Huliwaane Hnyawaane Jë La Itre Zonale Së
1 Ame la epuni a easenyine la ketre magazë hna salemë itus, ke, nemene la hnei epuni hna öhn? Itre zonal. Ngöne la itre gojenyi ka tiqa hnei magazë, nemene la ewekë hnei epuni hna canga goeën? Itre zonal. Nemene la itre ewekë ka ahacene la watrenge ne la atr ka trofë tusi trootro? Itre zonal. Qa ngöne lai, nemene la hna e hnene la itre atr? Itre zonal. Hna öhne laka, ame thene la itre thöthi ka 10 maine 18 lao macatre, ke, 9 koi 10 la itre ka e la zonale e nöjei treu, ketre tune fe thene la itre thupëtresij. Hna wangatrune la zonale hnene la itre atr ngöne la fene hnengödrai asë.
2 Hapeu, ijije kö tro së a xatuane la itre atr ka hni ka nyipici matre tro angatr’a hane wangatrune la itre zonale La Tour de Garde me Réveillez-vous!? Nyipici, nge troa ej, e hne SË hna wangatrune La Tour de Garde me Réveillez-vous! Nemene la ka troa xatua së? Hanawange la itre mekun:
◼ E Jë La Itre Zonal: Hna wangatrehmekune hnene la atre thupe ka wange trongëne la itre ekalesia laka, e maine köni atre cainöje ngöne la sirkoskripsio, ke, alacaasi la ka e La Tour de Garde me Réveillez-vous! Qa ngöne la qaane utihë ngöne la pun. Hapeue fe epun? Ngöne la epuni a e la nöjei hna cinyihane hnine la itre zonal, ke, isa thele ju epuni ka hape ‘Drei la hna troa ketr hnene la mekune celë—ketre thin, maine ketre atr ka tha lapaune kö koi Akötresie, maine ketre atr ka thele mani, maine ketre thöthi pena?’ Sijihatrene ju la caasi maine lue mekune ka ijije e hnine la sipu zonale i epun, nge ithahnatane ju itr’ej, ngöne la epuni a troa trofë la itre xan. Thupene lai, mekune ju la aqane troa amejëne la aja kowe lai taan, tha tro kö a qea la hna ithahnata maine troa e la caasi maine lue xötre hna cinyihan.
◼ Loi e Troa Amë Hutine La Etrune La Itre Zonale Nyine Troa Komadën: Amë ju la etrune ka ijije kowe la lue zonal, nge ce wange ju memine la trejine ka xome la hnëqa ne troa hamë zonal, la etrune hnei epuni hna ajan. Qa ngöne lai, tro epun, me fami epuni a kapa palahi la itre zonale i epun, memine la etrune ka ijij.
◼ Loi e troa wange matre amë la ketre drai göi troa trofë trongëne la itre zonal: Nyimutre la itre ekalesia ka hnëkëne la ketre drai matre troa trofë la itre zonal. Hapeu, hnei epuni kö hna eatrëne la drai hna sa hnene la ekalesia göi troa trofë la itre zonal? E maine tha eje kö, ke, tupathe ju troa trofë itr’eje ngöne la epuni a cainöje e nöjei ijine ka ijij, maine e cahu hna tro, maine troa isa trofë trongëne la itre zonal, maine ngöne itre hnalapa trootro, maine kowe la itre atr hna majemine hamëne kow.
◼ Loi e Troa Wangatrune “La Tour de Garde” Me “Réveillez-vous!”: The thëthëhmine kö la itre zonale ngöne la epuni a tro ga nany, maine ngöne la epuni a troa itö. Hamëne ju itr’eje kowe la sine huliwa i epun, maine itre ka lapa ezi epun, maine kowe la itre sine ini epun, maine kowe la itre ka ini. Hnene la lue trefëne ka majemine tro ga nanyi hune avio hna nyiqaane ithahnata memine la ketre atr ka lapa ezi nyidro, hna xome la ketre mekune ka eje hnine la itre zonale hna hnyipi kapa. Atraqatre pi hë la madrine hnei nyidro hna kapa qa ngön. Ame la itre xaa thöth, ke, hnei angatre hna xome trongëne palahi la itre xaa zonale hnei angatre hna mekune ka hape troa ketr la itre ka ini me angatr, maine itre sine ini angatre pena. Xometrongëne ju la itre xan, ngöne la epuni a troa itö, nge hamëne ju itr’eje kowe la itre ka cilëne la itre kees, qëmekene la tro epuni a tro triji angatr. Alanyimu the së itre ka xomi saasi lapa; pine nemene matre tha hamëne kö la itre zonale kowe la ka cilëne la isaas? Loi e troa hetrenyi palahi thei epuni la itre zonale ngöne la kola iwai hnene la fami i epun, maine ngöne la epuni a treqe kar, maine ngöne la epuni a treqene la ketre atr hnei epuni hna isapui memin. Hapeue, hetre xaa ijine kö ka ijije hnei epuni hna mekune kow?
