Porogaram Koi Wiike Ne 20 Diseba
KOI 20 DISEBA ME WIIKE CILI
□ Ini Tusi Hmitrötr Ne La Ekalesia:
cf mek. 15 ¶1-7
□ Ini Ne Cainöj Qaathei Akötresie:
E Tusi Hmitrötr: 2 Aqane lapa ite Joxu 20-24
N. 1: 2 Aqane lapa ite Joxu 20:1-12
N. 2: Kola Hapeue Koi Së La Troa Inine Me Ithanatane La Qene Hlapa Ka Wië? (Zef. 3:9)
N. 3: Hapeu Nyipici Laka Hnei Iesu Hna Mele Ekö? (rs g. 203 ¶1-4)
□ Icasikeu Ne La Huliwa:
5 men: Itre ithuemacanyi koi së.
15 men: Hapeu, Nyipunieti Kö a Hane Thele Troa Trongëne Ej? Troa ce ithanatan. Troa amexeje jëne la ketre hnepe cainöj la itre ithuemacanyi hna xome qa hnine la itre hna cinyihane celë hna xötrei kapa hnine la Huliwa Ne Baselaia: “Epuni Kö a Amamane La Aqane Troa Inine La Tusi Hmitrötr Ngöne La Xötrei?” me “Aqane Troa Inine La Itre Atr Ka Xötrei Atre La Nyipici Troa Cainöj” (km 5/10) me “Ijiji Nyipunieti Troa Cainöj Ngöne La Nöjei Ijin!” (km 8/10). Sipone jë kowe la itre atrene la icasikeu troa qaja la aqane thele angatre troa trongëne la itre mekun ka eje e hnine la itre hna cinyihane cili, memine la itre manathithi hnei angatre hna kapa.
15 men: “Itre Hna Cinyihan Ka Hnyipixe Nyine Nyiqaane Inine La Tusi Hmitrötr Memine La Itre Atr.” Troa ce ithanatan. Qëmekene troa nyiqaane la porotrik, hamëne jë la zonal La Tour de Garde ne 1 Januare 2011 kowe la itre trejin ka thaa hane kö traqa fë la zonal cili. Nyipune jë hnene la caasi maine lue iamacanyi ka amamane la aqane troa nyiqaane inine la Tusi Hmitrötr memine la ketre atr, hnene la hna xome la hna cinyihan hna hape, “ Ce qu’enseigne la Parole de Dieu ” (Inine Jë La Wesi Ula i Akötresie).