Ijije Kö Tro Epuni a Hane Sine La Xötre Pionie?

¹ Ngöne lo faifi lao macatre, ke, hetre itre xaa pionie lapa ka pane nue la hnëqa celë. Hapeu, maine jë epuni fe hi la ketre e angatr? Maine ejehi, ke, ma hetre nyipi kepine matre hnei epuni hna pane nue la hnëqa cili. Maine jë, hetre ketre ewekë ka traqa, nge tha hnei epuni hna hmekën, nge jole e troa ce xom’asë. Hapeu, ame la kepine cili, eje palakö thei epun? Mai­ne hna alapa epuni hnei kucakuca, maine pë mani, maine hnei itre hnëqa ngöne fami, ngo hapeu, e mejë hë epuni qa ngöne la itre jole cili? Ijiji epuni kö troa waipengöne matre atreine epuni troa öhnyi manathithe hmaca qa ngöne la troa xejë hmaca la huliwa ne pionie? Hapeu, mekune palahi epuni troa xome hmaca?

² Ejehi laka, troa hnëkë hnyawa, me trongëne hnyawaane la porogarame hne së hna kuca, maine easë a ajane troa aeatrëne la hnëqa ne pionie. Tha tru fe kö la ijine mano ne la ka pionie, ngo ame la hnepe ijine angeic’a mano, ke, hetre madrine i angeic, nge hetre thangane ka loi qa ngön. (Ite Edo. 19:17; Ite Huliwa 20:35) Qa ngöne laka easë palahi a huliwa, ke, nyine thupë së lai qa ngöne la aqane mekune i fen, ene la troa mele koi së kö, me öhnyi loine caasine la mel. Hnei Iehova hna thingehnaeane laka tro nyidrëti a amanathithi epuni ngöne la ua, e hnei epuni hna catr, me pane amë la Baselaia e hune la nöjei ewekë asë. Troa tru la madrine së, e hne së hna nyihlue i Iehova memine la hni ka pexej.​—⁠Ite Edo. 10:⁠22; Kol. 3:​23, 24.

³ Hapeu, thatraqane caasi hi la ala xalaithe troa xome la huliwa ne pionie? Ohea. Ngöne la easë a nue la mele së koi Iehova, ke, tro la nöjei keresiano a mekune hnyawa ka hape nemene la ka ajolë angatre troa xome la huliwa ne pionie.​—⁠Mareko 12:⁠30.

⁴ E maine kola ajolë epuni troa pionie enehila hnene la ketre mec, maine itre hnëqa ka ihmekeu memine la Tusi Hmitrötr, ngo loi pe atre hnyawa kö Iehova la pengöi epuni, nge trotrohnine hi nyidrë. Tro nyidrëti a nyijune la lapaune i epuni hnene la hnei epuni hna catre qëmekene la itre itupathi ka tru. (1 Kor. 4:2; 2 Kor. 8:12) E maine kola mekune enehila ka hape ijije tro hmaca epuni a xome la huliwa ne pionie, hnauëne matre tha easenyine pe la atre thupe perezida, me hnyingë pepa ne sipo?

⁵ Ijije Kö Troa Hetre Ixatua Qa Thene La Fami: Maine jë hnei epuni hna pane lapa qa ngöne la huliwa ne pionie pine la itre hnëqa ne fami. Hapeue hë enehila, ijije kö tro pena la itre atrene la fami a hane ixatua, matre tro hmaca epuni a xome la huliwa ne pionie? Ame itre xan, ke, tro hi la itre hnepe ixatua kaco kowe la itre xaa hnëqa i angatr’a aijijë angatre troa xome hmaca la huliwa ne pionie.

⁶ Tro la aqane ce huliwa së memine la itre hnepe ixatua ne la itre xaa atrene la fami hne së hna kapa, troa aijijëne matre eatre hmaca la aja së. Ene la troa hamë ixatua, tune la troa hamë mani, maine ixatua troa nyithupene kar, maine ce cainöje trootro pena me angeic. Hetre itre xaa aqane hamë ixatua. Maine tha ijije kö tro së a xome hmaca la huliwa ne pionie, ma loi e tro la ixatua qa the së a aijijëne pena la ketre atrene la fami ka ajane troa xom.

⁷ Hnauëne matre tha ce waipengöne pe me ce ithahnataane pe memine la fami? Tro lai a aeatrëne la hna ajane celë, e hna ce ithahnataane me ce huliwaane hnene la fami. E kola lö hnine la huliwa ne pionie hnene la ketre trejin, ke, hetre madrinene fe la nöjei atrene la hnalapa qa ngöne la ixatua hnei angatre hna hane hamën. Nyipici laka, ame la hne së hna hamëne thatraqane la itre huliwa ne la ua, ke, tha kolo hmekuje kö a nyine anyipicine kowe la Baselaia ngöne la itre götrane së, ngo nyine tro fe a thuejëne la fami së troa kökötre ngöne la ua.​—⁠Luka 6:38; Fil. 2:​2-4.