Meken 23

Itre Xaa Iamamanyikeu e Kaperenauma

AME ngöne la Sabathi thupen, hnei Iesu hna hëne lo foa lao thupëtresiji ka pane drei nyidrë​—⁠ene Peteru, Anederea, Iakobo, me Ioane​—⁠angatre asë a tro kowe la ketre sunago e Kaperenauma. E cili, Iesu a nyiqaane troa inine la itre atr; kola hai hnene la ka ala nyim, pine laka, hnei nyidëti hna ini angatre tune la trene men, nge thaa tune kö la angetre cinyihany.

Ngöne la sabathi cili, eje e hnine la sunago la ketre atr trene u ka ngazo. Nge nyëne a hë draië ka hape: “We, Iesu ate Nazareta fe, tro cilieti a uë hun? Hape u hlepëti cilieti troa apatenyi hun? Ini a wangate hmekunyi cilie, la Kahmitöte i Akötesie.”

Ame la dremoni ka musinëne la atr cili ke ketre angela i Satana angeic. Ame hnei Iesu hna sewe nyën, me hape: “The ilu kö, nge löpi qa hni nyën!”

Ame hna jipajipa nyëne me hokötre catr, huliwa ne lai ua ka ngazo. Ngo pëkö eatr, ngöne la kola lö pi qaathei nyën. Angatre asë a haine me hnyinge ka hape: “Nemene la ini ka hnyipixe? Ke nyidëti a musinëne la ite [“ua,” MN ] ka ngazo hnene la men, nge dei nyidëti hnei nyuden.” Ame hna canga hlemu nyidë e cailo kowe la nöjei götrane e Galilaia.

Ame hë la angatre a lö pi qa ngöne la sunago, Iesu a tro ju pena me itretre drei nyidrë kowe la uma i Simona, lo hna hëne fe ka hape Peteru. Nge thine ne la ifënekö i Simona a meköle hna tithe hnei fiva. Angatre a fetresi nyidrë me hape, ‘Epi hane xatua nyidro hnei cilie.’ Haawe, Iesu a ea ju la ime i nyidro, me acilë nyidro. Ame hna canga paatre ju la idreuth, nge nyidroti pena ha a hnëkëne la xeni thatraqai angatr!

Nge hejiheji hë, kolo ha lö la jö, kola xulu fë hnene la nöjei atr asë kowe la hnalapa i Peteru, la itre wezipo i angatr. Ame hna icasikeu jë la lapa asë ngöne la qëhnelö! Nge Iesu a amelene la nöjei wezipo ka nyimu pengön. Nge nyidrëti fe a helëne la nöjei dremoni ka kösau. Ame la kola lö pi la itre dremoni hnei nyidrë hna upe trij, haawe, angatre a sue me hape: “Cilieti la Keriso Hupuna i Akötesieti.” Ngo Iesu a sewe angatre troa ithahnata, pine laka, atre hi angatre laka, nyidrëti hi la Keriso. Mareko 1:21-34; Luka 4:31-41; Mataio 8:14-17.

▪ Nemene la ewekë ka traqa e sabathi ngöne la sunago, thupene lo hnei nyidrë hna hëne lo foa lao atre drei nyidrë troa ixötrethenge?

▪ Iesu a tro ië ju hë ngöne la nyidrëti a lö pi qa ngöne la sunago, nge nemene la iamamanyikeu hnei nyidrëti hna kuca e cili?

▪ Nemene la ewekë ka traqa thupen, ngöne la jidri ka caas?