Itre Ithuemacanyi Akötresie

Bolivia: Kola elë la itretre cainöje, 9 588 la etrune lo treu okotropa. Kolo palahi a elë la etrune la itre ka ini Tusi Hmitrötr, me iwaihmaca, me itretre cainöj, me pionie lapa. Hna isa kuca hnene la itretre cainöje la 14 lao hawa ngöne la huliwa ne cainöje trootro.

Idrië: Ngöne la treu okotropa, ke, kola elë la itretre cainöje, 13 217 la etrun. Kösë hna akönine elë la etrune ngöne la macatre celë.

Lituania: Hna e ngöne la treu okotropa la 871 lao itretre cainöj, kösë 39% la ka elë hune lo treu okotropa 1992.