Madrine Së La Aqane Akökötrene Akötresie La Huliwa
1 Ka catre cainöjëne la baselaia, la itre keresiano ne la hneijine i Iesu. Angatre a madrine ngöne la kola ‘nyi xane la itre ekalesia o drai.’ (Ite Huliwa 16:5) Atraqatre la thangane la hnei angatre hna catre cainöj, ngöne laka, kola kökötre la etrune la itre ka lapaune ngöne la nöje Asia, Erope, me Afirik.
2 Hnei Iesu hna thingehnaeane ka hape, ngöne la itre drai hnapin, troa cainöjëne la maca ka loi ‘e cailo fen, kowe la nöjei atr’! (Mata. 24:14) Hne së pala hi hna kapa hnine la macatre ne huliwa 1996, la itre ithuemacanyi göi hna huliwa, ene laka, mingöminge la aqane kökötre me elëne la etrune la itretre cainöje ngöne la itre nöj e cailo fen. Nyimutre la itre ekalesia ka hnyipixe hna acil. Qa ngöne laka, kola kökötre nyimenyime la nöje i Iehova, hna xupe la itre hadredre lao uma ne baselaia ka hnyipixe, itre uma ne baselaia ka hnyipixe, itre uma ne asabele, ketre tune mina fe la itre bethela laka, loi e troa atrune catrëne itre ej.
3 Kola qaja hnene la Huliwa ne Baselaia ne 1996, la etrune la huliwa göi xupi uma e Afirik. Ketre tune mina fe ngöne la itre götrane e nyipine e Amerika, hna hëne ka hape Amerik Latin, kola kökötre fe la huliwa cili. Ngöne la macatre ne huliwa 1996 kola elë e Mekesiko, la etrune la itretre cainöj, 470 O98 la etrun nge 600 751 lao ka ini tus, qa ngöne lai hna acile la 466 lao ekalesia ka hnyipixe! Troa afenesine la filiale i angatre e pune la macatre 1998. Ceitune mina fe ngöne la itre xaa nöje ju kö, laka nyimutre la nöjei pengöne porogarame ne xupi uma thatraqane la huliwa i Akötresie.
4 Kola elë catre enehila la thupene la xupi uma, nge ngöne la itre xaa nöj, co hi hnei jiane huliwa ne itre trejin, troa qëmeke kowe lai. Ngo hnene la aqane catre i angatre ngöne la huliwa i Iehova, angatre a kökötre pala hi ngöne la ua, me ngöne fe la etrune la itre atr ka lö kowe la organizasio. Ite Edomë 28:27 a anyipicine koi së laka, “ame la ate hamë ewekë kowe la ate pë ewekë, te, tha tro kö a pë ewekë.” Maine tro së a thele troa xatuane la itre trejine me easë cili troa hane nyithupene la itre uma hna xup, haawe, tro ha “ceitu” göi itre ewekë ne ngönetrei, nge kola aijijëne asë la itre trejine troa kapa la manathithi qa ngöne la hna ham, ketre troa hetrenyi la madrin, hnene laka, kola öhne la ekökötrene la huliwa qa thei Iehova!—2 Kor. 8:14, 15; Ite Huliwa 20:35.
[Iatr ne la götran 4]
Filial ne Parague
[Iatr ne la götran 4]
Filial ne Ekoatör
[Iatr ne la götran 4]
Kolo pala hi a xupe la itre uma e Mekesiko
[Iatr ne la götran 4]
Filial ne Repibilik Dominiken
[Iatr ne la götran 4]
Kola atrune la Filial ne Berezil
[Iatr ne la götran 5]
Kola xupe la Filial ne Urugue
[Iatr ne la götran 5]
Co hi la manie göi itre Uma ne Asabele e Amerik Latin
[Iatr ne la götran 5]
1. Berezil
2. Nicaragua
3. Cili
4. Kolobia
5. Mekesiko
6. Berezil
7. Peru
8. Veneziela
9. Mekesiko