Hnëkë Jë Göi Drai Ne Amekunën
Hapeu, hna thuemacane kö la nöjei atr, ketre tune fe lo atr ka troa cilefë la cainöj, göi traem, me hnë troa kuca la Drai ne Amekunën? Atrehmekune hnyawa kö la atr ka troa cainöje ka hape 45 hi lao menetre hna nue koi angeic.
Hapeu, hetre ka troa hnëkëne hë la areto me waina? (Goeëne ju La Tour de Garde ne 15 Febuare, 1990, götrane 16-18.) Tuneka fe göi laulau, me ihakun, me etrune la itre vere me itre peleitre thatraqane la ijine cili ka ijije kowe lai?
Ketre, hane fe kö mekune troa nyihnyawane la uma ne Baselaia qëmekene me thupene la Drai ne Amekunën? Nge ase fe kö athipi qane la itre ka troa thup, me itre ka troa trofë la areto? Ketre, hna hnëkëne kö la ketre reinio nyine troa tro hmaca ithahnataane hnyawaane la isa hnëqa? Nemene la aqane troa kuca matre xecie koi së laka ka huliwa hnyawa la nöjei ka hetre hnëqa?
Hapeu, hna hnëkëne kö troa hane xatuane la itre trejine ka qatre hë maine ka wezipo pena troa hane sin lai drai cili? E maine hetre itre hna iëne hna umën, matre jole troa traqa, ke, hapeu, hetre hna hane hnëkëne fe kö koi angatr?