Easenyi Hë Matre Lö Hmaca Jë Troa Ini

¹ Ngöne la treu Maac, ke, tro la itre nekö së thöthi a xejë la ketre macatre ne ini ka hnyipixe. Ejehi laka, nyimutre la itre ewekë ka loi nyine troa canga hnëkën, ngo ketre hetrenyi fe itre hna xouen. Alanyimu la itre thöthi ka troa iöhnyi memine la itre xaa ka ini pena ha, maine ka troa kuca la itre qa ka hnyipixe pena, maine troa ce mele memine la itre xaa hna inine hnei angatre hna thatre. Ejehi laka, nyipi ewekë tro la itre nekö së thöthi a ce huliwa memine la angetre amekötiine ngöne la hna ini, me iloi memine la itre sinee ini angatr, ngo troa thupën, ke, akeinyi angatre pi hnene la thina ka ngazo.​—⁠1 Kor. 15:⁠33.

² Ame la nyipi ewekë kowe la itre nekönatre maine thöth neköi temoë, ke, ene la troa iananyi memine la thelecine la fen, ka hamëne la itre aqane ini ka isazikeu ngöne la itre götrane ne la fene enehila. Loi e tro la itre keresiano thöthi maine ka nango tru hë a catre troa kötrene la itre aqane mekune ne la fen, me atre laka itre ewekë lai enehila ka troa akökötrene la itre jole ngöne la aqane mel, celëhi matre loi e tro angatr’a ‘thupë’ angatre kö, ene la troa xomi meköti hnine la wesiula i Iehova me nu’eje troa eatrongë angatr. (Sal. 119:⁠9) Ketre, nyipi ewekë tro la itre keme me thine ka nango kukehnin, a thelejëne troa atre la porogarame ne la hna ini matre troa hamëne la ixatua ka ijije kowe la itre neköi angatr. Qa ngöne lai, loi e troa thipe trije la itre ewekë hna qaja hnine la hna ini maine e kuhu tröne pena, ka icilekeu memine la thiina ka hmitrötre memine la thiina ka wië hna ajane thene la itretre nyihluei Iehova.​—⁠1 Pet. 1:​15, 16.

³ Nyimutre la itre jole hna majemine qëmeke kow hnene la itre ka ini; maine itre feet nyine troa atrunyi nöj, itre feet ngöne ijine vakaas, itre elo, maine ce elo. Hna hamëne hnene la Boroshüre L’école et les Témoins de Jéhovah la ketre ixatua ka tru kowe la itre keresiano thöth, matre troa cile kowe la itre ewekë cili. Troa cile kow, maine xomacone pena la itre jole cili, e tro la itre keme me thine ne la itre nekōnatre ka co catre a amamane kowe la itre atre ini la ca boroshūr thatraqai angatr. Loi e tro angatr’a qejepengöne ka hape, troa ketre ixatua kowe la ka ini matre tro angeic’a trotrohniine la kepine matre tha hane kö sine la itre xaa hna amekötine ngöne la hna ini. Eje hi laka e hne së hna xötrethenge la aqane ujë celë kowe la ka ini, ke, tro hë angeic’a atreine ce huliwa me easë.

⁴ Ketre, loi e tro la itre keresiano ka ini a hetrenyi hnine la itre watrenge ne qatrei ewekë ne ini angatre la ca boroshür L’école. Pine laka, hetre itre ijine ka ijije hna hamëne kowe la atre anyipiciine troa sa la itre hnyinge ne la itre xaa hna inin, kola ajane troa atre la itre hne së hna hmi kow. Ketre, tro la atre anyipicine nekönatr’a ketre xome thei angeice la itre karte hna hape Instruc­tions médicales/Décharge, maine karte d’Identité ka hnyipixe, nge troa nyialiene hnyawa me sija itr’eje hnene la itre ka troa anyipiciin, nge tha tro kö a thëthëhmine troa siji ej. Eje hi laka ame la itre ka xötrethenge la itre ixatua celë, ke, tro hë angatr’a ceitu memine la ‘atre maca mek, te, kola goeëne la ngazo, me za; ngo itre wangadrapa kö a tro, nge hetre thupenë hë.’​—⁠Itre Edo. 22:⁠3.