Itre Edromë
9 Hnene la nyipi inamacan hna xupi uma i angeic;
Hnei angeic hna tratraune la 7 lao ikapa.
3 Hnene la inamacan hna upe la itre hlu
Kowe la itre gaa draië ne la traon, matre tro angatr a suen ka hape:
4 “Epun itre ka majemin kapa asë la hna qaja, lö jë.”
Angeic a qaja kowe la itre ka pë wangatrehmekun* ka hape:
5 “Trohemi ma xeni la falawang
Me ij la waina hnenge hna ithuenyikön.
6 Loi ju hë hna kapa la nöjei hna qaja,* matre mele pi epun;
Tro jë ngöne la gojenyi ne la trotrohnin.”
7 Ame la atr ka amekötine la ka ihnyimasai, ke tro ha methinë angeic,
Nge ame la atr ka hajine la ka iakötrë, ke tro angeic a akötr.
8 The hajine kö la ka ihnyimasai, wanga tro angeic a xele ma wai ö.
Hajine jë pe la ka inamacan, nge tro angeic a hnimi ö.
9 Ce thawa jë memine la ka inamacan, nge tro angeic a inamacane catr.
Inine jë la atr ka meköt, nge tro angeic a akökötren la atreine i angeic.
10 Ame la troa xoue Iehova, ke qaane la inamacan,
Nge ame la troa atre la Ka Nyipi Hmitrötr, ke celë hi trotrohnin.
11 Ke jëne la inamacan, tro ha nyimutre la itre drai i ö,
Nge tro ha nyixane la itre macatre ne mel eö.
12 Maine tro eö a inamacan, eö kö la ka troa kepe thangan,
Ngo maine tro eö a ihnyimasai, eö kö la ka troa xeni pun.
13 Ame la föe hmo, ke ka nyi mejen.
Ketre föe ka thatre koilo nge pëkö ca hna atre.
14 Angeic a lapa ngöne la qene qëhnelö ne la uma i angeic
Hune la ketre icea, ngöne la itre gaa draië ne la traon,
15 Me sue kowe la itre ka tro,
Kowe la itre ka tro meköt qëmekei angatr:
16 “Epun itre ka majemin kapa asë la hna qaja, lö jë.”
Angeic a qaja kowe la itre ka pë wangatrehmekun* ka hape:
17 “Ka menyike la tim hne së hna atrekënö,
Nge ka hnyapa la xen hne së hna xeni juetrë.”