Ka Tune Kaa La Mele Ekö Ngöne La Paradraiso?

Hnei Iehova hna hamëne koi Adamu me Eva la itre ewekë ka nyimutre ka lolo. Genese 1:28

Hnei Iehova hna xupi Eva lo pane föe, me xomi eahlo nyine föi Adamu.—Genese 2:21, 22.

Hnei Iehova hna xupi nyidro; ka pexeje me pë ethan la lue mekun me lue ngönetrei i nyidro.

Hnalapa i nyidroti ekö lo hlapa e Edena—ketre Paradraiso ka mingöming, ke, hetre hneopegejë, me itre wene sinöe, me itre öni.

Hnei Iehova hna ithanata koi nyidro, me ini nyidro. Maine hnei nyidroti ju hna drei Nyidrë, tro hë nyidroti a mele palua ngöne la Paradraiso e celë fen.

Hnei Akötresieti hna qaja, ka hape, thaa tro kö a xeni wen la ketre sinöe. Genese 2:16, 17

Hna icilekeu me Akötresie hnene la ketre angela i Nyidrë. Satana Diabolo la angela ka ngazo cili.

Hnei Iehova hna amamane koi Adamu me Eva la ketre sinöe ne la hlapa, me qaja koi nyidro, ka hape, maine tro nyidroti a xeni wene ne ej, tro hë nyidroti a mec.

Xele Satana tro Adamu me Eva a drengethenge Iehova. Qa ngöne lai, hnei angeice hna nyi jëne la ketre un, matre troa qaja koi Eva, ka hape, maine tro nyiidro a xeni la wene sinöe hna wathebon, thaa tro kö nyiidro a mec, ngo tro pe nyiidro a tui Akötresie. Eje hi laka, trenga thoi lai.—Genese 3:1-5.