Salamo

Atrunyi Iehova jë qa hnengödrai;

Atrunyi nyidrëti jë ngöne la itre gaa draië.

 4 Atrunyi nyidrëti jë, itre hnengödrai ka draië catr

Me epuni asë itre tim e caha hune la itre hnengödrai.*

 5 Loi e tro angatr asë a atrune la ëje i Iehova,

Ke nyidrëti la ka iup troa xupi angatr.

 6 Nyidrëti a acile huti angatr ngöne itre göhne i angatr epin, epine palua;

Hnei nyidrëti hna acil la ketre wathebo ka pë pun.

 7 Atrunyi Iehova jë qa la fen, epun itre öni ka tru ne hnagejë,

Me itre gaa jui,

 8 Me itre samek, me wene mani ka catr, me kiona, me itre iaw ka hmekön,

Me epun itre wene, itre ka eatrëne la trengewekë i nyidrë,

 9 Me itre wetr, me epuni asë itre sasala,

Me itre sinöe ka wa wen, me epuni asë itre sinöe arasi,

10 Me epuni asë itre öni wael, me itre öni ka mem,

Me itre öni ka wewë, me itre waco,

11 Me itre joxu ne la fen, me epun nöjei nöj asë,

Me itre he ne nöj, me epuni asë itre atre iameköti ne la fen,

12 Me itre nekö trahmany, me nekö jajiny,*

Itre qatr, me itre nekönatr.

13 Loi e tro angatr asë a atrune la ëje i Iehova,

Ke ka thatrehmekune la edraiën la ëje i nyidrë.

14 Tro hë nyidrëti a akökötrene la trengecatrene* la nöje i nyidrë,

Nge tro nyidrëti a kuca matre troa qaja atrune la itre hlue i nyidrë,

Ene lo itre nekö i Isaraela, lo nöj ka easenyi koi nyidrë.