Tupathe Jë La Ketre Aqane Nyiqaane Ithanata Ka Lolo Me Hmekune La Aja Ne La Itre Atr

Tupathe Jë La Ketre Aqane Nyiqaane Ithanata Ka Lolo Me Hmekune La Aja Ne La Itre Atr

Maine hetre hni ne aja së troa xatuane la itre atr, tro lai a upi së troa atrehmekune la itre aja i angatr me amamai angatre la aqane tro la Baselaia a hamën la nyin ne la itre jole hnei angatre hna cile kow. (Fil. 2⁠:⁠4) Ame la ketre aqane nyiqaane ithanata ka ihmeku memine la aja ne la itre atr, nge hna lapaa xome hnene la itretre cainöje pine laka, ka hetre thangane ka loi, tre, ene la troa sipon kowe lai atr troa qejepengöne la itre iatr ka amamane la pengöne la Paradraiso ngöne la itre itusi së, tune la itre hna cinyihane ngöne la götrane maca ne la götrane celë. Maine jë tro epuni a kuca tune lai ngöne la epuni a xome cahu ketre aqane nyiqaane ithanata:

◼ “Tune kaa la mekuna i epun, tro kö së elanyi a öhne la nöjei atr e ce mele madrin ceitu me ketre hnepe lapa, tune cahu hna amamane ngöne la iatr?”

◼ “Easë asë hi a ajane tro la itre nekö së a mele madrin ngöne la fene hna amamane e cahu ngöne iatr. Hapeue la mekuna i epun, tro kö a eatre elanyi lai ewekë cili?”

◼ “Hane cahu ketre iatr ka amamane la pengöne la ihnadro elany, ngöne la kola troa aejëne la aja i Akötresie e celë fen tune e koho hnengödrai. Hane fe kö epuni öhne laka, isapengöne la mele ngöne la iatr memine la mele enehila?

◼ “Hapeu, epuni kö a pi mele ngöne la fene celë hna amamane ngöne la iatr? [Nue pi troa sa.] Hapeue la mekunai epun, tro lai a traqa ngöne la hneijine së?”

Drenge hnyawane ju la kola sa hnene la atr, nge qaja jë la ketre hnyinge maine luetre cememine la hni ka menyik matre atrehmekune la mekuna i angeic. Maine thaa ajane kö hnei itre xan troa mele ngöne la fene cili, maine thaa jelenyipicine kö angatre laka troa eatre la ewekë cili, the canga mekune kö laka pëkö hni ne ajane i angatr. Tupathe jë troa thele la kepine matre kola mekune tune lai hnei angatr. Tro jë la itre trenge ewekë i angatr a amamane la aqane hnehengazone angatre la itre jole ka pë nyin hna cile kow hnene la nöjei atr.—Ezek. 9⁠:⁠4.

Maine epuni a wangatrehmekune la itre aja ka eje thene la atr, haawe, xome jë la ketre aqane nyiqaane ithanata ka ihmeku me angeic. Qaja atrune jë la götrane la maca ne la Baselaia ka ihmeku memine la itre aja i angeic. Amamane jë la caas maine lue xötr ka itretrengekeu memine la hnei angeice hna hnehengazon. (Wange ju la itre mekune nyine ixatua ngöne la götrane maca.) Loi e tro angeice a ketre sipu goeëne la hna qaja hnene la Wesi Ula i Akötresie. Maine hetre hni ne ajan thei angeic, hamëne jë la itus nge ce wange ju matre troa wai angeice hmaca. Catre pi troa akökötrene la aja ka eje thei angeic.

[Hna eköhagen götran 6]

Itre Iatr Ka Amamane La Pengöne La Paradraiso

Itus Création : götran 237, 243, 251

Itus Enseignant : götran 251-4

Itus Atrehmekune: götran 4-5, 188-9

Boroshüre Thele: götran 11, 13

Itus Paix véritable : götran 98

Itus Thili Jë : götran 92-3

[Hna eköhagen götran 6]

Itre Mekune Hna Hnehengazone Hnene La Itre Atr

Huliwa atrekënö, me thiina ka thaa meköti kö

Isaia 9:6, 7;