Loi e Tro Së a Ce Huliwa Palahi Memine La Tane Ini Tus
1 Nyipi ewekë catre la Ini Tus ngöne la Ekalesia; ketre ixatua lai ka sisitria, matre atreine së troa trofë palahi la Maca ka Loi. Hnene laka, ala xalaithe hi la itre atrene la icasikeu cili, atreine hi troa ithuecatr, celë hi matre hetre madrine troa inine la Tusi Hmitrötre jëne la ketre itusi Sasaiatri. Ketre hna hnëkëne lai ka sisitria, matre atreine palahi së troa trofë la Wesi ula i Akötresie. Eje hi laka troa hetre thangane ka loi koi së isa ala cas, pine laka kola troa hamëne la itre ixatua ngöne la ijine cili. Nemene la aqane tro së a ce huliwa hnyawa memine la tane ini tus, matre hetre thangane la itre hna hnëkëne koi së?
2 Loi e hetre ajan’atraqatre troa trofë trongëne la Wesi ula i Akötresie: Ketre huliwa ka nyipi ewekë lai nyine tro la tane ini tusi a wang’atrun, ene la troa xatuane palahi la itre atrene la ini tus, matre hetre aja atraqatre troa trofë trongëne la Wesi ulai Akötresie. Celë hi matre, hna cinyihane ngöne lo itus “Notre ministère” ngöne la götrane 44 ka hape “troa mama laka hetre aja atraqatr, nge kola trofë trongëne palahi hnei itretre cainöje la Maca ka Loi, e hna amamai tulu hnene la tane ini tus.” Nyipici laka, hna ce huliwa palahi hnene la tane ini tus memine la sipu fami angeic, ngo tro fe a hetre madrinei angeice pe, troa hane ce huliwa memine la itre xane ngöne la itre hnepe ijine ka ijij. Hapeu, catre kö së troa ixatua ngöne la huliwa ne troa cainöje trotro? Troa atraqatre la madrine ne la atre ini tus me itretre cainöj, e hne së hna kuca lai.
3 Hna hnëkëne la itre icasikeu ne troa cainöje trotro, matre xatua së asë palahi troa hetre aja ngöne la huliwa cili. Nyipi ewekë troa ce wange palahi la ijine kaloi troa cainöje trotro, celë hi matre itre xan’a ajane troa canga nyiqaan’e hmakany. Nyimutre la itretre cainöje me itre pionie, ka trofë trongëne hnyawa la Maca ka Loi ngöne la drai ka pexej’e mecixeni me sabath; ngöne la hmakanyi ke, angatr’a pane iwai hmaca me inine la Tusi Hmitrötre, thupene lai angatr’a itronyi e 10 hawa, troa cainöje trotro utihë e 12 hawa; eje hi laka madrin’atraqatre nge hetre thangane fe troa kuca tune lai.
4 Hapeu, ajane fe kö epuni troa hetre ixatua ngöne la huliwa ne cainöje trotro? Celë hi matre, tro la tane ini tusi a ce ithahnataane me ketre atre cainöje ka atrein, matre troa ce huliwa me epun. Mekune hnyawa kö epuni e pune treu, troa cinyihane ngöne rapor lai hna huliwa. Troa madrin’atraqatre la itre tane ini tus me itre seketere, e hna ce huliwa hnyawa ngöne la itre götrane cili. — Wange ju la Luka 16:10.
5 Ijine kola ixöji hnene la atre thupëne la huliwa ne cainöje trotro: Hna majemine troa iwai hnene la atre thupëne la huliwa ne cainöje trotro. Ame ngöne la treu, ke, kola xatuane palahi la itre atrene la ini tusi cili, troa atreine trofë hnyawane la Wesi ula i Akötresie. Tro angeic’a cilefë la ketre cainöje ka xoxopatr, nge fifitrine menetre la etrune la traemen, thupene lai, angeic’a nyipune ju la ini tus; troa hamëne la itre ixatua, matre atreine së troa trofë hnyawane la Maca ka Loi. Ketre madrine catre angeic, troa ce huliwa memine la nöjei atrene ini tusi cili, ngöne la mecixeni me sabath. Nyipi ewekë tro së a goeëne hnyawaane la aqane trofë trongënei angeice la Maca ka Loi, matre hetre thangane koi së. Hawe, wang’atrune ju së lai huliwa hna hnëkëne koi së.
6 Nyipi ewekë tro së isa ala casi a amamai tulu ngöne la aqane troa ce huliwa me aja fe troa ixatua, matre hetre madrine me keukawa hnine la nöjei icasikeu ne ini tus ne la Ekalesia së, nge kola “kuca palahi la loi kowe la nöjei atr asëjëihë e hetre ijine së, ngo sisitria kowe la nöjei atr ne la lapa i angetre lapaun”. — Gal. 6:10.