Itre Hna Amekötiin

◼ Itre itusi nyine troa tro fë e treu Maac: Atrehmekune Ka Eatrongë Nyipunie Kowe La Mele Ka Pë Pun. Troa thele troa nyiqaane etid memine la itre atr. Eipereme Me Mei: La Tour de Garde me Réveillez-vous ! Abone ju la itre atr hna wange hmaca ka ajane troa drei së. Troa hamëne fe la itus, Atrehmekune maine boroshür, Thele, matre troa nyiqaane etid. Juun: Nemene La Hnei Akötresieti Hna Thele The Së? maine pena la itus Atrehmekune. Thele jë troa nyiqaane etid memine la itre atr.

◼ Ame koi itre ka mekune troa hane pionie ka ixatua e treu Eiperem, ke, canga hnëkë jë enehila me cinyanyine lo pepa ne sipon. Ketre ixatua ka tru lai kowe la itre qatre thup, ke kola aijijë angatre troa canga hnëkë göi huliwa ne cainöje trootro, me canga hetrenyi la itre zonale me itre itusi nyine troa tro fë. Troa thuemacane la ekalesia la ëje ne la nöjei trejine ka pionie ka ixatua.

◼ Troa atrune la Drai Ne Amekunëne e drai Sabathi 8 Eiperem 2001. Pëkö icasikeu hna troa kuca la ijine cili, icasikeu ne cainöje trootro hmekuje hi. Maine ekalesia i nyipunie a etidine la ketre hna cinyihane ne La Tour de Garde la drai cili, ke, loi e tro la itre qatre thupe a saze drai ngöne la wiik.

◼ Loi e tro asë hi la itre atrene la ekalesia, ka xötrei abone ngöne La Tour de Garde me Réveillez-vous ! me itre ka ahnyipixene eje hmaca, a canga tro fë la itre pepa ne abonema kowe la ekalesia.

◼ Thaa Sasaiatri kö la ka troa nyialiene la itre pepa ne komadë itus kowe la nöjei ka cainöj, isa qa së kö isa ala caas. Loi e tro la atre thupe perezida a thuemacane la itre trejine ngöne la nöjei treu, troa canga isa komadëne la itre itusi thene la atrekë hnëqane lai ngöne la ekalesia, qëmekene tro angiece a iupi fë la hna komad koi Sasaiatri. Loi e troa isa atre la itre itus nyine isa komadën.

◼ Itre Itusi Hna Xötrei kapa Hmaca:

Recueil d’histoires bibliques (ka co) —Qene Faras