Itre Hna Amekötiin

◼ Itre itus hna troa tro fë e Eiperem Me Mei: Troa tro fë la itre zonal, La Tour de Garde me Réveillez-vous ! Ame ngöne la kola bëek troa wange hmaca la itre atr ka drei së hë, thele jë troa amë la itus Adorez le seul vrai Dieu. Loi e tro sa kuca fe la hne së hna atrein matre troa nyiqaan troa etid memine la itre atr, ene lo itre ka etidi hë ekö ngöne la itus Atrehmekune me ngöne la boroshür Thele. Juun: Hamëne jë la itus Atrehmekune, maine la boroshüre Thele. Maine hetrenyi hë thene la itre atr la itre itusi celë, hamëne jë la ketre boroshür ka ijij, nge hna hetrenyi pala kö ngöne la ekalesia. Julai Me Ogas: Troa tro fë la itre boroshüre ka 32 lao götran: Doit-on croire à la Trinité ? ; Epi Thatraqai Nyipunie La Mel Ka Tha Ase Palua Kö e Celë Fene Hnengödrai!; E Meci Hë La Atr Hne Së Hna Hnim; Hapeu Akötresie a Hane Kukehni Së?; Itre ua ne la itre ka meci hë​—Hapeu, atreine kö angatre troa xatua epun, maine troa akötrë epuni pena? Ketre itre ka mele kö angatr?; Le nom divin qui demeure à jamais ; Musi Ka Troa Hamëne Hmaca La Paradraiso; Nemene La Pengö Së Ngöne La Easë a Mec?; Quel est le but de la vie ? Comment le découvrir ? ; “ Voici, je fais toutes choses nouvelles. ”

◼ Nyipi ewekë troa hamën koi Sasaiatri la itre numero ne telefon me hnalapa ka hnyipixe ne la itre qatre thup perezida asë, memine la itre seketere. Maine hetre ka saze telefon me hnalapa, tre loi e tro la Kometr Ne Huliwa Ne La Ekalesia a nyialien me sijihatren la pepa, hna hape Changement d’adresse du surveillant président/secrétaire (S-29), me canga iupi fë koi Sasaiatri. Ketre tune mina fe la itre numero ne telefon ngöne la hnepe götrane hna lapa ngön.

◼ Loi e troa wange hnyawa pala hi hnene la itre seketere ne la itre ekalesia, matre thaa tro kö a pë pepa ne sipo göi troa pionie: Pionie Lapaa (S-205), Pionie Ka Ixatua (S-205b). Atreine hi troa komadëne lai ngöne la pepa ne sipo itus (S-14). Loi e troa hnëkëne ijije kowe la caa macatre. Wange hmaca ju la pepa ne sipo thatraqane la itre pionie lapaa, maine hna nyialiene asë. Maine thëthëhmine hë hnene la itre ka mekune troa pionie lapaa la ijine kola bapataiso angatr, haawe, loi e troa waiemekötine la ijine xome angatre la bapataiso, nge cinyihane ju ej.

◼ Maine epuni a troa tro kowe la ketre nöj, nge epuni a ajan troa hane sin la itre icasikeu, maine ketre asabele ne sirkoskripsio maine distrik, haawe, loi e tro nyipunie a sipon la itre ijin me hawa, me hna hnen la itre icasikeu cili, thene la Bethela ka elemeken la huliwa ngöne la nöje cili. Eje ngöne la götran tixenuë ne la Annuaire, la itre aderes ne la itre bethela.