Troa Thele Loi Koi Itre Xan

Tulu i Iesu

VIDEO: Iesu Memine La Föe Ne Samaria

1. Goeëne jë la VIDEO, maine e jë la Ioane 4:6-9. Nge mekune ju cahu itre hnying:

1. Nemene la hnei Iesu hna öhn qëmekene troa ithanata memine la föe?

2. Öni Iesu koi angeic: “Pane thue imeng.” Pine nemene matre ka loi la aqane nyiqane Iesu la porotrik?

Ini Nyine Troa Hnehen

2. Tro la atr a drei eö, e tro eö a ithanatane la mekun hnei angeic hna pi porotrikën.

Aqane Troa Nyitipu Iesu

3. Drenge ju la mekuna i angeic. The thele kö troa qaja la mekun hnei eö hna hnëkën. Ithanatane jë la ketre mekun hna hnehengazon hnene la itre atr enehila. Hnyingëne jë ka hape:

1. ‘Nemene la itre hna ithanatan enehila?’

2. ‘Nemene la hna pi porotrikën hnene la itre atr ka lapa easenyi ni, itre sine huliwang, me itre sine ining?’

4. Goeëne jë xötreithi eö. Nge hnyinge jë:

1. ‘Nemene la hnene la atr hna kuca? Nemene jë la hnei angeic hna mekun?’

2. ‘Nemene la hna qajaqaja hnene la aqane heetr, me aqane tro, me uma, göne la hmi i angeic me itre aja i angeic?’

3. ‘Ijine ka loi kö troa ithanata me angeic?’

5. Drei angeice ju.

1. The ithanata atrunyi kö.

2. Nue pi la atr troa qaja la mekuna i angeic. Hnyinge jë thenge la mekuna i angeic.