◼ Loi e Troa Hnëkëne Hnyawa La Ketre Aqane Trofë Zonale Ka Tha Qea Kö: Hnëkë jë troa qaja la ketre mekune ka xoxopatre hi, ngo tro pe a maca la aqane qaja. Loi e tro epuni a madrine ngöne la aqane tro epuni a ithahnata. Loi e troa ketr la hni ne la atr. Ithahnataane ju la ketre mekune ka nyipiewekë. Ketre, xome jë la caa mekune nyine troa ithahnataane qa hnine la hna cinyihan, ngo tha ene kö la troa e, nge thupene lai, hamëne pi hë la itre zonal. Ame la aqane trofë ka loi, ke, ene la troa amejëne la ketre hnyinge ka ihmeku memine la ketre taane ne mekune ka ijije troa ketr lai atr, nge thupene lai, amamane ju la ketre hna cinyihane ka sa lai hnyinge qa hnine la Tusi Hmitrötr. Hanawange la itre xaa mekune ka ijije nyine troa trongën:
3 E maine epuni a amamane la hna cinyihane ka qejepengöne la ejolene la ihumuth, ke, qaja ju ka hape:
◼ “Nemene la nyine troa kuca matre ijije koi së troa meköle hnyawa e jidr, nge pëkö xoue ihumuth?” Maine jë tro la atr a luelue hnene laka, kola ngazo catre trootro la fene hnengödrai. Loi e tro epuni a sa ka hape, nyimutre la itre atr ka mekune tuun, nge qaja ju fe ka hape hetre itre ithuemacanyi hnei epuni hna mekune ka troa xatua angeic. Thupene lai, amamane ju la ketre mekune ka ijije hnine la hna cinyihan.
4 Ngöne la epuni a hamëne la taane ne mekune göne la mele ne fami, ke, qaja ju ka hape:
◼ “Alanyimu la itre atr ka öhne la ejolene enehila troa huliwa kowe la fami. Hna cinyihane la itre itusi ka kösau thatraqane la götrane celë, ngo kolo fe a amamane laka, isazikeu la mekune ne la itre ka thele nyin la itre jole së. Hapeu, tro së a öhne tuneka la qeqe ne la itre ihaji nyine tro së a mejiune kow?” Thupene lai, köjane ju la ketre mekune ka tru hnine lai zonal, ka amamane la inamacane qa hnine la Tusi Hmitrötr.
5 Loi e tro epuni a tupathe la aqane trofë celë ngöne la epuni a amamane la taane mekune ka qaja atrune la ejolene la aqane mele ne la itre atr enehila:
◼ “Alanyimu la itre atr ka mele ngöne la akötre enehila. Tha celë kö la aja i Akötresie lai.” Thupene lai, amamane ju la aqane tro la itre mekune qa hnine la Tusi Hmitrötre hna fejane hnine lai hna cinyihan, a xatua së troa cile kowe la itre ejolene la mele enehila, me hamëne la ketre mejiune kowe la nyin ka troa cile huti ngöne la itre drai ka troa xulu.
6 Hapeue la pengöne la thupene la itre zonal? Tha tru kö, coco catre la thupene itr’ej, hune la itre zonale ne la fene hnengödrai. Hawe, tha tro kö a hmahma e troa qaja la thupene la itre zonal. Loi pe, tro së a madrine laka easë a hane sine la huliwa ka lolo, nge ka thue loi kowe la nöjei atr ka ipië. Nyipici, tha tro kö së a luelue ngöne la easë a amamane me trofë trongëne la itre zonal!
