Meken 82

Iesu a Bëeke Hmaca Ierusalema Eë

EASENYI hë matre tro hmaca pi hë Iesu, me inine trongëne la nöjei atr ngöne la itre lapa, me itre hnalapa. Nyidrëti ngöne la distrik ne Pere, qëmekene la nöje Iudra qa ngöne la hneopegejë ne Ioridano. Ngo nyidrëti pe a tro Ierusalema eë.

Hna qaja ngöne la ini hna kapa hnei angetre Iudra, ka hape, xalaithe hi la angetre troa kapa la mel. Ma celë hi matre hnene la ketre trahmanyi hna hnyinge ka hape: “Joxu fe, hape u, ala xalaithe hi la angete troa mel?” Ngöne la aqane sa i nyidrë, Iesu a upi angatre troa mekune la nyine troa kuca matre troa kapa la mel. Öni nyidrë ka hape: “Catejë nyipunie [maine pena: isine jë nge catre pi] troa lö ngöne la qëhnelö ka ilit.”

Sisitria e tro së a catr, “ke, öni Iesu, ala nyimu a troa thele troa lö ngön, ngo tha tro kö a atein.” Pine nemen? Iesu a qeje pengöne laka “e ase hë cile la tixene uma, me thinge la qëhnelö, nge nyipunie a qane troa cile e kuhu, me fenafena la qëhnelö, me hape, Joxue, jewengëtinepi koi hun, nge nyidëti a tro ha sa, me qaja koi nyipunie, ka hape, Tha ’te nyipunieti kö ni, itete ka?”

Eje hi laka, ame la itre atr cili, ke, angatre a traqa ngöne la traeme ka loi koi angatre hmekuj. Ngo, ngöne la ijine ka ijije koi angatr, ke, ijine lai kola thinge me kiine la qëhnelö. Ka loi ju kö lo tro angatre a canga traqa matre atreine troa lö, ngacama thaa thenge kö la hawa hnei angatre hna mekun. Nyipici laka, troa traqa la hulö kowe la itre atr ka uthe lapaane la traeme nyine troa pane nue kowe la hmi i Iehova ngöne la mele i angatr!

Hna upi Iesu troa nyihlue i angetre Iudra, ngo thaa hna kapa kö hnei angatre la ijine ka sisitria cili, ngöne laka, ketre ewekë hna hnëkëne hnei Akötresie nge jëne mele koi angatr. Celë hi matre Iesu a qaja ka hape, tro angatre a treije me kiki la inyö ngöne la kola helë angatr. Ngo, ame la itre ka “traqa qa kohië me kuë, nge qa kolopi me kolojë,” qa ngöne la nöjei nöj, eje hi laka, “troa lapa ngöne la baselaia i Akötesie.”

Iesu a sisedrëne ka hape: “Hetete pi [angetre ethene hna xele ma wang, memine la angetre Iudra hna akötrën] a tro ha pa, nge hetete pa [angetre Iudra hna wangatrune pine la itre hnei angatre hna hetreny, ngöne mo me ngöne la götrane la hmi] a tro ha pi pena.” Tro ha tro pi la atr celë ka hminyaj, me pë ihnimin, ene laka thaa tro kö angatre a lö hnine la Baselaia i Akötresie.

Angetre faresaio a tro koi Iesu me qaja koi nyidrë ka hape: “Trojë cilie, nge nuepi pe la, ke pi tro Heroda [Anetipa] a humuthi cilie.” Ma hnei Heroda jë hna sipu amejëne la mekune cili, matre troa aqounyi Iesu, ene pe kötre ju nyidrëti qa ngöne la nöj. Eje hi laka, ma angeice a neëne wanga zö i angeice jë e meci hmaca ju la ketre perofeta i Akötresie, tune la aqane upe zö angeice la meci Ioane Bapataiso. Ngo Iesu a qaja kowe la angetre faresaio ka hape: “Trojë nyipunie a qaja kowe la alope cili Hana wang, ini a helëne la ite demoni, nge ini a amelene la ite tene meci ngöne la drai celë, me elanyi, nge euje tro ha ni a tixenuë.”

Fenesi hë la huliwa i Iesu ngöne la nöj, ame hnei nyidrëti hna xome la gojenyi ne tro Ierusalema, pine laka, öni nyidrë, “Tha ’teine kö kete perofeta troa meci trön’ e Ierusalema.” Pine nemene matre thaa sesëkötre kö së, e tro Iesu a meci e Ierusalema? Pine laka, celë hi la traone ka tru, nge e cili lo angetre isenyin ngöne la hnakootr ka tru, ala 71 angatr, nge hnë hujëne fe la itre öni. Haawe, thaa meköti kö e troa humuthe la “Arenio i Akötresie” e tröne Ierusalema.

Iesu a treije me hape “Ierusalema, Ierusalema fe, ate humuthe la ite perofeta, me trânyi angate hna upe koi ’ö; a nyimu ajane hnenge troa icasikeune la ite nekö i ’ö, tune la thine ne ha gutue kola hajuhajume la ite kuku fene lue iape i nyën, te, xele kö nyipunie! Hana wang, ase hë nue tije la uma i nyipunie.” Pine laka, angatre a nue trije la Nekö i Akötresie, haawe hnëjine hë la nöj.

Iesu a sisedrëne la trongei nyidrë Ierusalema eë, ene pe könë nyidrëti jë hi hnene la ketre hene i angetre faresaio. Kola goeëtili nyidrë, pine laka ketre drai sabath, nge kola meci fë thimöl la ketre atr e cili, ene laka kola lapane la im me waca hnei tim. Nyidrëti a xei jë kowe la angetre faresaio me angetre inine la wathebo, me hnyingë angatre ka hape: “Hape u, ijije troa aloine la ate ngöne la sabath?”

Nge angatre a lapa thaup. Iesu a xomi angeice me aloin, ame hna nue angeice pi; nge nyidrëti a hnyinge jë ka hape: “Dei e nyipunie ka hete asina maine boloke ka kei e kuhu hnaop, nge tha tro kö a canga ea ngöne la sabath?” Pëkö ka atreine troa sa hmaca la hnyinge celë. Luka 13:22–14:6; Ioane 1:29.

▪ Ame koi Iesu, nemene la ka nyipi ewekë göi troa hetrenyi la mel, nge pine nemene matre ala nyimu la itre hna nue e kuhu trön?

▪ Drei la itre ka tro “pi” a itre ka tro pa pena, me itre ka tro “pa” a tro pi pena ha?

▪ Nemene jë la kepine matre kola mekune ka hape Heroda a thele troa humuthi Iesu?

▪ Pine nemene matre thatreine kö troa mekune ka hape troa humuthe la ketre perofeta e tröne e Ierusalema?