Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 30 Okotropa me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 4 Semitrepa koi 30 Okotropa 2006. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Pine nemene matre nyipi ewekë thaa tro kö a hlehle troa ithanata, nge nemene la aqane troa kuca matre nango co ju hi la xou së? [be g. 135 par. 5–g. 137 par. 2, itre mekune hna eköhagen]
2. Maine kola hnyingë pengöne la itre ini hne së hna mejiune kow, pine nemen matre loi e tro sa catr troa sa itre ej jëne la Tusi Hmitrötr? [be g. 143 par. 1-3]
3. Nemene la nyine kuca matre tro sa maca ngöne la aqane troa xome hnyawa la Tusi Hmitrötr? [be g. 144, itre mekune hna eköhagen]
4. Pine nemene matre nyipi ewekë tro pala hi sa xome la Tusi Hmitrötr ngöne la easa hamë ini ngöne la huliwa ne cainöj, nge nemene la nyine tro sa kuca matre troa xatuane la itre atrene la icasikeu troa xome ej? [be g. 145-6, itre mekune hna eköhagen]
5. Nemene la lue hna ajane troa traqa kow ngöne la kola amaman la ketre xötr? [be g. 147 par. 2]
HNËQA NABA 1
6. Nemene la ithuemacanyi ka ixatua hna qatrenge hnine la itre Salamo? [si g. 105 par. 23]
7. Eue la kola cinyihane la Ite Edomë, me ce xawane itre ej hnine la caa itus? [si g. 107 par. 5]
8. Nemene la edromë, nge pine nemene matre ka ihmeku hi memine la taane qene Heberu ne lai itus? [si g. 107-8 par. 6]
9. Ame ngöne Ite Edomë 2:1-5, kola hapeue la ithuecatre hna hape troa thele la atrehmekun, me trotrohnine, me atreine waiewekë “kösë sileva, me thel’ eje kösë tenga mo hna juetën”? [be g. 38 par. 4]
10. Tune kaa la aqane amamane hnene la tusi Ite Edomë la eloine hne së hna troa kapa qa ngöne la aliene ej? [si g. 110 par. 19]
E TUSI HMITRÖTR NGÖNE LA WIIK
11. Tune kaa la aqane ‘amenyikene me aupune la u i Davita, tune la medenge hna thepe thine a ëthei thine i nyën,’ nge nemene la aqane tro sa nyitipu angeic? (Sal. 131:1-3)
12. Nemene la mekune qaathene la ua i Akötresie hne së hna e ngöne Salamo 139:7-12 ka akeukawane la hni së?
13. Nemene la itre xaa ewekë ka amamane la edraië i Iehova hna qaja ngöne la Salamo 145, matre celë hi ka upi së troa atrunyi Nyidrëti ngöne la itre thithi së, me ngöne la huliwa ne cainöje së? (Sal. 145:3)
14. Kola hapeue la kola hape ame la xoue Iehova, tre “qane la troa ate hmekun” me “qane la inamacan”? (Ite edomë 1:7; 9:10)
15. Ame ngöne Ite Edomë 7:1, 2, nemene la aliene la “ite tenge ewekëng” me “ite hnenge hna ahnith”?