7 Ka Hetre Thangane Ka Loi La Troa Cainöje e Nöjei Ijine Ka Ijij: Ame la itre atr ka mele ngöne la itre götrane hna wathebone troa cainöje trootro ngöne itre hnalapa, ke, hna ithahnata me angatre e nöjei ijine ka ijij, maine ngöne hnë treqe kar, maine qëmekene pital, maine ngöne hna maketr, maine e cahu gojeny. Ame itre xan, ke, angatr’a atre la nyipici jëne la itre zonal. Hapeu, hnei epuni kö hna hane cainöje ngöne la nöjei ijine ka ijij? E maine ejehi, ke, hapeu hetre thangane ka loi kö qa ngöne la aqane cainöje i epun? Nyipiewekë tro së a ithahnata amenyiken, me ajane troa hamëne la ixatua, ngo tha tro pe a thele troa ieleene la itre atr. Pane mekune ju laka e troa alacaasi hi la ka ithahnata kowe la ketre atr, ke, ijije tro angeic’a cile matre troa dreng, ngo tro angeic’a xele e troa ithahnata koi angeice hnene la ka alanyim. Nyipiewekë fe troa iseji hnyawa, me qahmihmi la aqane troa heetr, tune la itretre nyihluei Akötresie.—1 Tim. 2:9, 10.
8 Itre Gojenyi Ne Ami Zonal: Ame la itre trene jëne ami zonale trootro, ke, kolojuhë lo itre teritoare hna kuca lapaan, ngo nyimutre lao zonale hnei angatre hna amë trongën. Ame la itre jëne ami zonal, ke, itre jëne lai ka tru ka aijijë së troa nyiqaane inine la Tusi Hmitrötre kowe la itre atr.
9 Ngöne laka epuni palahi a bëeke troa wange hmaca la itre atr me hamëne la itre xaa zonale koi angatr, tro hë epuni a imajemikeu me angatr, nge tro ha kökötre trootro la keukawa, me ihnimi epuni koi angatr. Nge pine laka, epuni a atre angatre trootro, canga hmaloi hi e troa ithahnatane la itre taane mekune qa hnine la Tusi Hmitrötr. Kolo lai a troa thuejëne la ini Tusi Hmitrötre ngöne isa hnalapa. Loi fe troa abone angeic. Nge mekune ju laka, ame la epuni a wange lai atr, ke, epuni a e ju la ca iwaihmaca.
10 Hnene la ketre söre hna majemine trofë la itre zonale kowe la ketre föe ka kapa lapaan’itr’ej, ngo hna qaja pe ka hape: “Tha jelenyipicine kö ni la hnei epuni hna qaja koi ni.” Ngöne la iwaihmaca thupen, hnene la söre hna öhne pena e cili hnalapa, la trahmanyi ne lolai föe. Thupene la hna ce porotrike hnyawa, ene pe isapui ju matre troa nyiqaane inine la Tusi Hmitrötr. Hawe, imajemikeu jë fe hë memine la köni nekö i nyidro trahmanyi ka traqa hane sine la etid. Thupene hë lai, hnene la thine me itre neköne hna nue la mele i angatre koi Iehova jëne la bapataiso. Ame enehila, 35 hë lao atrene la fami ka kapa la nyipici. Celëhi itre thangane la hna catre sisedrëne lapaane hnene la söre la gojenyi ne ami zonale trootro!
11 Nyimutre la itre aqane nyiqaane la gojenyi zonal. Loi e tro epuni a nyiqaane la ketre gojenyi ne ami zonale hnene la hna amë pe itr’ej, nge isapui ju göi troa bëeke hmaca thupene lue wiike matre trofë la itre zonale hna hnyipi kapa. Ame la ketre aqane kuca, ke, ene la troa huliwaane la ketre mekune fene la hna cinyihane ka hape “Hnine la zonale thupen.” Ngöne la epuni a bëek, ke, qaja ju kowe lai atr ka hape hetrenyi thei epuni lo taane mekune hnei epuni hna qaja ngöne lo kola xötrei iöhny. Maine pena, ngöne la kola kuca la iwaihmaca, ke, qaja ju ka hape: “Ame la eni a e la taane mekune celë, ke, eni a mekune laka troa ketri epun . . .” Thupene lai, qaja ju la hnepe mekune hnei epuni hna hnëkëne ngöne lai taane mekun, nge hamëne jë. Thupene la hna iwaihmaca, ke, pane fejane ju la faifi lao mekune ka tha jole kö ngöne lo pepa ne cainöje trootro: (1) la ëje ne lai atr, (2) la aderesi ne lai atr, (3) drai ne iwaihmaca, (4) itre zonale hna amë pe, me (5) taane mekune hna amaman. Tru la thangane ka loi hna kapa hnene la itre xaa ka cainöje hnene laka tru catre hë la itre gojenyi ne ami zonal, nge kola e la 40 a tro draië la etrune la itre iwaihmaca ngöne la lisi angatr!
