Itre Hna Amekötiin
◼ Nyine troa trofë trongën e treu febuare: “Vous pouvez vivre éternellement sur une terre qui deviendra un paradis” 400 F la thupene la (itusi katru) nge 200 F la (itusi kaco). Maac: “La Révélation — Le grand dénouement est proche!” ame la thupene ke 400 F. Eiperem me mei: troa abone la “Tour de Garde” 1 000 F la thupen.
◼ Tro la seketere memine la atre thupëne la huliwa ne cainöje trotro, a ce wang la hna huliwa hnene la itre pionie lapa. Maine nango hetre jole thei itre xane troa kuca la itre hawa i angatr, ke tupathe ju troa ce huliwa me xatua angatr. Ame göi aqane troa ixatua, ke wange ju lo lai tusi Sasaiatri (S-201) ne waane diseba 1992 me waane okotropa 1991. Ketre, wange ju fe la sine trongene lo “Ministère du Royaume” ne Semitrepa 1986 ngöne paragarafe 12 utihë 20.
◼ Troa kuca lo drai nyine Amekunën, e Maredi 6 Eiperem 1993. Hna tune palahi laka, troa canga nyiqaane hnei ketre cainöj, ngo ame göi troa xome la areto, ke tha tro kö a trofë lai, nge tha lö pala kö la jö. Hatrengëne ju lai meteo matre atre la hawa ne troa lö la jö. Pëkö xa icasikeu hna troa kuca ngöne la ijine cili, ngo maine epuni a ajane troa cainöje trotro, ke kaloi hi. Maine Ekalesia i epuni a lapa icasikeu e itre Maredi, ke ce wange ju matre hnene pena e ketre drai ngöne la wiik; ketre tune fe maine pëkö jole ngöne la uma ne Baselaia. Maine hna apëne la icasikeu ne inine cainöje trotro, ke troa xome la itre mekune ka ijije kowe la Ekalesia ngöne la icasikeu cili, troa amë pena ngöne la ketre icasikeu ne Inine cainöje trotro, ngöne la wiike thupen. Ame göi itre Ekalesia hna xöje hnene la atre thupëne la Sirkoskripsio ke tro angatr’a kuca la icasikeu ne inine cainöje trotro e ketre ijine pena.
◼ Ame la itretre cainöje ka mekune troa pionie ka ixatua ngöne la treu maaci me treu eiperem, ke canga hnëkë jë me canga nyialiene ju lai pepa ne sipon. Celë hi matre hmaloi kowe la atrekë hnëqane lai, troa hnëkë hnyawa göi aqane me ijine troa cainöje trotro, me göi troa canga xome pe itre itusi nyine troa trofë trongën.
◼ Itre itusi hna xötrei kapa:
Qene faraas: “Louons Jehovah par nos chant” (aqane cinyihane katru; itre treng’ewekëne hmekuje hi). “Calendrier 1993, scrutons 1993”.