Itre Hna Amekötiin

◼ Itre itus hna troa tro fë e Maac: Tro fë jë la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Thele jë troa nyiqaane etid memine la itre atr. Eiperem Me Mei: Loi e troa isa amamane hnyawa la lue zonal, La Tour de Garde me Réveillez-vous ! Ame ngöne la kola wange hmaca la itre atr ka ajan, cememine lo itre ka hane sin la Drai Ne Amekunën maine itre xaa icasikeu së pena, ngo thaa ce huliwa kö memine la ekalesia, thele jë troa hamëne koi angatr la itusi ka hnyipixe, Nemene La Nyipi Ini Hna Hamën Hnei Tusi Hmitrötr? Ame la aja së tre, ene la troa nyiqaane etid ngöne la itusi celë. Juun: Troa tro fë la itus Écoute le grand Enseignant. Maine önine jë hi la ketre ka hape pëkö nekö i angeic, tre, hamëne jë la itus La Fami.

◼ Pine laka faifi lao mecixeni me sabath e treu Eiperem, haawe, celë hi ketre treu ka sisitria troa pionie ka ixatua.

◼ Troa atrune la Drai Ne Amekunën e drai hnaacian 12 Eiperem 2006. Maine hna hnen la itre icasikeu i epun e drai hnaacian, haawe, loi e troa saze me kötrëne itre ej kowe la ketre drai ne la wiik, maine ijije göi Uma Ne Baselaia. Maine thaa ijije kö nge jole troa kucala Icasikeu Ne La Huliwa i epun, haawe, maine jë troa xome la itre götran ka lolo kowe la ekalesia matre troa ithanatane pena ha ngöne la ketre ijine Icasikeu Ne La Huliwa.

◼ Loi e tro la itre ekalesia a canga hamëne la itre zonal La Tour de Garde me Réveillez-vous ! ngöne lo kola kapa itre ej. Kolo hi lai a aijijëne la itre trejine troa canga e itre ej qëmekene troa tro fë ngöne la hna cainöje trootro. Loi e tro mina fe a canga hamën la itre Huliwa Ne Baselaia ngöne la kola kapa itre ej hnine la ekalesia. Maine jë troa canga thawa itre ej ngöne la itre ijine Ini Tusi Ne La Ekalesia.

◼ Troa ce wange la video hna hape Noé marchait avec Dieu ngöne la Icasikeu Ne Huliwa e Mei. Maine hetre ka ajan, tre, loi e troa jëne la ekalesia matre troa hane kapa la video cili.

◼ Thaa sasaiatri kö a troa nyi alien trongën la hna isa komadë itus hnene la itre trejin. Troa treqen tro la atre thup perezida a thuemacan la itre trejin ngöne la nöjei treu, troa canga komadëne la itre itus thene la atrekë hnëqane lai ngöne la ekalesia, qëmeken tro angeic a iupi fë la hna komaad koi sasaiatri. Loi e troa atre hnyawa la itre itus, ka ketre pengöne kö la aqane troa sipon.