Öhne Kö Epun La Aqane Sa Iehova La Itre Thithi Epun?

Kola mama e hnine la Tusi Hmitrötr laka, hnei Iehova hna sa la thith ne la itre hlue i Nyidrëti ekö. Ame la angatr a öhne laka, Iehova a wangatrunyi angatr, kola acatrene la lapaune i angatr. Celë hi matre nyipiewekë tro sa fe la hni së koi Iehova me thele la aqane sa Nyidrë la itre thithi së. Maine jë tro Iehova a sa la itre thithi së, ngo tha thenge kö la hne së hna mekun. Maine pena tro Nyidrëti a hamën atrun palaha. (2Ko 12:7-9; Ef 3:20) Tune kaa la aqane sa Iehova la itre thithi së?

• Nyidrëti a hamë trengecatr me ithuecatr matre cil kowe la ketre jol.—Fi 4:13

• Nyidrëti a hamëne la inamacan matre tro sa atreine axecië mekune hnyawa.—Ia 1:5

• Nyidrëti a hamë aja me trengecatre së troa kuca la loi.—Fi 2:13

• Nyidrëti a hamë së la tingeting.—Fi 4:6, 7

• Nyidrëti a xatua së troa hetrenyi la ka ijij jëne la itre xaa trejin.—1In 3:17, 18

• Nyidrëti fe a xatuane la itre trejin hne së hna thithi san.—Hu 12:5, 11

GOEËNE JË LA VIDEO HNA HAPE IEHOVA A “DRENG LA THITHI SË,” NGE SA JË CAHU ITRE HNYING:

• Tune kaa la aqane tro la tulu i trejin Shimizu a ithuecatr kowe la ketre trejin ka wezipo, nge ka thatreine hë huliwa catr koi Iehova tun ekö?

• Tro sa nyitipune tune kaa la tulu i trejin Shimizu?