Ini Tusi Jë Ngöne La Ketre Götran Gaa Tingeting

Ajane kö eö troa kepe thangane la hnei eö hna ini Tusi cas? Maine eje hi, tro la itre mekune cahu a xatua eö, matre troa tro loi la ini Tusi eö:

• Iëne jë la ketre götran gaa tingeting. Tro jë kowe la ketre götrane laka, tha tru kö hnei ewekë nge ka lai. Ijiji eö troa lapa ngöne la ketre buro, maine ngöne la laulau maine pena, troa tro e kuhu trön.

• Isine jë troa lapa cas. Hnei Iesu hna iëne troa thith “e hmahmakanyi sine jidr” ngöne la “ketre götrane matre pane lapa cas.” (Mar. 1:35) Maine tha ijiji eö kö troa lapa cas, thuemacanyine jë la fami eö maine itre ka ce lapa me eö laka, hetre ijine tro eö a ini Tusi cas. Nge sipo angatre jë troa nue eö ngöne la itre ijine cili.

• The nue kö la itre xaa jole troa ajolëne la mekuna i eö ngöne la ijine cili. Maine eö a ini Tus memine la telefon maine tablet i eö, amë ju ngöne mode silence, maine ngöne mode avion. Maine eö a mekune la ketre ewekë nyine tro eö a kuca, cinyianyine ju matre tro pëhë eö a kuca e thupen. Maine kola nyiqane ajolëne la mekuna i eö, ke pane cile ju, nge tro jë troa pane ngenu me kuca la itre xaa ewekë.