12 Itre Teritoare Ka Thele Mani: Nyimutre lao zonale hna amë hnene la itretre cainöje ka huliwaane la teritoare hnaa thele mani. Hapeu, ase fe kö epuni tupathe troa cainöje trootro ngöne la itre magazë? Hna e laka ame ngöne la itre xaa ekalesia, ke, hna waitulune hi la etrune la hna huliwa ngöne la götrane hnëqa celë. Ngöne la xötrei, ke, itre xan’a xouene troa ithahnata memine la itre ka thele mani, ngo thupene lai, angatr’a tupathe pena ngöne la ketre ijin, hawe, angatr’a öhne laka tru la thangane hna kapa qa ngön, nge angatre fe a hane öhnyi loi. Hnauëne matre tha sipone kö la itretre cainöje ka atrein, maine itre pionie pena troa xatua epuni troa nyiqaan?
13 Nyimutre la itre thangane ka loi hna kapa qa ngöne la hna cainöje trootro ngöne itre magazë. Tha tru menu kö la itre hnalapa ka pë atren, ngöne lo itre hawa ne huliwa mani! Hna wangatrehmekune thene la itre atr ka huliwa mani, laka, hetrenyi thei angatre la metrötr, ngacama tha ajane kö angatre troa ithahnata Tusi Hmitrötr. Loi e troa nyiqaane wai angatre e sine hmakany; ijije tro angatr’a kepe epuni hnyawa. Thupene la hnei epuni hna qaja la ëje i epun, ke, qaja ju ka hape jole catre koi epuni troa öhne la itre atr ka huliwa ngöne la itre hnalapa i angatr, hawe celëhi matre, epuni a wai angatre ngöne itre hnë huliwa i angatre matre troa hane hamë angatre la itre zonale hna xötrei kapa, ene La Tour de Garde me Réveillez-vous! Amamane hnyawaane ju laka nyimutre la itre atr tru huliwaane ka kapa madrine la itre zonale së pine laka angatr’a ajane troa atre la itre ewekë ka traqa ngöne la fene hnengödrai enehila, ngo tha tru kö la ijine i angatre troa e. Hna amamane hnene la itre zonal, la itre mekune ka nyipiewekë qa ngöne la mejiune ka ithuecatre thatraqane la itre drai hnapin, ene laka tro ha patre la itre hmi, me politik, maine thele mani pena. Loi e troa nyiqaane la ketre gojenyi zonale kowe la itre atr ka ajane hna öhne ngöne la itre teritoare ka thele mani.
14 Hna Hnëkëne Tune La Ketre Fami: Ame itre xaa ijin, ke, amë ju la ketre hnepe ijine hnine la ini Tusi Hmitrötre ne la fami matre troa ithahnataane la itre xaa taane mekune hnine la itre zonale ka hnyipi traqa, nge ka ihmeku memine la itre aja ne la itre atr ngöne la teritoare i epun. Loi e tro la itre atrene la fami—memine la itre nekönatr—a isa amacaane la aqane tro angatr’a trofë la maca ka loi, me atreine thele troa sa hnyawa la itre mekune ka ajolëne la maca ka loi, tune la kola hape: “tru la joleng,” “Ketre hetre hmi eahuni hë,” maine “tha ajane kö ni.” E troa ce huliwa, ke, ijije tro la nöjei atrene la fami a hane trofë trongëne la itre zonal.
15 Loi e Tro La Atr Cilefë La Ini Tusi a Hamë Ixatua: E ijije hi, ke, hnëkëne ju la itre icasikeu göi cainöje trootro e drai hna sa troa hamë zonale ngöne isa hnë ini tus, ngo tha loi kö troa hnen’asë itr’ej, ngöne la uma ne Baselaia. Loi e tro la itre trejine ka cilefë la itre icasikeu göi cainöje trootro a hnëkë hnyawa, me hamë mekune ka nyipiewekë kowe la gurup. Loi e tro fe a kuca la ketre aqane trofë ka tha jole kö, memine la caasi maine lue mekune qa hnine la itre zonale hna xötrei kapa, ka ijije troa amejëne la aja ne la itre atr. Loi e tha tro kö a qea—la itre icasikeu göi cainöje trootro—memine fe la kola isa ami së me itre xan, memine la kola thewe qa, tha tro kö a sasaithe la 10 maine 15 lao menetr. Loi e tro la itre ka kuca la itre ini tusi a hnëkëne hnyawa la itre teritoare matre hetre huliwan’asë la itre trejine ka troa cainöj.
