei nyidrëti hna hamën kowe la itre nekö i atr.

17 Tha itre ka meci kö la ka atrunyi Ia;

Ketre tune mina fe la itre ka ut kowe la gaa pë mejene la mec.

18 Ngo ame hun, eahuni a ajan troa atrunyi Ia

Qaane enehila nge uti hë epine palua.