MEKENE 18
Troa Wangatrehmekune Tune Kaa La Itre Nyipi Keresiano?
Nyimutre la itre atr ka qaja ka hape, itre keresiano angatr. Ngo isapengöne kö la itre ini, me aqane mele i angatr. Matre tro sa wangatrehmekune tune kaa la itre nyipi keresiano?
1. Nemene la keresiano?
Ame la itre keresiano ke, itre atr ka drengethenge Iesu Keriso. (E jë la Itre Huliwa 11:26.) Tune kaa la aqane amamane angatr ka hape, angatr a xötrethenge Iesu? Öni Iesu: “Maine tro pala hi nyipunieti a lapa ngöne la itre trengewekëng, nyipunieti hnyawa hi la itretre drei ni.” (Ioane 8:31) Tro la itre keresiano a drengethenge la itre ini Iesu. Ketre, ame la itre ini Iesu, ke, hna nyitrepene hnene la Itre Hna Cinyihan. Nge, ame la itre nyipi keresiano, ke, tro angatr a lapaun kowe la itre ini qa hnine la Tusi Hmitrötr.—E jë la Luka 24:27.
2. Nemene la aqane tro la itre keresiano a amamane la nyipi ihnim?
Öni Iesu kowe la itretre drei nyidrë: “Tro nyipunieti a ihnimikeu, tune la aqane hnimi nyipunieti ni.” (Ioane 15:12) Tune kaa la aqane amamane Iesu ka hape, nyidrëti a hnim la itretre drei nyidrë? Hnei nyidrë hna xomi ijine troa ce tro, me ithuecatr, me xatua angatr. Hnei nyidrë hna nue la mele i nyidrë koi angatr. (1 Ioane 3:16) Matre, nyipiewekë fe tro la itre nyipi keresiano a amamane la ihnimi angatr koi itre xan jëne la aqane ithanata, me itre huliwa.
3. Nemene la huliwa hna kuca hnene la itre nyipi keresiano?
Hnei Iesu hna ahnith la ketre hnëqa kowe la itretre drei nyidrë. “Nyidrëti a upi angatre jë troa cainöjëne la Baselaia i Akötresie.” (Luka 9:2) Ame la itre pane keresiano, ke, tha angatre kö a cainöj hmekuj ngöne la itre hnë hmi angatr, ngo angatre fe a hane cainöj ngöne la gaa tru atr, me ngöne itre hnalapa trootro. (E jë la Itre Huliwa 5:42; 17:17.) Nge celë hi hna kuca enehila hnene la itre nyipi keresiano. Pine laka, tru la ihnimi angatr kowe la itre atr, matre madrine catre angatr troa huliwane la traem me trengecatre i angatr, troa hane cainöjëne la maca ne mejiun, me akeukawane la itre atr jëne la Tusi Hmitrötr.—Mareko 12:31.
TROA CE ITHANATAN
Tro sa ce wang ka hape, isapengöne kö la nyipi keresiano, memine la keresiano ka tha xötrethenge kö la itre ini Iesu.
4. Angatr a thele la nyipici ngöne la Tusi Hmitrötr
Ame la itre pane keresiano, ke, ka trongëne la Tusi Hmitrötr
Ngacama alanyimu la ka qaja ka hape, itre keresiano angatr, ngo tha nyipiewekëne kö angatr la itre ini qa ngöne la Tusi Hmitrötr. Goeëne jë la VIDEO, nge ce ithanatane jë cahu hnying.
Nemene la hna kuca hnene la itre hmi cili matre ajolëne la itre atr troa atre la itre ini qaathei Iesu?
Hnei Iesu hna inine la nyipici qa hnine la Trengewekë i Akötresie. E jë la Ioane 18:37, nge ce ithanatane jë cahu hnying:
Ame koi Iesu, troa wangatrehmekune tune kaa la itre keresiano “ka sajuëne la nyipici”?
5. Angatr a cainöjëne la itre ini qa ngöne la Tusi Hmitrötr
Ame la itre pane keresiano, ke, ka cainöj
Qëmekene troa elë hnengödrai eë, hnei Iesu hna ahnithe la ketre hnëqa kowe la itretre drei nyidrë nyine troa kuca ekö me enehila. E jë la Mataio 28:19, 20 me Itre Huliwa 1:8, nge ce ithanatane jë cahu hnying:
Utihë ekaa, nge utihë eu la troa cainöjëne la maca ka loi?
6. Angatr a trongëne la itre ini hnei angatr hna cainöjën
Nemene la ka anyipicin koi Tom ka hape, öhne hë angeic la nyipi hmi? Goeëne jë la VIDEO, nge ce ithanatane jë cahu itre hnying:
Pine nemene matre trotrije pi Tom la hmi?
Hnauëne laka, xecie hë koi angeic ka hape, öhne hë angeic la nyipici?
Sisitria kö la itre hna kuca hune la itre hna qaja. E jë la Mataio 7:21, nge ce ithanatane jë cahu hnying:
Nemene la ka nyipiewekë koi Iesu, la tro hi a lapaun, maine troa xötrethenge la itre ini nyidrë?
7. Angatr a ihnimikeu
Ame la itre pane keresiano, ke, ka hnim la itre atr
Hnene kö la itre keresiano hna nue la mele i angatr kowe la itre sine hmi angatr? Goeëne jë la VIDEO, nge ce ithanatane jë cahu itre hnying:
Pine nemene matre hnei Lloyd hna nue la mele i angeic koi trejin Johansson?
Aqane ujë ne keresiano kö lai?
E jë la Ioane 13:34, 35, nge ce ithanatane jë cahu itre hnying:
Tune kaa la aqane tro la itretre drei Iesu (ene la itre nyipi keresiano) a ujë kowe la itre trenyiwa?
Nemene la hnei angatr hna kuca kowe la itre atre cili ngöne la kola isi?
HNE SË HNA MAJEMINE DRENG: “Hnene la itre ka hmi hna kuca la itre ewekë ka tha loi kö. Matre celë kö la nyipi hmi lai?”
Nemene la xötr ka troa xatua epun troa wangatrehmekun la itre nyipi keresiano?
HANE HI LA HNE SË HNA CE WANG
Ame la itre nyipi keresiano, angatr a xötrethenge la Tusi Hmitrötr, me ihnimikeu, me cainöjëne la nyipici.
Nyine Amekunën
Nemene la ka nyitrepene la itre ini ne la itre nyipi keresiano?
Nemene la thiina ka mama thene la itre nyipi keresiano?
Nemene la huliwa hnei angatr hna kuca?
ITRE XAA NYINE WANG
Ketre hmi ka tupath troa xötrethenge la tulu me itre ini Iesu.
Hna öhne tune kaa la nyipi hmi hnene la ketre föe ka hmi hë?
“Ils ont utilisé la Bible pour répondre à toutes mes questions !” (Ita Ne Thup 1 Eiperem 2014)
Hna amamane tune kaa hnene la itre nyipi keresiano la ihnim angatr kowe la itre sine hmi angatr?
Hnei Iesu hna amamane la aqane tro sa wangatrehmekun la itretre drei nyidrë. Tune kaa la aqane troa amamane hnene la itre keresiano ekö me enehila la itre hna amekötine cili?
“À quoi se reconnaît le christianisme authentique ?” (Ita Ne Thup 1 Maac 2012)