Salamo

5 Iehova fe, drenge ju la itre trengewekëng;

Wangatrune ju la aweng.

 2 Akötresinge fe nge Joxung, epi drei ni hnei nyipë ngöne la eni a sipo ixatua,

Ke nyipëti la hnenge hna thithi kow.

 3 Iehova fe, e hmakany tro nyipëti a dreng la aqane ewekëng;

E hmahmakany, tro ni a qaja koi nyipë la hnenge hna hnehengazon, me lapa treqene tro nyipëti a sa.

 4 Ke tha Akötresieti ka madrin kö nyipë kowe la ngazo;

Thatreine kö la atr ka ngazo troa lapa thei nyipë.

Ke methi nyipëti la itre atr ka ngazo thiina;

 6 Tro nyipëti a humuth la itre atr ka thoi.

 7 Ngo ame ni, tro ni a lö hnine la uma i nyipë pine la ejuine la ihnimi nyipici i nyipë;

Tro ni a thil ipië kowe la uma ka hmitrötre* i nyipë, ke tru la metrötreng* koi nyipë.

 8 Iehova fe, iuji ni jë ngöne la meköt i nyipë, pine la itre ithupëjiang;

Xatua ni jë troa tro ngöne la jë i nyipë, matre tha tro kö ni a kei.

 9 Ke pëkö nyipici ngöne la që i angatr;

Ngazo casi hi la ka hetrenyi thei angatr;

Ame la itre nyinawa i angatr, kösë hua hna fe angangan;

Angatr a iaö memine la itre thineme i angatr.*

10 Ngo tro kö Iehova a upezö angatr;

Tro angatr a kei hnene la itre huliwa i angatr ka thoi.

Loi e troa helë angatr pine la itre ngazo i angatr ka nyimutre,

Ke hnei angatr hna icilekeu me nyipë.

11 Ngo tro ha madrine la itre ka zae thei nyipë;

Tro pala kö angatr a sue madrin.

Tro nyipëti a ekögölithi* angatr,

Me thue madrin kowe la itre ka hnime la ëje i nyipë.

12 Iehova fe, eje hi, tro nyipëti a amanathithin la itre ka meköt;

Tro nyipëti a kepe angatr, me thupë angatr, kösë petr atraqatr.