Wange Kö Së La Ihnimi Menu
1 Ame la itre hlue i Iehova, ke, hna atrehmekunyi angatre pine la thina ka loi, ene la ihnimi me ka hame catr. Hnei angatre palahi hna amamane qangöne la aqane hamë mo, laka angatr’a xötrethenge la thina ne lo atre Samaria ka tru ihnimin, lo hna qaja hnei Iesu ngöne la ketre ceitune i nyidrë ka ketri së. Ngo ame pe tha tro kö së a thue jëne la itre ka iaö, tha nyine tro kö a xatuane, wanga xanadron’angatre la ihnimi së. Celë matre ame la nyipi ihnim, ke, hna hneatrepen’eje ngöne la “wangatrehmekune me trotrohnin’asë” — Fil. 1:9.
2 Hnine la Ekalesia: Ketre ceitun, memine la itre ka qaja agöne ka hape pëkö huliwa i angatr, maine kolo pena a nyikepine matre hë ixatua. Ame itre xaa ijin, ke, itre atr lai, tha ka nyipi thele huliwa kö, ngo ame hi lai nyipi kepin, ke angatr’a thele jëne troa mele trootro thei itre xan. Hna amekötine kowe la itre atr cili la trenge ewekë ka meköle ngöne la tusi Paulo kola hape “Maine xele kö la ketre ma hane huliwa, hawe, tha tro kö angeic’a hane xen?” — 2 Thes. 3:10.
3 “Ame la ijine memine la ewekë ka xulu”, ke, thatraqai së asë. Maine ka pë ewekë së, nge pëkö the së “la xeni ka ijij”; the kukehninekö së, ke, tro Iehova a hamëne lai koi angetre hni koi nyidrë me ange ka kuca la aja i Nyidrë. (Ate Cain. 9:11; Mata. 6:11, 31, 32) Qangöne lai, tro la atr nyine xatuane a mekune hnyawa maine ijije troa wai ketre qatre thup, matre maine jë atre hi angatre la aqane sa la itre hnyinge ngöne lai pepa ne sipo ixatua, nge tro fe angatr’a ithuemacanyi angeice la itre jëne ixatua ka ijij koi angeice troa hane kapa. Ame la itre götrane cili, nyipi ewekë kowe la itre qatre thup troa trotrohnine hnyawa la pengöne la nöjei ka sipo ixatua matre wangatrehmekune la itre ewekë ka ijije troa kuca. — goeëne ju la 1 Timoteo 5:3-16.
4 Itretre iaö trootro: Nyimu ithumacanyi hë hna kapa hnei sasaiatri, kola qejepengöne la itre ewekë ka traqa kowe la itre xaa atr ne la ekalesia. Hna xomënön la itre trenge mani i angatre me itre loi i angatre hnene la itre ka “iaö trootro”. Tha tro kö së a sesëkötr, pine laka ase hë la itre hna cinyihane thuemacanyi së ka hape: “Ngo ame la nöjei atre thina ka ngazo, me itretre iaö, tro palahi angatr’a ngazo, kola amenun, me hna amenu.” (2 Tim. 3:13) Hna majemine hnene la itretre iaö, tro palahi a xëwe fë la pë mo, ke, kola aja mani me nyine xeni me göi pasesi ne bëeke koi hlapa. Alanyimu catre la itre ka nyinyithina tune lai, tha angetre anyipici Iehova kö. Itre atr kösë thina ka nyipici, ngo itretre catre iaö pe.
5 E sipo ixatua jë hnene la ketre atr hne së hna thatre, loi e troa wange la ketre qatre thup ne la ekalesia, ke, ijiji nyidrë troa atre hnyawa ka hape trejine kö me easë lai atr cili. Hna amekötine lo ka hape, troa telefone kowe la itre qatrethup ne la ekalesia hnei angeice hna traqa qangöne, matre troa ithuemacanyine la pengöne lai atr. Nyipici, maine hetre trejine me easë, trahmanyi maine föe hna ketr hnene la itre götrane ka jole celë, loi pe e troa trotrohnine hnyawa laka ame la itre aqane wai ewekë celë, ke, nyine ekögölithi së asë. Ketre, maine tro së a kapa la itre hna amekötine celë, aqane tro së lai a huletrije lo nyine juetrë ialameke ne lo itretre iaö.
6 Hna qaja hnei Solomona, joxu ka inamancane ka hape: “The cipane kö la loi e atre kë ewekën, e atrein’eö troa kuca.” (Ite Edom. 3:27) E atreine hë së wai ewekë, ke, hatrene wangatrehmekune lai, ngo loi e tro palahi së a itre atr trene ihnim, ngo thupëne pe laka, tha tro kö a ihnimi menu.