Thelejëne Jë Tro Palahi a Cainöje Hnyawa

¹ Tro la huliwa ne cainöje trootro enehila a sisitria catre hune la itre drai ka ase hë. Tro la atr a mele palahi, maine tro pena angeic’a meci qa ngöne la aqane ujë i angeic, hna kapa maine hna trije la maca ka loi. (1 Pet. 4:​5, 6, 17; Hna Ama. 14:​6, 7) Celëhi matre nyipiewekë catre la tro së palahi a thele troa trofë hnyawa la huliwa ne cainöje trootro. Nemene la nyine tro së a kuca ka ijij?

² Loi e tro së a hnëkë hnyawa: Tro së a iëne qa ngöne la Huliwa ne Baselaia ne la treu celë la ketre aqane nyiqaane cainöje troo­tro hna pi troa drenge hnene la itre atr ka mele ngöne la götrane së, hawe, loi e tro së a atreine qaja la itre ithahnata hmekune la aqane mele i angatr. Maine pena ma ka maca kö koi së e troa nyiqaane la cainöje së hnene la itre mekun, me itre xötre ne la Tusi Hmitrötre hne së hna sipu hnëkën. Loi e tro la aqane tro së a nyiqaane ithahnata a ahlëne la aja ne la itre atr troa drenge la maca ka loi. (Wange ju la itus Comment raisonner, götrane 9-15) Mai­ne jë, hetre itre hna majane ka traqa ngöne la götrane i angatr, loi e tro së a hnyingëne la mekune i angatre kowe la itre ewekë cili, maine pena la hna mekune hnene la itre atr ne la hunahmi angatr. E hetre aqane nyiqaane cainöje hne së hna hnehene hnyawaan, loi e tro së a amacaane memine la ketre atr ne la hnalapa së, maine ketre ka cainöje trootro ka atreine troa xatua së.

³ Thelejëne jë troa ithahnata memine la itre atr: Ame la ka nyipiewekë catre kowe la mele së, ke, ene la troa trofë trongëne la maca ka sisitria. Tro së lai a traqa kowe la aliene la huliwa së, e tro së a ithahnataane la itre nyipi mekune. Maine kola isi memine la mekune së hnene la atr hne së hna porotrike memin, nge maine hetre sipu mekune i nyidrëti kö, ke, loi e tro së a pane drei nyidrë hnyawa. Qa ngöne lai, ijije tro së a hamëne la itre mekene tusi ka troa sa hmekun, me thuejë së troa ithahnataa­ne la mejiune hne së hna lapafë. (1 Pet. 3:15) E maine tha ihmeku kö la mekune i nyidrë memine la hnei Tusi Hmitrötre hna qaja, ke, qaja ju ka hape: “Alanyimu la itre atr ka mekune tui nyipë. Ngo hetre ketre aqane troa waipengöne la mekune cili.” Thupene lai, e jë la ketre xötre ne tusi ka sa hmekune lai mekune hna ithahnataan, thupene lai hnyingë nyidrëti jë la mekune i nyidrë.

⁴ Loi e troa anunuene la porogarame së: Maine loi la aqane hnëkë së, ngo pëkö hne së hna ithahnata memin, ke, ka gufa la huliwa së. Ame enehila, nyimu ijine tha öhne kö së la itre atr ngöne la itre hnalapa, lo itre ijine easë a cainöje trootro. Maine pengöne hi la terito­are së lai, hnauëne laka tha sazene pena kö la porogarame së matre troa wange la ijine ka ijije troa öhne la itre atr ngöne la itre hnalapa i angatr. Maine jë, easë a mekune laka, ame e mecixeni me sabath, ke, itre ijine hi lai ka ijije troa vizitëne la itre atr; ame itre xan, ke, ijije tro së a öhnyi angatre ngöne la wiik, e itre hej. Ame ngöne la itre xaa teritoar, ke, itretre cainöje trootro a wange la itre atr e ijine pë huliwa, pine laka angatr’a lapa hnalapa. Hna öhne laka, ame ngöne la itre dai cili, ke, hetre madrine ne la itre atr, nge angatr’a kepe së hnyawa. Hawe, celëhi matre loi e tro palahi a maca la aqane tro së a nyiqaane ithahnata, nge tro la itre mekune hne së hna ithahnataa­ne a nyijë së matre troa porotrikëne la ketre taane mekune qa hnine la Tusi Hmitrötr.

⁵ Nyine xatua së troa wange ka hape loi kö la itre aqane trofë maca së: Thupene la ketre qëhnelö, loi e tro së isa hnyinge ka hape: ‘Hnenge kö hna ketr la hni ne la atr? Hnenge kö hna upi angeice troa qaja amamane la mekune i angeic, nge hnenge kö hna drei angeic? Maca kö la aqane sange la hnying? Ame ngöne la ijine cili, ke, loi kö la aqane ithahnatange memine la atr?’ Loi fe tro së a hane cainöje trootro me ketre atre cainöje ka atrein, e itre xaa ijin, maine ketre pionie, matre tro së a hane drenge la itre aqane trofë i angeice ka ijije troa xatua së troa maca la aqane cainöj.

⁶ E maine ka maca së ngöne la huliwa së, ke, atreine së troa hane iqajakeune la itre nyipici ne la Baselaia ka troa aijijë së troa “amele së kö, me angate fe hna dei’së.”​—⁠1 Tim. 4:⁠16; Ite Edom. 22:29.