Revizio Ne La Ini Ne Cainöj Qaathei Akötresie

Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 23 Febuare 2009 me wiike cili. Troa xom hnene la atre thupën la ini la 20 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 5 Januare uti hë e 23 Febuare 2009.

1. Hna hamëne la lai tune kaa hnei Akötresie ngöne la pane drai, ngo thaa hna kuca asë kö la itre lai qëmekene lo hnaafoane drai? (Gen. 1:3, 16) [w04 1/1 g. 28 par. 5]

2. Kola hapeue laka thaa hnei Iehova kö hna qaja koi Noa troa huliwane la ihnadro, tune la aqane qaja Nyidrë koi Adamu atr ka pexej? (Gen. 9:1) [it-1 g. 788 par. 6]

3. Eue la kola isisinyikeu me Aberahama nge uti hë eu la isisinyikeu cili? (Gen. 12:1-4) [w04 15/1 g. 26 par. 4; w01 15/8 g. 17 par. 13]

4. Nemene la ka anyipicine laka, thaa ie kö lo mekune i Nimeroda me itre sine xöle i angeic, ene la troa ‘ahlemune la ëje i angatr’? (Gen. 11:4) [w98 15/3 g. 25]

5. Pine laka hna hë Lota “ate thina ka meköt” ngöne 2 Peteru 2:7, pine nemene hö matre angeic a hamëne la lue jajinyi angeice kowe la itre atr ka thiina ka sis? (Gen. 19:8) [w05 1/2 g. 26 par. 15-16; w04 15/1 g. 27 par. 3]

6. Pine laka tro la itre trahmanyi a thupëne hnyawa la sipu hnepe lapa i angatr, pine nemene hö laka Aberahama a upi Hagara me Isamaela kowe la hnapapa? (Gen. 21:10-21; 1 Tim. 5:8) [w88 15/2 g. 31]

7. Nemene la ini hne së hna kapa qa ngöne la aqane catre Eliezera troa kuca la itre ewekë thenge la aqane thele Iehova la föi Isaaka? (Gen. 24:14, 15, 17-19, 26, 27) [w97 1/1 g. 31 par. 2]

8. Nemene la aliene la pu i Iakobo, lo hnei angeic hna goeëne la itre angela a ‘elë me uti ngöne la ija’? (Gen. 28:10-13) [w03 15/10 g. 28 par. 3; it-1 g. 683]

9. Pine nemene matre pi tro Rakela a hetrenyi la itre dudai ne la nekö i Lea? (Gen. 30:14, 15) [w04 15/1 g. 28 par. 7]

10. Nemene la eloine la tulu i Iakobo göi troa isenyine la itre jol, tune la iwesitrë? (Gen. 33:3, 4) [g82 22/5 g. 19 par. 8-10]