Salamo
Thatraqane la atre jumi traem. Salamo i Dravita.
14 Itre atr ka hmo* a qaja e kuhu hni i angatr ka hape:
“Pëkö Iehova.”
Matre ka tria la itre huliwa i angatr nge ka sis la aqane ujë i angatr;
Pëkö ala cas ka kuca la loi.
2 Ngo qa hnengödrai, Iehova a goeën la itre nekö i atr
Matre wang ka hape, hetre atre kö ka inamacan nge ka thele Iehova.
3 Nanyi hë angatr qa ngöne la gojenyi ka meköt;
Ka qali thiina asë hi angatr.
Pëkö ca ka kuca la loi,
Pëkö ala cas.
4 Hetre atre iakötrë kö ka trotrohnin?
Angatr a öni la nöjeng tune la angatr a xeni falawa.
Tha angatre kö a hë Iehova.
5 Ngo tro hë angatr a meci hnei xou,
Ke ce Iehova memine la xötre atr ka meköt.
6 Ame epun, itre ka kuca la ngazo, epuni a thel troa atriane la itre mekuna ne la ka co,
Ngo Iehova la hnë zae i angeic.
7 Ekölöhini, epi traqa pi qa Ziona la iamele* i Isaraela!
Ngöne la ijine tro Iehova a bëeke fë la itre atre i nyidrë qa ngöne la nöje trenyiwa,
Epi tro Iakobo a madrin, nge tro Isaraela a elitrauj hnei madrin.