Salamo
Thatraqane la atre jumi traem. Salamo i Dravita.
19 Itre hnengödrai a atrune la lolo i Akötresie;
Itre ej a amamane la huliwa ne la lue ime i nyidrë.
2 O drai, kola mama la aqane ewekë i angatr,
Nge e nöjei jidr, angatr a qaja amamane la atrehmekune i nyidrë.
3 Tha hnei itre trengewekë kö, nge tha hnei itre ithanata kö;
Tha drenge kö së la itre nine i angatr.
4 Ngo ame e cailo fen, drenge hi së la meje i angatr,*
Nge uti hë la itre cane la ihnadro,* la maca i angatr.
E hnengödrai, hnei Akötresieti hna acil la itat thatraqane la jö;
5 Ceitun ej memine la nekö trahmany ka xötrei faipoipo ka tro qa ngöne la hnahage i angeic;
Ej a madrin tune la atr ka catr nge ka nyinyapëne la gojeny.
6 Ej a fetra qa ngöne la ketre cane la hnengödrai,
Me kano uti hë la ketre can;
Nge pëkö ka atreine neën la idreuthin ej.
7 Ka pexeje la itre wathebo i Iehova, nge kola aegöcatrene la atr.
Ijije hi troa mejiun kowe la itre hna amexej* hnei Iehova, ke itre ej a ainamacanëne la atr ka thatrein.
8 Ka meköt la itre hna amekötine hnei Iehova, kola amadrinëne la itre hni;
Ka pexeje la itre hna ahnith hnei Iehova, kola alaine la luemek.
9 Ka pexej la troa xoue* Iehova, nge ka cile hut epine palua.
Ka nyipici la itre hna amekötin hnei Iehova, nge ka meköti asë itre ej.
10 Sisitria kö itre ej hune la gool me nyipi gool* ka nyimutre,
Nge hnyapa kö itre ej hune la miel,
Lo miel ka neni.
11 Hna hmekëne la hlue i nyipë hnene la itre hna amekötin;
Manathithi ka tru la troa metrötrëne itre ej.
12 Ke drei la ka atreine trotrohnine la itre tria?
Haawe, epi tha tro kö nyipëti a e la itre ngazo hnenge hna kuca thatren.
13 Nge epi tro nyipëti a ananyine la hlue i nyipë qa ngöne la itre huliwa ka pi tru;
Epi tha tro kö itre ej a musinë ni.
Nge tro hë ni a pexej,
Me wië qa ngöne la itre ngazo atraqatr.*
14 Iehova fe, Giting me Atre Itö Meleng
Epi tro la itre hna qaja hnene la qëng me itre mekuna ne la hning a amadrinë nyipë.