16 Amamane Jë La Madrine i Epuni Kowe La Itre Zonal: Ame la hna cinyihane “Huliwane jë së lo La Tour de Garde me Réveillez-vous!” ka mama ngöne lo Huliwa ne Baselaia ne julai 1993, ke, kola hamëne la mekune celë ka nyipiewekë: “Mekune kö së troa nyipiewekëne la itre zonale La Tour de Garde me Réveillez-vous! ngacama tha ase së kö hamën’itr’ej. . . . ame la aliene, ke, ka ihmeku palahi memine la aqane mele enehila. Maine hne së hna majemine troa xawan, ngo tha huliwaane pe, ke, kola amamane ka hape tha nyipiewekëne kö së. . . . Hnauëne laka tha catre pe troa hamëne la itre zonale kowe la itre atr ka ajan, hune la troa xeene me thëthëhmin’itr’ej?”
17 Ame enehila, alanyimu catre la itre atr ka hni ka meköt, angagtr’a thele la nyipici. Tro la ketre mekune qa hnine la ketre zonale a eatrongë angatre kowe la nyipici! Hnei Iehova hna hamë së la ketre maca ka ketre pengöne kö nyine troa cainöjën, nge jëne fe la itre zonal, atreine së troa thuemacane la itre xan. Hapeu, wangatrune kö epuni la hnëqa celë, ene la troa trofë la itre zonale ngöne la itre drai ka troa xulu? Tro kö epuni a trongëne la itre mekune celë e mecixeni me sabath? Ejehi laka, troa atraqatre la manathithi hnei epuni hna troa kapa, e tro epuni a trongëne la itre ixatua.
Itre Ini Ka Hetre Thangan:
◼ Canga e jë la itre zonal, nge atrepengöne hnyawaane ju la itre hna cinyihan.
◼ Iëne ju la ketre hna cinyihane ka ihmeku memine la aja ne la itre atr ne la teritoar.
◼ Hnëkëne ju la ketre aqane trofë ka ijije troa ketr la nöjei pengön’atr, ene la itre trahmany, itre föe, maine itre thöth. Amamane ju la aqane troa ketri nyidrë hnene la zonal, nge amamane ju fe laka tro fe a kapa madrin’eje hnene la fami asë.
◼ Hnëkë jë kowe la huliwa ne cainöje ngöne la ijine angatr’a lapa hnalapa. Hna amë la itre xaa heji matre trofë zonale hnene la itre xaa ekalesia.
◼ Loi e tha tro kö a qea la aqane trofë, nge tro hi a qaja la mekun.
◼ The ithahnata nyimenyime kö. E maine tha tru kö la ajane lai atr, tha kolo kö a ixatua la troa ithahnata nyimenyim. Loi e tro epuni a hetre madrin, me ithahnata hnyawa, me nue lai atr troa hane qejemekun.
Loi e Troa Trofë Trongëne La Itre Zonale Ngöne Itre Hnalapa:
◼ Loi e troa hnyimahnyima, nge troa menyike la nine i ithahnata i epun.
◼ Loi e troa madrine ngöne la kola trofë la itre zonal.
◼ Ithahnata hmidra ju, nge the tremutremu kö.
◼ Ithahnata ju ngöne la caa taane mekune hmekuj; ahlëne ju la aja, tha tro pe a aqean, nge amamane ju la enyipiewekëne itr’eje kowe lai atr.
◼ Köjane juhi la ketre hna cinyihan.
◼ Amamane ju hi la caa zonale hmekuj, nge hamëne ju fe la ketre sinetrongen.
◼ Liine ju la itre zonale kowe lai atr.
◼ Qaja ju kowe lai atr ka hape epuni a troa bëeke troa wai angeice hmaca.
◼ Loi e tro palahi a madrin, me nyipune hnyawa, ngacama hna thipëne la itre zonal.
◼ Fejane hnyawaane ju la nöjei ka ajan, me itre itusi hna amë ngöne la pepa ne vizit.
Itre Ijine Ka Ijije Göi Troa Hamëne La Itre Zonal:
◼ Cainöje trootro ngöne itre hnalapa
◼ Cainöje trootro e nöjei ijine ka ijij
◼ Cainöje trootro ngöne itre magazë
◼ Gojenyi zonal
◼ Cainöje trootro e hej
◼ Ngöne la kola kuca la itre iwaihmaca
◼ Troa wange hmaca lo itre ka ini Tusi Hmitrötre hë ekö, nge hna nue hmaca
◼ Ngöne la kola tro ga nany, maine kola maketr
◼ Ngöne la kola ithahnata memine la itre sinee, maine sine huliwa, maine itre ka lapa ezi së, maine itre sine ini, maine itre porofesör
◼ Hnë xomi kaar, maine ngöne la itre götrane hna itreqe