Salamo
Thatraqane la atre jumi traem. Salamo ne la itre nekö i Kora.
85 Iehova fe, hnei nyipëti hna kapa la nöje i nyipë;
Hnei nyipëti hna bëeke fë la itre nekö i Iakobo hna kötre fë.
2 Hnei nyipëti hna nue* la ngazo ne la nöje i nyipë;
Hnei nyipëti hna köletrij la nöjei ngazo i angatr. (Sela)
3 Hnei nyipëti hna xomihnine la trenge hni i nyipë;
Hnei nyipëti hna xomehnöthe la trenge elëhni i nyipë.
4 Akötresie atre amele huni fe, amejë huni pi,*
Nge nuetrije pi la wesitre i nyipëti koi hun.
5 Hapeu, tro kö nyipëti a elëhni koi hun uti hë epine palua?
Nge tro pala kö nyipëti a aqean la elëhni i nyipëti kowe la nöjei xötr?
6 Hapeu, tha tro kö nyipëti a amele hun
Matre tro la nöje i nyipë a madrin göi nyipë?
7 Iehova fe, amamane jë koi huni la ihnimi nyipici i nyipë,
Nge hamë huni pi la iamele* i nyipë.
8 Pi tro ni a dreng la hna qaja hnei Iehova lo nyipi Akötresie,
Ke tro nyidrëti a qeje tingeting kowe la nöje i nyidrë, me kowe la itre ka mele nyipici koi nyidrë,
Ngo tha tro kö angatr a mejiune koi angatre kö.
9 Eje hi, tha nanyi kö la iamele hnei nyidrëti hna traqa fë kowe la itre ka xoue nyidrë,
Matre tro la lolo i nyidrë a lapan la nöje së.
11 Troa cia la nyipici qa celë fen,
Nge tro la meköt a goeëne qa hnengödrai.
12 Nyipici, tro Iehova a hamëne la loi,*
Nge tro la ihnadro së a hamë xen.
13 Tro la meköt a tro qëmekei nyidrë
Me siji gojeny thatraqane la lue ca i nyidrë.