Itre Hna Amekötiin

◼ Itre itusi nyine troa trofë e treu Januare: L’humanité à la recherche de Dieu, 400 F. la thupen. Febuare: Vous pouvez vivre éternellement sur une terre qui deviendra un paradis, göi 200 F. la thupen (itusi ka co), maine pena 400 F. la thupen (itusi ka tru). Loi e tro së a bëeke hmaca troa wange la itre ka kapa la itus, nge troa catre nyiqaane inine la Tusi Hmitrötre kowe la itre atr. Maac: La Révélation: le grand dénouement est proche! 400 F. la thupen. Eipereme me Mei: Troa abone ngöne La Tour de Garde, me Réveillez-vous! 1 000 F. la thupene la caas. ITHUEMACANY: Tro la itre ekalesia ka ajane la itre itusi celë, a cinyihane ngöne lo pepa ne sipo itus (S-14).

◼ Tro la itre ekalesia a hnëkë göi drai nyine amekunëne e drai ka tru ne la macatre celë, thupene la kola lö la jö. Ka loi tro la itre ekalesia a isa kuca la drai nyine amekunën, ngacama thatreine troa traqa kowe palahi. Ame la uma ne Baselaia hna icasikeu hnene la itre ekalesia ka nyimutre, ke, ma ijije tro itr’ej’a thele hnë icasikeu la heji cili. Ame göi drai nyine amekunën, ke, loi e tha tro kö a hmiitre troa nyiqaane matre tha tro kö a ajolëne la itre xötrei kapa la nyipici troa hane sin. Nge, tune mina fe, tha tro kö a hopatre catre la itre hnepe ijine akawane la itre icasikeu, wanga pë pi ijine tro së a hane ibozu memine la itre hna könën, maine troa xatuane la ketre atr ngöne la ua, maine pena troa ithuecatrekeu. Thupene la hna ce wange la nöjei götrane ne la ijine cili, tro la itre qatre thup’a axeciëne la itre nyine troa kuca matre thuejëne la itre ka troa traqa kowe la drai ne amekunëne troa hane öhnyi thangane ka loi.

◼ Ame e sabath 23 Eiperem, ca cainöje ka ketre pengöne hna troa hamëne ngöne la nöjei ekalesia. Ame la taan, ke, kola hape “La fin de la fausse religion est proche.” Loi e tro së a mekune troa könëne lo nöjei ka sine lo drai nyine amekunëne la macatre celë. Tro së a catre xatuane la itre milio lao hnainin. Troa hetre ithuemacanyi thupene lai icasikeu göi troa thuecatre koi angatr, me kowe la itre trejine matre troa trofë trongëne la ketre tarake ka ketre pengön. Nge, ngöne palahi la ijine cili, ke, troa köjane hnyawaane la itre jole hnei isa alacasi hna cile kow enehila, memine la enyipiewekëne la troa mele ihmeku memine la wesi ula i Akötresie.

◼ Qaane e febuare, maine e qëmekene la drai 5 Maac, tro la atre thupëne la sirkoskripsio a cilefë la cainöje ka hnyipixe hna nyitaane ka hape “L’enseignement divin triomphe sur la terre entière.” Kola amamane la itre diapozitive ka amamane hnyawaane la itre ijine ka sisitria ne la itre asabele ka ketre pengöne ne la nöjei nöj, lo hna hape “L’enseignement divin,” nge hna kuca itr’eje ngöne la macatre ne huliwa 1993, me 1994. Ame ngöne la itre götrane hna vizitën, nge tha hna kapa palakö la itre diapozitiv, ke, tro la itre atre thupëne la sirkoskripsio a pane cilefë la canöje hna hape “Ayons confiance dans le Dieu de toute consolation,” utihë la troa kapa la itre diapozitive nyine troa canga cainöjën. E thupene hë la hna amamane trongëne la itre diapozitive ngöne la itre ekalesia asë, ke, troa cilefë hmaca ngöne la itre ekalesia ka tha hane palakö kapa la cainöje “Ayons confiance dans le Dieu de toute consolation” utihë la troa traqa la cainöje ka hnyipixe hna hnëkëne thatraqane la qaane la macatre 1996.

◼ Ngöne la icasikeu ne huliwa e drai 9 Januare, ke, troa thawa trongëne lo pepa hna hape: “Instructions médicales — Pas de sang” kowe la nöjei itretre cainöje hna bapataisone hë, memine la “Carte d’identité” thatraqane la itre nekö i angatr.

◼ Hna qejepengöne ngöne la lue sine trongene ne Huliwa ne Baselaia ne Nofeba 1990, me Semitrepa 1992, la aqane tro së a atreine ithahnata memine la itre droketre, nge tro la nöjei ka hnyipi bapataiso a canga wang. Ame la alien’itr’ej, ke, qa thei Sasaiatri. Hawe, nyipiewekë catre tro la itre qatre thup’a xötrethenge hnyawa la itre hna ahnithe hnen’ej.